रोमी 14:1 - जिरेल

¹ थेमे ज्‍येनोङ बात च्‍यि सासीन ख्‍योकोन नाङ कोई कोई येशू ख्रीष्‍टला विश्‍वास खाईन पाको गाला मेताते मिओनोङ ओत। थेबाचेन ङे दोक खासीन पा फोइता सिन ज्‍यीबा खिओ। ईन्‍सीनोङ ख्‍योकोन थेबाताङोङ साङ खि। ख्‍योकोन च्‍यिला दोक खाला ज्‍यीबा खिते सिन थेबाताङ टेकाटेउरीचेन माकेत।

रोमी 14:1 Iomraidhean Croise

मत्ती 12:20

दिकीचेन फ्रेगीन सिन्‍दाते काँसकी छिज्‍यीकलाङ मोच्‍योओ। थेमे स्‍याप खाईन सिन्‍दाते बत्तीङ मेसेदो। दिकी खित्‍सादुराङ गाङेपा गाङेला लेमु खाला न्‍याय खित्‍च्‍येते समय ओङगो। थे दिन मालेपथुपसाक दिकी होदोक दोक खिनराङ देत्‍क्‍यो।

मत्ती 14:31

थोक सिराईताङ टेप जुम्‍गीन थेकी “खुई ङे बात पत्ते खाबाते खोइ ओना? ङे स्‍योक सानामेकीङ छ्युई लाक ख्‍याम्‍बा मुथुप्‍ता सिन खुई च्‍यिला शंका खाबे?” सिन थेला नुपचेन माच्‍युत्‍सुङ।

मत्ती 18:10

थेमे ङाला विश्‍वास खित्‍कान्‍ते उदि फिजा च्‍योक्‍तेबा सुङलाङ ख्‍योकोनगी हेपे माकेत। च्‍यिला सासीन होदोक्‍तेबाला ताकोरा खित्‍कान्‍ते परमेश्‍वर दूतओनचेन जहिलेङ स्‍वर्गने देत्‍कान्‍ते ङे आबे दोन्‍दु ड्वा ङेत्‍क्‍यो।

मर्कूस 7:19

साप सोनामेई सुबे नाङमा गाल्‍ला तिरी थेरूकीङ थेन्‍ला डुइओ। साप मि सेमगी नाङ मुस्‍यूगो,” सिन सिदुक। थोक सिरजीन थेकी साच्‍येते जे सोसीनोङ ओङगो, खइँदा साप सोला मिला पा फोक्‍च्‍येते मेन सिन साबा ओतान।

लूका 17:2

ङाला विश्‍वास खित्‍कान्‍तेबे नाङ दिङ सु ईन्‍देरो सिराच्‍योक खाईन ज्‍येनगी हेपे खाबाते मिज्‍यीकलाकामा ङे छ्य्‌वापेई टाल्‍सुङ सासीन थोक खित्‍कान्‍तेकी आउदी ज्‍यीबा लाङच्‍या मेलेबा काम खाबाते ईन। सुइँदाला ङे छ्य्‌वापेई डेला भन्‍दा गोमाराङ थोक खित्‍कान्‍ते मिलानी सुइँदेकी ज्‍यीङबामा लाकोर दो काल्‍गीन नुप्‍ला स्‍यिरस्‍यीत सिन समुन्‍द्रे नाङमा युकीन क्‍युरा ईन्‍सीन लेमु ओङच्‍या ओतान।

यूहन्‍ना 13:20

दि बात ङेन। ङे ताङाते मि जो ईन्‍सीनोङ थेला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन,” सिन बात खासुङ।

शक्ति काम 28:2

थे बेलाला छ्यार्बा देइन ओतान। थेमे आउदी खेबा ओतान। थेरू मिओनगी मे फुकीन ङ्योकोनला मे दाप्‍ला काताङगीन आउदी लेमु खासुङ।

रोमी 11:15

परमेश्‍वरगी थेबाला थे खोरोङ मि ईन सिरा ताङनामेई सा लुङबा खाङगी मिला थे खोरोङताङ डिक्‍पा खिता थुप्‍सुङ सासीन थेकी याङराङ थेबाला थे खोरोङ मि ईन सिरजीन च्‍यि झन छ्येज्‍यीक काम मेङगोतरो? थेकी थेबाला दोक खित्‍जीन थेबा स्‍यिसादुकी सोम्‍बो लोक्‍पा छेतराङ ईन।

रोमी 14:2

च्‍यिला सासीन कोई कोई सा ओङच्‍येते जे सोसीनोङ ओङगो सिन साला जे कुरोङ साकान ओङगो। येशू ख्रीष्‍टला विश्‍वास खाईन पाको गाला मेताते मिओनचेन जेसुकै सोला पा फोइता सिन ज्‍यीबेकी स्‍या मास्‍साबा खाला छोमाकामा सेइओ।

रोमी 14:21

ख्‍योकोनगी स्‍या साजीन कि छ्याङ थुङजीन कि होदोक्‍ते ज्‍येनतोक खइँदा काम खित्‍जीन खेराङ आज्‍यो न्‍वाकी खोपरोङगी मिक्‍किओ साबाते कामराङ खाला पाप खिदुक सासीन ख्‍योकोनगी बरू स्‍या मासोसीन, छ्याङ रक्‍सी माथुसीन थेमे होदोक्‍ते काम छ्याःङ माक्‍यासीन लेमु ईन।

रोमी 14:3

जे सोसीनोङ ओङगो सिन स्‍या साकान्‍ते मिकी स्‍या मास्‍साकान्‍तेला थेनी स्‍या साप्‍ला ज्‍यीबा खिदुक, थे चुक लेम्‍बा ईन्‍दाका सिराच्‍योक खाला छ्ये माकेत। थोकराङ खाला स्‍या मास्‍साकान्‍तेकीङ खो च्‍यिला स्‍या सेइते? खुई दोक खाबातेनी पाप खाबाते ईन सिन मासेर। च्‍यिला सासीन स्‍या साकान्‍तेलाङ परमेश्‍वरगी थे खोरोङ मिराङ ईन सिन साबा ओत।

रोमी 15:1

था येशू ख्रीष्‍टला विश्‍वास खाईन पाको गालाते ङुरूङगीचेन दाक्‍पोन च्‍योकराङ पाको गाला मेताते दि सा थुङा मेङगो, दोक खिता मेङगो सिन ज्‍यीबा खित्‍कान्‍ते मिओनतेङ ख्‍याल ज्‍य्‌वाबा फाप्‍क्‍यो। ङुरूङगी दाक्‍पोन बातकामा विचार खिता मेङगो।

रोमी 15:7

थोगी था ङा ख्‍योकोन गाङेला च्‍यि सिते सासीन ख्रीष्‍टकी खेराङला लेमु खाबा च्‍योकराङ ख्‍योकोनगीङ खेराङ नाङ ङा दोक्‍तेताङ खो थोक्‍ते सिन मिसिरा खाला दोक्‍पोईकी ज्‍येनज्‍यीकला लेमु खि। दोक खित्‍च्‍येतेचेन परमेश्‍वरला मान खाबाते ईन।

रोमी 4:19

परमेश्‍वरगी दि बात खित्‍जीन अब्राहाम लो सयज्‍यीक छाङा खाबा ओतान। थे खोरोङ थोक गान्‍दा गाल्‍गीन था थेते सन्‍तान ओङोङ सिरच्‍येते छ्याःङ आश मेतान। थेमे फेम्‍मेते साराङ फिजा मेङच्‍या ओताते बात थेला लेमुराङ खाला छ्या ओतान। ईन्‍सीनोङ थेकी परमेश्‍वरगी साबाते बातला दोगोङ चुक खाला ओङोङारो सिराच्‍योक बान्‍दा माक्‍यासुङ।

१ कोरिन्‍थी 9:22

थोकराङ खाला येशू बात खोकीन पाको गाला मेताते मिओनताङ देत्‍जीनचेन थेबेकी येशूला झन लेमु खाला विश्‍वास खित्‍स्‍यीत सिन ङा थे बात गाङे छ्या स्‍येकीन पाको गालाते मि च्‍योक मिक्‍किता खाईन थेबा च्‍योकराङ खाईन देतान। थोक खाला थेबा दोक्‍पोई ङिकामा ईन्‍सीनोङ पापकी सजायदुकी थारस्‍यीत सिन गाङे लाईदु थेबा जस्‍तो जस्‍तो दुक ङेङ उस्‍तो उस्‍तोराङ ओङगीन काम खाबान।

फिलिप्‍पी 2:29

दि थेपा लेप्‍नामेई गा खिन ख्‍योकोनगी दिङ प्रभु येशूला विश्‍वास खित्‍कान्‍ते मि ईन सिन दिला लेमु खि। दि थेमे दि च्‍योक्‍ते मिओनला ख्‍योकोनगी मान खि।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।

हिब्रू 5:14

दोक मेन्‍देकी पाको गाल्‍गीन ज्‍येनलाङ लोपा थुप्‍कान्‍ते मिओनगीचेन परमेश्‍वर बात लेमु खाला खोबा थुप्‍क्‍यो। थेबाचेन छारगीन दाक्‍पोनगी मुरला साच्‍येते साप साकान्‍ते मि च्‍योक्‍ते ईन। होदोक्‍ते मिओनगीचेन च्‍यि खिता लेमु ईन्‍दे, च्‍यि मेलेबा ईन्‍दे सिन खोपरोङगीराङ छ्या स्‍येला दोक्‍ते बात जहिलेङ डेला थुप्‍क्‍यो।

२ यूहन्‍ना 1:10

सुइँदेकी वाला ख्रीष्‍टकी लापाते भन्‍दा खइँदा ल्‍हाक्‍पा बात लोपा छोल्‍गीदुक सासीन थोक्‍ते मि जो ईन्‍सीनोङ थेला स्‍यासा मातेर, थेत्ताङ बातज्‍यीगोङ माकेत।