रोमी 15:7 - जिरेल

⁷ थोगी था ङा ख्‍योकोन गाङेला च्‍यि सिते सासीन ख्रीष्‍टकी खेराङला लेमु खाबा च्‍योकराङ ख्‍योकोनगीङ खेराङ नाङ ङा दोक्‍तेताङ खो थोक्‍ते सिन मिसिरा खाला दोक्‍पोईकी ज्‍येनज्‍यीकला लेमु खि। दोक खित्‍च्‍येतेचेन परमेश्‍वरला मान खाबाते ईन।

रोमी 15:7 Iomraidhean Croise

मत्ती 10:40

थेमे ख्‍योकोनला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकी ङाला दुरू तोङकान्‍तेलाङ मान खाबाते ईन।

मर्कूस 9:37

“लो दि फिजाला तो। खोपरोङ ङे मि ईन्‍देकी होदोक्‍ते फिजाज्‍यीकला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङालाकामा मेन, ङाला दुरू तोङकान्‍तेलाङ मान खाबाते ईन,” सिन सिदुक।

लूका 15:2

थोक ओङा थोङगीन फरिसी पाटी मिओनताङ धर्मे गुरूओनगी “तोना, दि चुकस्‍यिक ईन्‍दाका। पापीओनताङका ङ्योम्‍बुराङ देत्‍ला बात खिदुक। थेमे थेबाताङराङ साङ खाला साप सेइदुक,” सिनकामा येशूला मोताला स्‍यूसुङ।

लूका 9:48

थेमे चेलातेबाला “लो दि फिजाला तो। खोपरोङ ङे मि ईन्‍देकी दि फिजाला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन। बातचेन दिराङ ईन, ख्‍योकोन नाङ ङा ङाराङ ईन सिराच्‍योक मिक्‍किकान्‍तेराङ छ्येते ईन,” सिन सिदुक।

यूहन्‍ना 13:34

था ङा ख्‍योकोनला दोक खि सिन कोत्‍क्‍यो। च्‍यि सासीन ख्‍योकोन खेराङ नाङ ङिङज्‍ये खितरीङ खि। ङे ख्‍योकोनला ङिङज्‍ये खाबा च्‍योकराङ खाला ख्‍योकोनबरीकीङ खेराङ नाङ ङिङज्‍ये खि।

यूहन्‍ना 6:37

आबेकी ङे जिम्‍माला तेरच्‍येते मि जति गाङे ङे छ्य्‌वापा लै खिओ। थोक खित्‍कान्‍ते सुङलाङ ङा ङे छ्य्‌वापा माङ सिन नोमुङ मिसिरो।

रोमी 15:9

थेकी दोक दोक खाबेकी ज्‍येन ज्‍येन जातकी मिकीङ परमेश्‍वरगी खोपरोङला ङिङज्‍ये खित्‍च्‍याक्‍वा सिन छ्या स्‍येकीन थेला छ्ये ज्‍वा थुपाते ईन। दोक ओङगो सिन परमेश्‍वर बातला दोक दोक सिन टिबा ओतान। चुक सासीन “प्रभु परमेश्‍वर, ज्‍येन ज्‍येन जातकी मि ङोन्‍दु ङा खुई खाबाते कामगी लाईदु खोल्‍ला छ्ये जोइओ, खुईते जय जय ओङस्‍यीत सिन लु लिन्‍ग्‍यो,” सिन साबा ओत।

रोमी 5:2

थेकी खित्‍सादुराङ परमेश्‍वरगी थे खोरोङला विश्‍वास खित्‍कान ङुरूङला दया खाईन थे खोरोङताङ डिक च्‍युताते ईन। था थेकी ङुरूङला दया खिता नोमुङ मोतोङो। दोक ईन्‍देकी थाचेन परमेश्‍वरगी ङुरूङला मान बिन्‍ला थे खोरोङगी ज्‍वा चाला च्‍योकराङ लेमु जोइओ साबाते बात ङुरूङगी आश खाईन गुकीन देता च्‍योकराङ खिओ सिन गा खिन देता थुप्‍क्‍यो।

एफिसी 1:12

थे खोरोङ आउदी अचम्‍ब खाला काम खित्‍कान्‍ते ईन सिन थेते जय जय खिता थुप्‍स्‍यीत सिन ज्‍येनगी भन्‍दा गोमामेई ख्रीष्‍टला विश्‍वास खित्‍कान्‍ते ङ्योकोनला थेकी होथोक खाईन छाने खासुङ।

एफिसी 1:18

ङा ज्‍येनोङ च्‍यि सिन प्रार्थना खिते सासीन परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन तिरी ख्‍योकोनते च्‍यि आश ओते सिन साबाते बात थेमे थे खोरोङ सन्‍तान ज्‍येनतेबाताङराङ तिरी ख्‍योकोनगी ङेत्‍च्‍येते जति चुक लेमु ईन्‍दे सिरच्‍येते बात थेकी ख्‍योकोनला लेमु खाला खो ज्‍युत्‍स्‍यीत सिन प्रार्थना खिओ।

कलस्‍सी 3:13

सुङताङ होपकी जोप मिक्‍किता खाला बरू सै खाला देत, खेराङ नाङ सुइँदाताङ खइँदा स्‍येदाङ ओत्‍सीन स्‍येदाङ साला माज्‍यो, थोक्‍तेला माफ बिन। प्रभु येशूकी खेराङ पाप माफ बिन्‍दा च्‍योकराङ खाला ख्‍योकोनगीङ खेराङ नाङ माफ बिन।