रोमी 16:2 - जिरेल

² थेकी मि काल्‍बेईला आउदी लेमु खाबा ओतान। ङा ङाराङलाङ थेकी मद्धत बिन्‍दा ओतान। थोगी था थे थेपा वासीन थेङ प्रभु येशू ख्रीष्‍टला विश्‍वास खित्‍कान्‍ते ईन सिन परमेश्‍वर सन्‍तान नाङ दोक्‍पोईकी ज्‍येनज्‍यीकला चुक खिता फाप्‍कीते थोकराङ खाला ख्‍योकोनगी थेला लेमु खि। थेमे थेला च्‍यि च्‍यि गोकीका सिन ताला गोच्‍येतेबा बिन।

रोमी 16:2 Iomraidhean Croise

मत्ती 25:40

थोक सिरजीन थे गेल्‍बोकी थेबाला ‘ङा ख्‍योकोनला च्‍यि सिते सासीन ज्‍येनगी दिङ सु ईन्‍देरो सिराच्‍योक ठाने खाबाते मिओनला ख्‍योकोनगी लेमु खाबाते ङालाराङ लेमु खाबाते ईन। होथोक्‍तेबा दोक्‍पोईलाकामा ईन्‍सीनोङ ख्‍योकोनगी लेमु खाबाते ङे लाईदुराङ खाबा ओतान,’ सिन सिओ।

शक्ति काम 9:13

थोक सिरजीन हननियेकी “प्रभु, थेकी यरूशलेमदु ओताते खुई मिओनला खेदा खाईन खाईन दुक्‍पा बिन्‍दाते बात गाङे ङे थोबा ओत।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

शक्ति काम 9:36

योप्‍पादु तबीता सिराज्‍यीक फेम्‍मे मि ओतान। थेङ येशू चेला ओतान। तबीता साबाते खास्‍याक साबाते ईन। थेकी मि काल्‍बेईला लेमु खिन ओतान। थेमे दुक्‍पा ङेताते मिओनलाङ दुक्‍पाला आउदी खाला तेइन ओतान।

शक्ति काम 9:39

थेमे पत्रुस थे मिओनताङ योप्‍पापा लिच्‍युङ। थेरू लेपासात्तु मिओनगी थेला तबीते रो ज्‍याक्‍पाते खाम्‍बे ताले लाकने खेरसुङ। थे कोठादु ख्‍योबो स्‍याप्‍ते फेम्‍मे मितेबा काल्‍बेई ओतान। तबीतेकी खोपरोङला बिन्‍दाते खोलाकओन पत्रुसला तेन्‍गीनकामा “दि खोलाकओन दिकीराङ चेम्‍गीन बिन्‍दाते ईन,” सिन थेबाबरी पत्रुस फेरो खाङ लाकीन देत्‍कीन ङ्वाप्‍ला स्‍यूसुङ।

शक्ति काम 9:41

थेमे पत्रुसकी लाक्‍पाला जुम्‍गीन थेला थेरूकी लाङसुङ। थोक ओङनामेकी थेकी थेरू ओताते ख्‍योबो स्‍याप्‍ते फेम्‍मे मिओन थेमे परमेश्‍वर सन्‍तान ज्‍येन गाङेला नाङने काताङगीन च्‍याकीन तबीताला ठेता खाईन बिन्‍सुङ।

रोमी 15:7

थोगी था ङा ख्‍योकोन गाङेला च्‍यि सिते सासीन ख्रीष्‍टकी खेराङला लेमु खाबा च्‍योकराङ ख्‍योकोनगीङ खेराङ नाङ ङा दोक्‍तेताङ खो थोक्‍ते सिन मिसिरा खाला दोक्‍पोईकी ज्‍येनज्‍यीकला लेमु खि। दोक खित्‍च्‍येतेचेन परमेश्‍वरला मान खाबाते ईन।

रोमी 16:15

थोकराङ खाला फिलोलोगसताङ युलिया, नेरियसताङ थे नुमु थेमे ओलिम्‍पास थेमे थेबाताङ ओताते गाङे परमेश्‍वर सन्‍तानओनलाङ ङेते नमस्‍ते ओत्‍लो सि।

रोमी 16:23

थेमे गायसतेङ ख्‍योकोनला नमस्‍ते ओत्‍लो। ङा पावल थे खाम्‍बादुराङ डोम्‍बो ओङगीन देता ओत। देङला ओताते येशू ख्रीष्‍ट मिओन दि खाम्‍बादुराङ जम्‍मा ओङगीदुक। थेमे इरास्‍तसतेङ ख्‍योकोनला नमस्‍ते ओत्‍लो। थेचेन दि सारदु च्‍यि च्‍यि खिता फाप्‍च्‍या दुका, थोई खर्च लै खित्‍च्‍या दुका सिन ताकान्‍ते मि ईन। थोकराङ खाला ङुरूङ न्‍वा क्‍वार्टसतेङ ख्‍योकोनला नमस्‍ते ओत्‍लो।

रोमी 16:6

थेमे मरियमलाङ ङेते नमस्‍ते ओत सि। थेकी ख्‍योकोन लाईदु थोई दुक्‍पा खाईन काम खाबा ओताने सिन टोक माज्‍येत।

रोमी 16:9

थोकराङ खाला ङ्योकोन च्‍योकराङ ख्रीष्‍टकी काम खित्‍कान्‍ते उर्बानसला ङेते नमस्‍ते सि। ङे ङिङज्‍येते र्‍वा स्‍ताकिसलाङ ङेते नमस्‍ते ओत सि।

एफिसी 5:3

रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम थेमे लोभ खित्‍च्‍येतेनी बातराङ थोङ, होदोक्‍ते कामगी बात समेदोङ ख्‍योकोनगी खिता मेङगो। परमेश्‍वर सन्‍तानगी होदोक्‍ते बात खिताराङ सोई मिक्‍किओ।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

फिलिप्‍पी 2:29

दि थेपा लेप्‍नामेई गा खिन ख्‍योकोनगी दिङ प्रभु येशूला विश्‍वास खित्‍कान्‍ते मि ईन सिन दिला लेमु खि। दि थेमे दि च्‍योक्‍ते मिओनला ख्‍योकोनगी मान खि।

कलस्‍सी 4:10

दुरू ङात्ताङराङ जेलदु ओताते अरिस्‍तार्खसते ख्‍योकोनला नमस्‍ते ओत्‍लो। थेमे बारनाबास न्‍वा फाप्‍च्‍येते मर्कूसतेङ नमस्‍ते ओत्‍लो। मर्कूसला च्‍यि सिसे थेमे थेला चुक खिता फाप्‍कीते सिन ङे ख्‍योकोनला गोमाकाराङ साकीन सिन्‍दा ओत। था थे ख्‍योकोन ओत्‍सापा वासीन थेला लेमु खि।

१ तिमोथी 2:10

बरू परमेश्‍वरला माने खित्‍कान्‍ते फेम्‍मे मिओनगी खिता फापाच्‍योक खाला थेबेकी लेमु काम खिता फाप्‍क्‍यो।

२ तिमोथी 1:18

था प्रभु येशू ख्रीष्‍ट ग्‍युरला ओङे छोमु थेकी थेला दया खित्‍स्‍यीत। ङा एफिससदु देता ओत्‍जीनोङ थेकी ङाला थोई मद्धत खाबा ओताने सिन खोल्‍लाङ छ्याराङ ओत।

तीतस 2:3

थोकराङ खाला गाम्‍मातेबाङ येशूला विश्‍वास खित्‍कान्‍ते फेम्‍मे मिओनगी खिता फापा च्‍योकराङ खित्‍कान ओङा फाप्‍क्‍यो सिन सि। थेबेकी मि मोत्‍कीन ख्‍याम्‍च्‍येते थेमे छ्याङ रक्‍सीकी जिला ख्‍याम्‍बा मेङगो सिन सि। बरू चुक चुक खिता लेमु ईन्‍दे सिन ज्‍येनला लोपा थुप्‍कान्‍तेन्‍दे ओङा फाप्‍क्‍यो सि।

फिलेमोन 1:12

था ङा दिला खो ओत्‍सापा ग्‍युरला तोङगीन ओत। ङाराङला भन्‍दाङ दिला ङाला काल्‍बेई ङिङज्‍ये लाङगीदुक।

फिलेमोन 1:17

बात दोक दोक ईन्‍देकी खुई ङाला ङा खोत्ताङ डिक्‍ला काम खित्‍कान्‍ते मि ईन सिओ सासीन ङा थेपा वासीन ङाला लेमु खिता च्‍योकराङ खाला खुई दिला लेमु खि।

२ यूहन्‍ना 1:10

सुइँदेकी वाला ख्रीष्‍टकी लापाते भन्‍दा खइँदा ल्‍हाक्‍पा बात लोपा छोल्‍गीदुक सासीन थोक्‍ते मि जो ईन्‍सीनोङ थेला स्‍यासा मातेर, थेत्ताङ बातज्‍यीगोङ माकेत।