रोमी 13:9 - जिरेल

⁹ परमेश्‍वर नियमला “रन्‍डीबाजी खिता मेङगो, मि सेता मेङगो, क्‍वा मेङगो, ज्‍येनगीते सिराते छ्याःङगीतेङ लोभ माकेत,” सिन साबा ओत। थेमे दोक्‍ते नियम ज्‍येनोङ ओत। दोक्‍ते नियम जति ओत्‍सीनोङ “दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,” सिन साबाते नियमज्‍यीक नाङराङ होदि नियम गाङे फाप्‍क्‍यो।

रोमी 13:9 Iomraidhean Croise

मत्ती 22:39

दि छेतराङ ङेन्‍दा फाप्‍च्‍येते ज्‍येनते नियमलाचेन ‘दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,’ सिन साबा ओत।

मर्कूस 10:19

परमेश्‍वरगी बिन्‍दाते छ्ये छ्ये नियमला च्‍यि च्‍यि साबा ओते सिन खोल्‍ला छ्याराङ ओतासीन। थे नियमलाचेन ‘मि सेता मेङगो, रन्‍डीबाजी खिता मेङगो, क्‍वा मेङगो, मेन्‍दे बातला सुङलाङ दोष लै खिता मेङगो, सुङलाङ ठगे खिता मेङगो, आबा आमाला मान खिता फाप्‍क्‍यो,’ सिन साबा ओत। खुई होदि नियमओनराङ ङेन,” सिन सिदुक।

मर्कूस 12:31

दि तिरी ङेन्‍दा फाप्‍च्‍येते नियमलाचेन दोक सिन साबा ओत। च्‍यि सासीन ‘दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,’ सिन टिबा ओत। परमेश्‍वरगी बिन्‍दाते नियम नाङ दि नियम ङिबो छेत छ्येते ज्‍येन नियम ओतराङ मेत,” सिन सिदुक।

लूका 10:27

थेमे थेकी “परमेश्‍वर नियमलानी ‘खुई प्रभु परमेश्‍वरला खोरोङ आत्‍माताङ बुद्धिकी थेमे स्‍येतकी थुपासम्‍म सेमदुकीराङ ङिङज्‍ये खि। थेमे दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,’ सिन साबा ओत,” सिन सिदुक।

लूका 18:20

परमेश्‍वरगी बिन्‍दाते छ्ये छ्ये नियमला च्‍यि च्‍यि साबा ओते सिन खोल्‍ला छ्याराङ ओतासीन। थे नियमलाचेन ‘रन्‍डीबाजी खिता मेङगो, मि सेता मेङगो, क्‍वा मेङगो, मेन्‍दे बातला सुङलाङ दोष लै खिता मेङगो, आबा आमाला मान खिता फाप्‍क्‍यो,’ सिन साबा ओत। खुई होदि नियमओनराङ ङेन,” सिन सिदुक।

गलाती 5:13

आज्‍यो न्‍वावे, ख्‍योकोन थे खोरोङ नियम अधीनला देता माफाप्‍स्‍यीत सिन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोक सिरजीनमेईराङ थोक ईन्‍सीन थानी जे खासीनोङ ओङच्‍याक्‍वा सिन खेराङ सेमला लाबा लाबा माकेत। बरू ख्‍योकोनगी दाक्‍पोन नाङ ङिङज्‍ये खितरीङ खिन दोक्‍पोईकी ज्‍येनज्‍यीकला लेमु खि।