रोमी 14:2 - जिरेल

² च्‍यिला सासीन कोई कोई सा ओङच्‍येते जे सोसीनोङ ओङगो सिन साला जे कुरोङ साकान ओङगो। येशू ख्रीष्‍टला विश्‍वास खाईन पाको गाला मेताते मिओनचेन जेसुकै सोला पा फोइता सिन ज्‍यीबेकी स्‍या मास्‍साबा खाला छोमाकामा सेइओ।

रोमी 14:2 Iomraidhean Croise

रोमी 14:1

थेमे ज्‍येनोङ बात च्‍यि सासीन ख्‍योकोन नाङ कोई कोई येशू ख्रीष्‍टला विश्‍वास खाईन पाको गाला मेताते मिओनोङ ओत। थेबाचेन ङे दोक खासीन पा फोइता सिन ज्‍यीबा खिओ। ईन्‍सीनोङ ख्‍योकोन थेबाताङोङ साङ खि। ख्‍योकोन च्‍यिला दोक खाला ज्‍यीबा खिते सिन थेबाताङ टेकाटेउरीचेन माकेत।

रोमी 14:14

प्रभु येशूताङ जीउज्‍यीकराङ ओङाते मि ईन्‍देकी दि बात ङे लेमु खाईन छ्या स्‍येबा ओत। च्‍यि सासीन स्‍या ईन्‍सीनोङ ज्‍येनतोक ईन्‍सीनोङ सा मेङच्‍येते सिराते छ्याःङ ओतराङ मेत। मिकी जे सोसीनोङ पा फोक्‍च्‍येते मेन। दोक ईन्‍सीनोङ सुइँदाला दिनी सा मेङगो, दि सोसुङ सासीन पा फोइओ सिराच्‍योक लाङगीन लाङगीन थोक्‍ते साप सोसुङ सासीन थेबालाचेन दाक पा फोइओ।

रोमी 14:20

साच्‍या थुङच्‍ये बातला माडिक्‍ला परमेश्‍वरगी खेराङ नाङ खाबाते काम ङ्ये माज्‍युत। ईन्‍दाका ङे आनाङका साबा च्‍योकराङ जे सोसीनोङ मिला पा फोक्‍च्‍येते मेन। ईन्‍सीनोङ ख्‍योकोनगी खइँदा सोबा थुबेकी खित्‍सादु ज्‍येनगीङ खोपरोङगी मास्‍साओ मुथुङो सिन साबाते सेइदुक थुङगीदुक सासीन ख्‍योकोनगी थोक खाईन सोबा थुबाते लेमु मेन।

रोमी 15:1

था येशू ख्रीष्‍टला विश्‍वास खाईन पाको गालाते ङुरूङगीचेन दाक्‍पोन च्‍योकराङ पाको गाला मेताते दि सा थुङा मेङगो, दोक खिता मेङगो सिन ज्‍यीबा खित्‍कान्‍ते मिओनतेङ ख्‍याल ज्‍य्‌वाबा फाप्‍क्‍यो। ङुरूङगी दाक्‍पोन बातकामा विचार खिता मेङगो।

१ कोरिन्‍थी 10:25

स्‍या छोङसाला गाल्‍ला ख्‍योकोनगी दि स्‍या खापेकी खुलाबाते ईन्‍ताका, ना खइँदाला पूजा खाबातेका ईन्‍दा सिन छ्याःङ शंका मिक्‍किता खाला ङ्योला सो।

१ कोरिन्‍थी 8:9

ल्‍हाला पूजा खाबाते सोसीन ओङगो सिन सिरकान्‍तेबा ख्‍योकोनगी दि बात लेमु खाईन छ्या स्‍येबा मेताते खेराङ आज्‍यो न्‍वाला पाप खित माज्‍युत।

१ कोरिन्‍थी 9:22

थोकराङ खाला येशू बात खोकीन पाको गाला मेताते मिओनताङ देत्‍जीनचेन थेबेकी येशूला झन लेमु खाला विश्‍वास खित्‍स्‍यीत सिन ङा थे बात गाङे छ्या स्‍येकीन पाको गालाते मि च्‍योक मिक्‍किता खाईन थेबा च्‍योकराङ खाईन देतान। थोक खाला थेबा दोक्‍पोई ङिकामा ईन्‍सीनोङ पापकी सजायदुकी थारस्‍यीत सिन गाङे लाईदु थेबा जस्‍तो जस्‍तो दुक ङेङ उस्‍तो उस्‍तोराङ ओङगीन काम खाबान।

गलाती 2:12

बात चुक ओङा ओताने सासीन थेरू वानामेकी गोमा थेकी येशू ख्रीष्‍टला विश्‍वास खित्‍कान्‍ते ज्‍येन ज्‍येन जातकी मित्ताङ ङ्योम्‍बुराङ रूला साप सेइन ओतान। टिक्‍पी तिरी याकूब मिओन नाङ कोई कोई थेरू वादुक। जीउला खतकी चिनु माजोबाला ओङराङ मेङगो सिन सिरकान्‍ते होथे यहूदीओन वानामेकीचेन ज्‍येन ज्‍येन जातकी मित्ताङ साप सा थोङसीन होथेबेकी च्‍यि सिताना सिन ज्‍यीबा खाईन पत्रुस ठाल्‍गीन खुदुकराङ साप साप्‍ला स्‍यूसुङ।

१ तिमोथी 4:4

च्‍यिला सासीन मिओनला सिन जोबाते ईन्‍स्‍यीत, ज्‍येनतोक ईन्‍स्‍यीत परमेश्‍वरगी जोबाते जति गाङे लेमु ईन, मेलेबा सिराते छ्याःङ मेत। थेकीराङ बिन्‍दाते ईन सिन थेला धन्‍यवाद बिन्‍गीन सोसीन सा मेङच्‍येते सिराते छ्याःङ मेत।

तीतस 1:15

सेमला मेलेबा मेताते मिओन लाईदु दि सा मेङगो, दि खिता मेङगो सिरच्‍येते रीतिथिति छ्याःङ मेन। थोक्‍ते मिओनगी होदोक्‍ते रीतिथिति माने माक्‍यासीनोङ पा मोफोगो। येशूला विश्‍वास मिक्‍किकान, सेमला पाप ओताते मिओनगीचेन दि सोसीन, दोक खासीन पा फोइओ सिरच्‍येते ईन्‍देकी थोक्‍ते मिओन लाईदु जेसुकै मेलेबाराङ ओङगो। खोपरोङ सेम लेमु मेतेकी खिता मेङच्‍येते काम खासीनोङ थेबाला छ्याःङ मेलेबा खाबाच्‍योक मालाङो।

हिब्रू 13:9

बात दोक ईन्‍देकी परमेश्‍वर बात ईन सिन थे बातताङ डिकराङ मिडिक्‍च्‍येते खुदुक खुदुकते बात ङेन्‍ला छक्‍के माकेत। परमेश्‍वरगी दया खाबा ओतेकी खित्‍सादु होथोक्‍ते बातला नामज्‍योक मेसेता खाला छ्याःङ शंका मिक्‍किता खाला थेला विश्‍वास खिन देता लेमु ईन। दि सा ओङगो, थे सा मेङगो सिरच्‍येते नियम ङेन्‍ला सुङलाङ छ्याःङ फाइदा मेत।

हिब्रू 9:10

च्‍यिला सासीन थे नियमलाचेन खालि दि सो थे मासा, दि थुङ थे माथुङ सिरच्‍येते बातताङ ठु खाला चोके खित्‍च्‍येते बातओनकामा ओतान। थे खोरोङगी खिता चालाच्‍योक खित्‍च्‍येते समय मालेपथुपकामा परमेश्‍वरगी थे नियम चले खित्‍च्‍या खाबा ओतान।