रोमी 14:9 - जिरेल

⁹ थोरूमसाक सोम्‍बोराङ ओतातेबा ईन्‍स्‍यीत, गोमाका स्‍यिइन सिन्‍दातेबा ईन्‍स्‍यीत मि गाङेला राज्‍य खित्‍कान्‍ते प्रभु येशू ख्रीष्‍टराङ ईन। दोक खाला गाङेला राज्‍य खित्‍कान्‍ते ओङालाराङ थे स्‍यिइन च्‍याकीन सोम्‍बो लोक्‍पाते ईन।

रोमी 14:9 Iomraidhean Croise

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

लूका 24:26

थेबेकीचेन परमेश्‍वरगी तोङगो साबाते ख्रीष्‍टकी दुरू वाला आउदी दुक्‍पा भोगे खाला स्‍या फाप्‍क्‍यो। थेमेकामा सोम्‍बो लोक्‍ला स्‍वर्गने परमेश्‍वर दोन्‍दु देता ङेत्‍क्‍यो सिन साबा ओत मेन?” सिन सिदुक।

यूहन्‍ना 12:24

ङा ख्‍योकोनला दि बात सिओ। चुक सासीन ठे गेडा थाराङ ज्‍याक्‍सीन थे गेडाईते गेडाईकामा देत्‍क्‍यो। तर स्‍यीङला ताप्‍सीन थे सबी नाङ रूल्‍ला ठे झाङ केला ठे गेडा काल्‍बेई गोन्‍ग्‍यो।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

शक्ति काम 10:42

थेमे थेकी ङ्योकोनला ‘गाल्‍ला यहूदीओनला गा लाङच्‍येते बात लोप। स्‍याप्‍तेबा थेमे सोम्‍बोराङ ओतातेबा मि गाङेला तिरी न्‍याय खितालाचेन परमेश्‍वरगी थे खोरोङलाराङ छाने खाबा ओत सि,’ सिन कोत्‍सुङ।

रोमी 10:9

थोगी था ख्‍योकोनगी ज्‍येनगी दोन्‍दु येशूराङ छ्ये ईन, थेराङ प्रभु ईन सिन सासीन थेमे परमेश्‍वरगी थेला स्‍यिसादुकीङ सोम्‍बो लोक्‍पाते बात पक्‍काराङ ईन सिन पत्ते खासीन पापकी सजाय भोगे खिता माफाबो।

२ कोरिन्‍थी 5:14

ङ्योकोनगी थरिङोला जे खिदुक थे खालि ख्रीष्‍टकी ङेराङला ङिङज्‍ये खाबेकी खित्‍सादु ईन। मि गाङेकी खाबाते पापकी सजाय भोगे खाईन गाङे लाईदु ख्रीष्‍ट स्‍याप्‍ते ईन्‍देकी मि गाङे थेत्ताङराङ स्‍याप्‍ते च्‍योक ओङा ओत सिन ङ्योकोनगी लेमु खाईन छ्या स्‍येबा ओत।

१ थिस्‍सलोनिकी 4:14

येशू स्‍याप्‍तेताङ सोम्‍बो लोक्‍पाते बात पक्‍काराङ ईन्‍देकी थेला विश्‍वास खिन खिन स्‍याप्‍ते मिओनलाङ परमेश्‍वरगी था तिरी सोम्‍बो लोक्‍ला येशूताङराङ थे खोरोङ दोन्‍दु देताला खेरग्‍यो सिरच्‍येते बात ङुरूङ पत्ते खिओ।

१ थिस्‍सलोनिकी 5:10

था तिरी ङुरूङ थेत्ताङ नोमुङ माठाला खाला देता ङेत्‍स्‍यीत सिनराङ प्रभु येशू ख्रीष्‍ट ङुरूङगी ङेता फाप्‍च्‍येते पापकी सजाय थे खोरोङगीराङ भोगे खाईन स्‍याप्‍ते ईन। थोगी थे ग्‍युरला ओङकेसाकला ङुरूङ स्‍यिसीनोङ सोन्‍गीनराङ देता ओत्‍सीनोङ थेत्ताङराङ देता ङेत्‍क्‍यो।

२ तिमोथी 4:1

थोगी परमेश्‍वरताङ येशू ख्रीष्‍ट दोन्‍दु ङा खोल्‍ला चुक खिता फाप्‍कीते सिन कोत्‍क्‍यो। स्‍याप्‍तेबा थेमे सोम्‍बोराङ ओताते मि गाङेला न्‍याय खित्‍कान्‍ते थेमे स्‍वर्गनेकी ग्‍युरला वाला गाङेपा गाङेला राज्‍य खित्‍कान्‍ते येशू ख्रीष्‍टराङ ईन सिन टोक माज्‍येत।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।

१ पत्रुस 4:5

स्‍याप्‍तेबा थेमे सोम्‍बोराङ ओताते मि गाङेला न्‍याय खिताला ठीक ओङगीन देताते परमेश्‍वर दोन्‍दु था ङीमा लेनज्‍यीक थेबेकी खोपरोङगी खाबाते होथोक्‍ते काम बात गाङेते हर हिसाब तेरा फाप्‍क्‍यो।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।

छ्या स्‍ये च्‍युताते बात 2:8

स्‍मर्ना सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते, स्‍यिइन च्‍याकीन सोम्‍बो लोक्‍पा ओताते ङा सिन ओत।