रोमी 14:8 - जिरेल

⁸ दाक्‍पोनला जे ओङसीनोङ, ङुरूङगी जे खासीनोङ प्रभु येशू ख्रीष्‍टला मान खितालाराङ ङुरूङ जहिलेङ थोक खिओ। थोगी सोन्‍गीन देत्‍सीनोङ स्‍यिसीनोङ ङुरूङ थेतेराङ ईन।

रोमी 14:8 Iomraidhean Croise

लूका 20:38

मि स्‍यिनामेई थोकराङ तोरला डोच्‍या ईन्‍दा ईन्‍सीन परमेश्‍वरला मोशेकी स्‍यिइन सिन्‍दाते ज्‍युज्‍युतेबे परमेश्‍वर ईन सिन सिरच्‍या मेतान। स्‍यिनामेकीङ मि गाङे परमेश्‍वर दोन्‍दु सोम्‍बोराङ ओङगो,” सिन सिदुक।

यूहन्‍ना 21:19

तिरी पत्रुस चुक खाला स्‍यिला परमेश्‍वरला छ्ये जोइते सिराला येशूकी होदि बात साबा ओतान। दोक साकीन सिन्‍नामेई थेकी पत्रुसला “लो ङात्ताङ ख्‍योम,” सिन सिदुक।

शक्ति काम 13:36

गेल्‍बो दाऊदकीचेन थे खोरोङ पालो मिओनला परमेश्‍वरगी थे खोरोङला खित च्‍युता च्‍योकराङ खाला राज्‍य खिन ओतान। उमेर छाङनामेकी थे स्‍यिसुङ। थेमे थेला थे खोरोङ पुर्खाओन दिसे खादुराङ दिसुङ। थेमे थे दाक रूल्‍गीनोङ गाल्‍सुङ।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

शक्ति काम 21:13

ङ्योकोनगी थोक खित्‍जीन थेकी “ख्‍योकोन च्‍यिला दोक खाला ङुइन ङाला पीर लोङगीते? प्रभु येशू लाईदु ङानी यरूशलेमपा सुइँदेकी ठाइता सिननी च्‍यि थे लाईदु स्‍या फाप्‍सीनोङ नाइँ मिसिरो,” सिन सिदुक।

१ कोरिन्‍थी 15:23

थेकी दोक खित्‍च्‍येते पालो पालो खाला खिओ। च्‍यि सासीन गाङे भन्‍दा गोमा थेकी ख्रीष्‍टला सोम्‍बो लोक्‍सुङ। था दि तिरीचेन थेकी ख्रीष्‍टला विश्‍वास खित्‍कान्‍ते मिओनला सोम्‍बो लोइओ। थेबाला सोम्‍बो लोक्‍च्‍येते ख्रीष्‍ट दुरू ग्‍युरला ओङे छोमु ईन।

फिलिप्‍पी 1:20

था याङराङ अड्डादु बयान लिन्‍जीन ङाला सेत्‍सीनोङ सोम्‍बोराङ ताङसीनोङ थातासाक खाबा च्‍योकराङ खाला हत्तेरिका ङे च्‍यिला थोक खाताका सिराच्‍योक लाङच्‍येते कामताङ बात छ्याःङ मिक्‍किओ सिन टुङ्गो खाबा ओत। दोक खाला ङाराङला जस्‍तो ओङसीनोङ सुङताङ ज्‍यीबा मिक्‍किता खाला ख्रीष्‍टते जय जय ओङच्‍येते कामकामा खिता थुप्‍स्‍यीत सिन ङे आश खाबा ओत।

फिलिप्‍पी 2:17

ख्रीष्‍टला विश्‍वास खाईन खेराङगी खिन ओताते कामओन ख्‍योकोनगी परमेश्‍वरला भोग बिन्‍दाते च्‍योकराङ ईन। भोग बिन्‍दाते लाक्‍तुराङ थुङच्‍येते पुङा फापाच्‍योक खाला ङा ङाराङ ज्‍यान बिन्‍ला स्‍या फाप्‍सीनोङ ङा खुशीराङ ओत। थेमे ख्‍योकोन गा खित्‍जीन ङाङ ख्‍योकोनताङराङ डिक्‍ला गा खिओ।

फिलिप्‍पी 2:30

च्‍यिला सासीन खेराङ गाङेकी दुरू ङाला मद्धत तेरा मुथुप्‍च्‍या ओङगीन ख्‍योकोन गाङे साटोला ङाला मद्धत खिन ख्रीष्‍टकी खि साबाते काम खित्‍जीन दि झन्‍दै स्‍या ओतान।

१ थिस्‍सलोनिकी 5:10

था तिरी ङुरूङ थेत्ताङ नोमुङ माठाला खाला देता ङेत्‍स्‍यीत सिनराङ प्रभु येशू ख्रीष्‍ट ङुरूङगी ङेता फाप्‍च्‍येते पापकी सजाय थे खोरोङगीराङ भोगे खाईन स्‍याप्‍ते ईन। थोगी थे ग्‍युरला ओङकेसाकला ङुरूङ स्‍यिसीनोङ सोन्‍गीनराङ देता ओत्‍सीनोङ थेत्ताङराङ देता ङेत्‍क्‍यो।

छ्या स्‍ये च्‍युताते बात 14:13

थेमे दि तिरी स्‍वर्गनेकी “लो दि बात टि। थानामेकी उसो प्रभु येशूला विश्‍वास खिन खिनला स्‍यिकान्‍ते मिओन भाग्‍यमानी ईन,” सिन सिरा ङे थोसुङ। थेमे परमेश्‍वर आत्‍मेकी “ईन, साँच्‍चीराङ दोकराङ ईन। था थेबेकी पीरताङ दुक्‍पे छ्य्‌वापेई ठाल्‍ला ढुक्‍क खाला देता ङेत्‍क्‍यो। पीरताङ दुक्‍पालाङ लेमु काम खिनराङ देतेकी था थेबाला लेमु ओङगो,” सिन सिदुक।