रोमी 16:12 - जिरेल

¹² थेमे दुक्‍पा खाला खाला प्रभु ख्रीष्‍टकी काम खिन ओताते नुमुबा ङिबो त्रिफेनाताङ त्रिफोसाला ङेते नमस्‍ते ओत्‍लो सि। थोकराङ खाला ङिङज्‍येते नुमु परसीसलाङ ङेते नमस्‍ते ओत्‍लो सि। थेकी आउदी दुक्‍पा खाईन प्रभु ख्रीष्‍टकी काम खाबा ओतान।

रोमी 16:12 Iomraidhean Croise

मत्ती 5:47

ख्‍योकोनगी दाक्‍पोन मिलाकामा मान खाईन लेमु बात खासीन थे च्‍यि अचम्‍बते बात ईन्‍देरो? दाक्‍पोन मिलाकामा ङिङज्‍ये खित्‍च्‍येतेनी परमेश्‍वरला छ्या मेस्‍येकान्‍ते मिओनगीङ खिओ।

रोमी 16:11

ङे मि फाप्‍च्‍येते हेरोदियनला ङेते नमस्‍ते ओत सि। थेमे नर्सिसस खाम्‍बे मिओन नाङ प्रभु ख्रीष्‍टला विश्‍वास खित्‍कान्‍ते मिओनलाङ ङेते नमस्‍ते ओत्‍लो सि।

रोमी 16:13

थे खोरोङ काम खिताला प्रभु ख्रीष्‍टकी छाने खाबाते रूफसला ङेते नमस्‍ते ओत सि। थेमे ङाला थे मोरोङ फुज्‍युङला च्‍योकराङ खाला लेमु खित्‍कान्‍ते थे आमालाङ ङेते नमस्‍ते ओत सि।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

१ कोरिन्‍थी 16:16

ख्‍योकोनगी स्‍तिफनासबा च्‍योक्‍ते मि अधीनला देत्‍ला थेबेकी साबाते ङेन।

कलस्‍सी 1:29

मिओन थोक खाला देता थुप्‍स्‍यीत सिनराङ ङा दुक्‍पा खाला खाला दि बाततेबा ज्‍येनला लोप्‍क्‍यो। ङाराङगी थुपासम्‍म स्‍याप स्‍याप खाईन काम खासीनोङ ङाला थोक खिताला छ्येज्‍यीक शक्ति तेरकान्‍तेचेन ख्रीष्‍टराङ ईन।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

१ थिस्‍सलोनिकी 1:3

धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।