रोमी 16:10 - जिरेल

¹⁰ अपेल्‍लेसला ङेते नमस्‍ते ओत सि। थेचेन जस्‍तोराङ ओङजीनोङ येशू ख्रीष्‍टला विश्‍वास खिता तोङराङ मोतोङकान्‍ते मि ईन सिन ङुरूङला छ्या ओत। थेमे अरिस्‍तोबुलस खाम्‍बे मिओनलाङ ङेते नमस्‍ते ओत सि।

रोमी 16:10 Iomraidhean Croise

रोमी 14:18

होदोक दोकराङ खिन ख्रीष्‍टला माने खित्‍कान्‍ते मिओनताङचेन परमेश्‍वर खुशी ओङगो। दोक्‍ते मिओनला ज्‍येनगीङ लेमु मि ईन सिन सिओ।

रोमी 16:3

थेमे गोमा ङात्ताङराङ येशू ख्रीष्‍ट काम खित्‍कान्‍ते अक्‍वीलाताङ प्रिस्‍किलाबा जाप्राङ ङिबोला ङेते नमस्‍ते ओत सि।

रोमी 16:7

थेमे ङे मि फाप्‍च्‍येते गोमा ङात्ताङराङ जेलदु देताते एन्‍ड्रोनिकसताङ युनियसलाङ ङेते नमस्‍ते ओत सि। थेबाचेन येशू ख्रीष्‍टकी खटे खाबाते मिओन नाङ मिन चले खाबाते मि ईन। थेबेकी ङे भन्‍दा गोमामेकीराङ ख्रीष्‍टला विश्‍वास खिताला स्‍यूबाते ईन।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

१ कोरिन्‍थी 11:19

ईन्‍दाका परमेश्‍वर दोन्‍दु सु ठीक खित्‍कान्‍ते ईन्‍दे, सु गल्‍ती खित्‍कान्‍ते ईन्‍दे सिन ठालाला ख्‍योकोन नाङ थोक खाला मिडिक्‍च्‍येते ओङा फाप्‍च्‍येतेराङ ईन।

२ कोरिन्‍थी 12:2

च्‍यि सासीन लो च्‍युप्‍स्‍यी गोमे बात ईन। ख्रीष्‍टला विश्‍वास खित्‍कान्‍ते मिज्‍यीकला ङा लेमु खाला छ्या स्‍येक्‍यो। थे मिला टेप तुकीन स्‍वर्गने परमेश्‍वर देत्‍सासाकराङ खेरसुङ। ईन्‍दाका थेलाराङ थेने खेराते ईन्‍दा ना ठामासोमुला मिलाम खित ज्‍युताच्‍योक खाईन थेने खेराते ईन्‍दा ङाला छ्याःङ छ्या मेत। दि बात परमेश्‍वरलाकामा छ्या ओत।

२ कोरिन्‍थी 2:9

ङे साबाते गाङे पक्‍काराङ ङेन्‍च्‍या ईन्‍दाकाना मेन्‍दाका सिन ख्‍योकोन सेम तापलाङ ङे थे चिट्ठी टिबा ओतान।

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

२ कोरिन्‍थी 8:22

तीतसबाताङराङ ज्‍येनज्‍यीक न्‍वालाङ ङ्योकोन थेपा तोङगीन ओत। दिचेन ज्‍येनला चुक खाला लेमु खिता थुबोङा सिन आउदी सेम खित्‍कान्‍ते मि ईन। दिकी पालोताङ पालो खाबाते काम ताकीन दि थोक्‍ते मि दुका सिन ङ्योकोनगी छ्या स्‍येसुङ। ङ्योकोनगी ख्‍योकोन लेमु मि ईन सिन लाःप्‍नामेकीनी दि झन गा खिन ख्‍योकोनला थे काम खाला सिन्‍दा खित ज्‍युताला थेपा ओङगीन ओत।

गलाती 1:22

थोगी यहूदिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनगीनी ङे छ्येदोङ थोङा मेतान।

फिलिप्‍पी 2:22

तिमोथी थे खोरोङगी खिता फाप्‍च्‍येते काम चुक लेमु खाला खित्‍कान्‍ते मि ईन्‍दे सिन ङे ख्‍योकोनला सिरा माफाप्‍तासीन। फुज्‍युङतेकी आबातेताङ डिगीन काम खाबा च्‍योकराङ खाईन दिकी ङात्ताङ डिगीन ज्‍येनला गा लाङच्‍येते बात लापा ओत।

१ तिमोथी 3:10

दोस्‍यिककामा मेन, येशू ख्रीष्‍ट मिओनला ताकान्‍ते छ्येते मिओन कामला मद्धत तेरकान्‍ते मि ओङकान्‍ते मिओनला थेबा चुक्‍ते मि ईन्‍दे सिन गोमा लेमु खाला ता फाप्‍क्‍यो। सुङगीङ दिकी दि दि गल्‍ती खाबा ओत सिन साबा मेताते मिकामा होथोक्‍ते मि ओङाला छाने खिता फाप्‍क्‍यो।

२ तिमोथी 4:19

लो अक्‍वीलाताङ प्रिस्‍काबा जाप्राङ ङिबोला थेमे ओनेसिफरसताङ थे खाम्‍बे मि गाङेला ङेते नमस्‍ते ओत्‍लो सि।

१ पत्रुस 1:7

मेला लुगीन ताकीन सक्‍कली दुका सिन छ्या स्‍येबाते सेरोङ ङीमाई छ्याःङ काम लै मिक्‍किच्‍या डुइओ। सेर आउदी दामी चीज ईन्‍सीनोङ दि भन्‍दाङ ख्‍योकोनगी येशू ख्रीष्‍टला खिन ओताते विश्‍वास झन आउदी छ्ये ईन। दोक्‍ते परी परीतेन्‍दे दुक्‍पा ओङजीनराङ ख्‍योकोनगी थेला पक्‍काराङ खाईन विश्‍वास खाबाते ईन्‍दाकाना मेन्‍दाका सिन छ्या स्‍येक्‍यो। जति दुक्‍पा ओङजीनोङ सेम मेसेता खाईन थेला विश्‍वास खिनराङ देत्‍सीन था थे ग्‍युरला ओङे छोमु परमेश्‍वरगी ख्‍योकोनला आउदी लेमु खासुङ सिन साला थे खोरोङगी ज्‍वा चाला च्‍योकराङ लेमु जोला मान तेरग्‍यो।