रोमी 15:12 - जिरेल

¹² थेमे यशैयेकीङ “था तिरी यिशै सन्‍तान नाङ मिज्‍यीक केइओ। थेकीचेन ज्‍येन ज्‍येन जातकी मि गाङेला राज्‍य खिओ। थेमे थेबा गाङेकी खोपरोङला लेमु खित्‍कान्‍ते थेकामा ईन सिन थेलाराङ भर परे खिओ,” सिन साबा ओतान।

रोमी 15:12 Iomraidhean Croise

मत्ती 12:21

गाङेला जोए खित्‍कान्‍ते दिराङ ईन सिन लुङबा लुङबे मि गाङेराङ दि लामराङ ताला देत्‍क्‍यो,” सिन साबा ओतान।

१ कोरिन्‍थी 15:19

थेमे दि जुनी लाईदुकामा ङुरूङगी ख्रीष्‍टला विश्‍वास खाबाते ईन्‍गीन स्‍यिनामेई तिरी छ्याःङ आश मेत्‍सुङ सासीन ङुरूङनी ज्‍येन मि भन्‍दाङ झन बिरोक लाङच्‍ये खालगी मिकामा ईन।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।

१ यूहन्‍ना 3:3

तिरी पक्‍काराङ दोक ओङगो सिन आश खाला देत्‍कान्‍ते मिकीचेन ख्रीष्‍टकी च्‍योकराङ मेलेबा काम सिराते छ्याःङ मिक्‍किता खाला देत्‍क्‍यो।

छ्या स्‍ये च्‍युताते बात 22:16

“थाल्‍लासाक तेन्‍गीन बिन्‍दाते बाततेबा ठाउँ ठाउँला जम्‍मा ओङकान्‍ते ङे मिओनला छ्या स्‍ये ज्‍युताला ङा येशूकीराङ ङाराङ दूतला खो ओत्‍सादु ताङाते ईन। ङा दाऊद गेल्‍बो थरगीते थे सन्‍तानराङ ईन। ङोमु पाखाला स्‍यारच्‍येते आउदी खाला टल्‍के खित्‍च्‍येते कार्मा ङाराङ ईन,” सिन सिदुक।

छ्या स्‍ये च्‍युताते बात 5:5

ङा थोक खाला ङ्वा थोङगीन थे मेरा खालज्‍यीकताङ स्‍यीबो छ्ये छ्येतेबे नाङ दोक्‍पोईकी “ए खो थोक खाला माङु, ङ्वा माफाबो। चुक सासीन यहूदे थरगी नाङ गेल्‍बो दाऊद सन्‍तान नाङ केबाते सिंह च्‍योकराङ मस्‍सुरज्‍यीक दोक्‍पोई ओत। थेकी शैतानला ग्‍याला ओत। थोगी दि किताबदु ग्‍यापाते छाप लोक्‍ला दि नाङ ओताते बात थेकी ता थुप्‍क्‍यो,” सिन सिदुक।