रोमी 16:13 - जिरेल

¹³ थे खोरोङ काम खिताला प्रभु ख्रीष्‍टकी छाने खाबाते रूफसला ङेते नमस्‍ते ओत सि। थेमे ङाला थे मोरोङ फुज्‍युङला च्‍योकराङ खाला लेमु खित्‍कान्‍ते थे आमालाङ ङेते नमस्‍ते ओत सि।

रोमी 16:13 Iomraidhean Croise

मत्ती 20:16

दोक साकीन च्‍याकीन थेकी चेलातेबाला “दि कथाला साबा च्‍योकराङ मिओनगी विचार खाबा च्‍योकचेन तिरी मेङगो। थरिङोला ज्‍येनगी दिङ सु ईन्‍देरो सिराच्‍योक ठाने खाबाते मिओन तिरी छ्ये ओङगो। थरिङोला छ्ये ओतातेबाचेन तिरी छ्ये मेङगो,” सिन सिदुक।

मर्कूस 15:21

येशूला टीला डुइन डुइनलाराङ लामला मिल्‍टेरीओनगी युलनापेई सारनापा ओङगीन ओताते शिमोन सिराते मिला ठेत्‍सुङ। थेचेन साइरेनीपे मि ओतान। थे अलेक्‍जेन्‍डरताङ रूफसबे आबा ओतान। थेमे मिल्‍टेरीओनगी थेलाराङ जुम्‍गीन येशूला टाँए खाला सेत्‍च्‍येते स्‍यिङगी थाम जबरजस्‍ती कुरगीन खेरसुङ।

मर्कूस 3:35

परमेश्‍वरगी खि साबा साबाच्‍योक खित्‍कान्‍ते मिओनराङ ङे आमाताङ न्‍वा नुमुबा ईन,” सिन सिदुक।

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 19:27

थेमे थेकी चेलातेलाङ “थरिङमेई थेराङ खुईते आमा ईन,” सिन सासुङ। थेमे थे छोमुमेई थेकी येशू आमाला थे खोरोङ खाम्‍बादु खेरगीन आमाला च्‍योकराङ खाईन ज्‍याक्‍सुङ।

रोमी 16:12

थेमे दुक्‍पा खाला खाला प्रभु ख्रीष्‍टकी काम खिन ओताते नुमुबा ङिबो त्रिफेनाताङ त्रिफोसाला ङेते नमस्‍ते ओत्‍लो सि। थोकराङ खाला ङिङज्‍येते नुमु परसीसलाङ ङेते नमस्‍ते ओत्‍लो सि। थेकी आउदी दुक्‍पा खाईन प्रभु ख्रीष्‍टकी काम खाबा ओतान।

रोमी 16:14

थेमे असिंक्रितस, फ्‍लेगन, हर्मेस, पत्रोबासताङ हर्मास थेमे थेबाताङ ओताते ज्‍येन आज्‍यो न्‍वालाङ ङेते नमस्‍ते ओत सि।

एफिसी 1:4

च्‍यि सासीन थे खोरोङ दोन्‍दु सेम खुदुक गालाते थेमे छ्याःङ गल्‍ती मेताते मि ओङस्‍यीत सिन ख्रीष्‍टकी खित्‍सादु थेकी ङुरूङला दि सा नाम ज्‍वा भन्‍दा गोमाराङ छाने खाबा ओतान। ङुरूङला ङिङज्‍ये खाईन

२ थिस्‍सलोनिकी 2:13

दोक ईन्‍सीनोङ आज्‍यो न्‍वावे, ख्‍योकोनलाचेन प्रभु येशू ख्रीष्‍टकी आउदी ङिङज्‍ये खाबा ओत। थेमे ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। परमेश्‍वर आत्‍मेकी खित्‍सादु ख्‍योकोन सेम खुदुक गालाते मि ओङला थेमे सत्‍यते बात ङेन्‍ला ख्‍योकोनगी पापकी सजाय भोगे खिता माफाप्‍स्‍यीत सिन परमेश्‍वरगी ख्‍योकोनला दि सा नाम ज्‍वा भन्‍दा गोमाकाराङ छाने खाबा ओतेकी ङ्योकोनगी थेला धन्‍यवाद सिरा फाप्‍च्‍येतेराङ ईन।

१ तिमोथी 5:2

थोकराङ खाला गाम्‍माते मिओनला खइँदा बात मायाङसुङ सिरा फाप्‍सीन खोरोङ आमाला च्‍योकराङ मान खाला सम्‍झे खाला बिन। थेमे स्‍यार्मुतेबाला थोक खिता फाप्‍सीनचेन सेमदु छ्याःङ मेलेबा विचार मिक्‍किता खाला थेबाला खोरोङ आज्‍यी नुमु छेतराङ ठाने खाला लाःप्‍ला कोत्‍ला बिन।

२ यूहन्‍ना 1:1

ङा येशू ख्रीष्‍ट मिओनला ताकान्‍ते छ्येते मिज्‍यीक ईन। दि चिट्ठी ङा परमेश्‍वरगी छाने खाबाते फेम्‍मे मि खोत्ताङ खुई फुज्‍युङ फुमुला टिगीन ओत। खेकीकामा मेन्‍देकी ङा ख्‍योकोनला पक्‍काराङ ङिङज्‍ये खिओ। ङेकामा मेन, सत्‍यते परमेश्‍वरला छ्या स्‍येकान गाङेकी ख्‍योकोनला ङिङज्‍ये खिओ।