रोमी 15:8 - जिरेल

⁸ ख्रीष्‍टकी चुक खासुङा सिन विचार खि। थेचेन परमेश्‍वरगी यहूदीओन ज्‍युज्‍यु पुर्खाताङ गोमा खाबाते जमान पूरो खाला थेबाला लेमु खिताला थेबे नाङ केबा ओतान। दोक खाईन थेकी परमेश्‍वर थे खोरोङगी खिओ साबा च्‍योकराङ खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

रोमी 15:8 Iomraidhean Croise

मत्ती 15:24

थेमे थेकी थे फेम्‍मे मिला “परमेश्‍वरगी ङालानी तोराते लुक च्‍योक खाईन थे खोरोङ छ्य्‌वापेई ठालाते इस्राएलीओनलाका लेमु खिताला ताङाते ईन,” सिन सिदुक।

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

यूहन्‍ना 1:11

दाक्‍पोन लुङबाताङ मि नाङ देताला ओङजीन दाक्‍पोन मिओनगीराङ दिङ सु ईन्‍देरो सिराच्‍योक खाईन थेला वास्‍ता माक्‍यासुङ।

यूहन्‍ना 10:16

ङेते ज्‍येन ज्‍येन लुगोङ ओत। थे लुकतेबा दि बगालते मेन। ङे थेबालाङ दि बगालदुराङ खुलाङा फाप्‍क्‍यो। थेबाला फोत्‍जीन थेबेकीङ ङे ङोरो थोला ङे साबाते ङेन्‍ग्‍यो। दोक खाला थेबाङ बगालज्‍यीक्‍तेराङ ओङगो। थेमे थेबा गाङेते गोठालाज्‍यीकराङ ओङगो।

शक्ति काम 13:46

यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।

रोमी 11:22

थोगी दि बात ताला परमेश्‍वरगी मिओनला कडा खित्‍च्‍येतेताङ ङिङज्‍ये खित्‍च्‍येते चुक खाला खित्‍च्‍या ईन्‍दाका सिन ख्‍योकोनगी लेमु खाला छ्या स्‍येबा खि। थेला विश्‍वास मिक्‍किकान्‍ते मिओनला थेकी सजाय बिन्‍सुङ। ख्‍योकोनलाचेन थेकी ङिङज्‍ये खिन ओत। थेला विश्‍वास खिन देत्‍सीनकामा थेकी ख्‍योकोनला दोक खिन देत्‍क्‍यो। थोक खिता ताङसीन थेकी ख्‍योकोनलाङ थे खोरोङ मि ईन सिरा तोङगो।

रोमी 11:30

गोमाबा ख्‍योकोनगीङ परमेश्‍वरगी साबाते ङेन्‍गीन मेतान। इस्राएलीओनगी थे खोरोङगी साबाते माङेन्‍नामेकीचेन थेकी ख्‍योकोनला ङिङज्‍ये खाबाते ईन।

रोमी 15:16

ज्‍येन ज्‍येन जातकी मि नाङ काम खिताला थेकीराङ ङाला येशू ख्रीष्‍ट काम खित्‍कान्‍ते मि सिन खटे खाबाते ईन। थोगी ङा ज्‍येन ज्‍येन जातकी मिला परमेश्‍वर गा लाङच्‍येते बात लोप्‍क्‍यो। परमेश्‍वर आत्‍मेकी थेबे सेम खुदुक जोला थेबा परमेश्‍वरला चढे खाबाते थेला मन परे खित्‍च्‍येते भोग च्‍योकराङ ओङस्‍यीत सिन ङा दोक खाला लोप्‍च्‍येते काम खिओ।

रोमी 3:26

थोकराङ खाईन थरिङोला येशूला विश्‍वास खित्‍कान्‍ते मिओन पाप माफ बिन्‍ला थेबा दोषी मेन सिरजीनोङ थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

रोमी 3:3

परमेश्‍वरगी थेबाला थे खोरोङ बात बिन्‍दा ओता ईन्‍सीनोङ कोई कोईकीचेन खोपरोङगी खिओ साबा च्‍योकराङ खाईन परमेश्‍वरला माने माक्‍यासुङ। थेबेकी थोक खासुङ सिरजीनमेईराङ च्‍यि था परमेश्‍वरगीङ थे खोरोङगी खिओ साबाच्‍योक खिता तोङगोतरो?

रोमी 4:16

थोगी बात चुक ईन्‍दे सासीन अब्राहामगी परमेश्‍वरला विश्‍वास खाबेकीकामा थेकी थेत्ताङ जमान खाबाते ईन। परमेश्‍वरगीनी थे खोरोङ दयेकीकामा दोक खाला जमान खित्‍च्‍येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्‍देकी थे सन्‍तानओन लाईदुङ ईन। अब्राहाम सन्‍तान साबातेचेन परमेश्‍वर नियम ङेताते यहूदीओनकामा मेन, अब्राहामगी च्‍योकराङ खाला परमेश्‍वरला विश्‍वास खित्‍कान्‍ते मि गाङेराङ ईन। परमेश्‍वरला विश्‍वास खित्‍कान्‍ते ङुरूङ गाङेते ज्‍युज्‍युचेन अब्राहामराङ ईन।

१ कोरिन्‍थी 1:12

चुक सासीन ख्‍योकोन कोईकी “ङा पावलगी साबाते ङेन्‍कान्‍ते ईन,” खिदुक्‍लो, कोईकी “ङा अपोल्‍लोसकी साबाते ङेन्‍कान्‍ते ईन,” खिदुक्‍लो। लोक्‍ला कोईकी “ङा पत्रुसकी साबाते ङेन्‍कान्‍ते ईन,” खिदुक्‍लो सासीन ज्‍येनज्‍यीगीचेन “ङानी ख्रीष्‍टकी साबातेकामा ङेन्‍कान्‍ते ईन,” खिदुक्‍लो।

१ कोरिन्‍थी 10:19

ङे दोक सिरजीन ल्‍हाला पूजा खित्‍च्‍येते छ्येते बात ईन, ल्‍हे मूर्तिङ छ्ये ईन सिन साबाते मेन याङ।

१ कोरिन्‍थी 10:29

ङे दोक साबाते ख्‍योकोन बात लेमु खाईन खोकीन सिन्‍दाते मि लाईदु मेन्‍देकी ख्‍योकोनला थोक सिरकान्‍ते मि ख्‍याल स्‍योक सिराला साबाते ईन। ईन्‍सीनोङ ङे खुशीकी सा चालाते सापला ज्‍येनगी मासा सिरच्‍येते च्‍यि अधिकार ओतेरो?

१ कोरिन्‍थी 15:50

थोगी आज्‍यो न्‍वावे, बात दिराङ ईन। च्‍यि सासीन दि स्‍या ठाक ओताते जीउताङचेन ङुरूङ परमेश्‍वर राज्‍यने स्‍यूक्‍पाराङ मेङेदो। थोकराङ खाला दि स्‍यिला रूल्‍ला डोच्‍येते जीउओङ नोमुङ स्‍यिला रूल्‍ला मोन्‍डोच्‍येते ओङाराङ मुथुबो।

२ कोरिन्‍थी 1:20

ख्रीष्‍टकी खाबाते कामगी खित्‍सादुराङ परमेश्‍वरगी मिओनताङ खाबाते जमान जति गाङे पूरो खिओ। थोगीराङ परमेश्‍वरला प्रार्थना खित्‍जीनोङ ङुरूङ ख्रीष्‍टकी मिनगी छ्य्‌वापेई आमेन सिन सिओ। दोक सिरच्‍येतेचेन परमेश्‍वरला मान खाबाते ईन।

एफिसी 2:12

ख्‍योकोनगी टोक ज्‍येता मेङच्‍येते बात च्‍यि सासीन ख्‍योकोन गोमा ख्रीष्‍टकी छ्य्‌वापेई छ्याःङ मेङेत्‍कान्‍ते मि ओतान, परमेश्‍वरगी छाने खाबाते इस्राएली नाङ फाप्‍कीन मेतान थेमे परमेश्‍वरगी जमान खाईन थेबाला तेरग्‍यो साबातेबा ङेत्‍च्‍येते ख्‍योकोनते छ्याःङ हक मेतान। दोस्‍यिककामा मेन, तिरी जुनीला लेमु ओङच्‍येते ख्‍योकोनते छ्याःङ आश मेतान थेमे परमेश्‍वरला छ्या मास्‍येकीन दि सा लुङबादु खेराङला लेमु खित्‍कान्‍ते सुङ मेताच्‍योक खाईन देता ओतान।