रोमी 14:10 - जिरेल

¹⁰ बात दोक ईन्‍देकी था ख्‍योकोन स्‍या मास्‍साकान्‍तेबेकी स्‍या साकान्‍ते खेराङ आज्‍यो न्‍वाला खुई दि सोबाते, दोक दोक पाप खाबाते ईन सिन सिरा थोङ। थोकराङ खाला स्‍या साकान्‍तेबेकीङ स्‍या मास्‍साकान्‍ते खेराङ आज्‍यो न्‍वाला थेकी दि मास्‍सादुक, दोक दोक मिक्‍किदुक, थे चुक लेम्‍बा ईन्‍दाका सिराच्‍योक खाला छ्ये खिता थोङ। च्‍यिला सासीन परमेश्‍वरगी न्‍याय खिते छोमु ङुरूङ गाङेराङ थे दोन्‍दु ड्वा फाप्‍क्‍यो सिरच्‍येते बात टोक माज्‍येत।

रोमी 14:10 Iomraidhean Croise

मत्ती 7:1

थेमे ज्‍येन बात च्‍यि सासीन परमेश्‍वरगी खेराङ दोषी ईन सिन मिसिरस्‍यीत सिन ख्‍योकोनगी ज्‍येनला फलाना दोक्‍ते थे थोक्‍ते सिन मासेर।

लूका 18:9

थेरू कोई कोई ङ्योकोननी परमेश्‍वर नियम ङेन्‍कान्‍ते ईन्‍देकी धर्मतीते मि ईन सिरकानोङ ओतान। थेबेकी ज्‍येनलाचेन खोपरोङ च्‍योक्‍ते ईनराङ मेन सिराच्‍योक खिन ओतान। होथोक्‍ते मिओनला येशूकी दि बात सिराला स्‍यूसुङ।

लूका 23:11

थेमे हेरोदताङ थे मिल्‍टेरीओनगीङ थेला खाला थेन्‍दा जति मनपरी साकीन सिन्‍नामेई गेल्‍बो सिन खिस्‍यी खिताला आउदी लेमुते लाक्‍तु खोन्‍च्‍येते खोलाक कोन्‍गीन याङराङ पिलातस ओत्‍सापाराङ ताङसुङ।

यूहन्‍ना 5:22

दोस्‍यिककामा मेन, मिओनला न्‍याय खित्‍च्‍येते कामोङ आबेकी थे खोरोङगी मिक्‍किओ। दि काम थेकी थे खोरोङ फुज्‍युङ लाःक्‍तुराङ बिन्‍दा ओत।

शक्ति काम 10:42

थेमे थेकी ङ्योकोनला ‘गाल्‍ला यहूदीओनला गा लाङच्‍येते बात लोप। स्‍याप्‍तेबा थेमे सोम्‍बोराङ ओतातेबा मि गाङेला तिरी न्‍याय खितालाचेन परमेश्‍वरगी थे खोरोङलाराङ छाने खाबा ओत सि,’ सिन कोत्‍सुङ।

शक्ति काम 17:31

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

शक्ति काम 4:11

गोमाका परमेश्‍वर बातला ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ,’ सिन साबाते बातचेन येशू ख्रीष्‍ट चुक्‍ते ईन्‍दे थेमे ख्‍योकोनगी थेला चुक मेलेबा खासुङा सिराला साबा ओतान।

रोमी 2:16

ङे साबाते बातओन दोकराङ ईन सिन था तिरी न्‍याय खिते छोमु छ्या स्‍येक्‍यो। थे छोमु परमेश्‍वरगी मि गाङे सेमगी बात खाङ लेमु ईन्‍दे, खाङ मेलेबा ईन्‍दे सिन येशू ख्रीष्‍टला डेल च्‍युत्‍ला न्‍याय खित ज्‍युत्‍क्‍यो। था ङीमाई दोक ओङगो सिनचेन ङे लोप्‍कीन ओताते गा लाङच्‍येते बातला साबा ओत।

१ कोरिन्‍थी 4:5

थोगी ङा ख्‍योकोनला च्‍यि सिते सासीन प्रभु येशू ग्‍युरगीन मावाथुप ख्‍योकोन सुङगीङ दि दोक्‍तेताङ थे थोक खित्‍कान्‍ते सिन ज्‍येनगी गल्‍ती मातेन। था वाला च्‍याला प्रभु येशूकी मिकी ज्‍येनगी छ्या मेस्‍येबा खाईन खाबाते काम ईन्‍स्‍यीत, खोपरोङ सेमलाकामा विचार खाबाते बात ईन्‍स्‍यीत, लेमु मेलेबा चुक ईन्‍दे सिन डेल्‍ग्‍यो। थेमे लेमु काम खित्‍कानलाचेन गाङेला परमेश्‍वरगी खुई आउदी लेमु खासुङ सिन सिओ।

२ कोरिन्‍थी 5:10

च्‍यिला सासीन ख्रीष्‍टकी न्‍याय खिते छोमु छ्ये टेक्‍टे जोराङ ईन्‍सीनोङ ङुरूङ गाङेराङ थे दोन्‍दु ड्वा फाप्‍क्‍यो। थेमे थे छोमु थेकी ङुरूङगी दि जुनीला लेमु मेलेबा चुक खाला दुका थे ताला सु सुला च्‍यि खिता फाप्‍च्‍या दुका थोकराङ खिओ।