रोमी 13:8 - जिरेल

⁸ खेराङगी ज्‍येला फाप्‍च्‍येते साबा साबे बेलाला गाङे छ्योल। सुङगीतेङ छ्याःङ बाँकी माज्‍यो। थे लाक्‍तुङ ख्‍योकोनगी खिनराङ देता फाप्‍च्‍येते कामज्‍यीक ओत। थेचेन ज्‍येनतेबाला ङिङज्‍ये खित्‍च्‍येते ईन। ज्‍येनतेबाला ङिङज्‍ये खित्‍कान्‍ते मिकीचेन परमेश्‍वरगी बिन्‍दाते नियम गाङे ङेन्‍दाते ईन।

रोमी 13:8 Iomraidhean Croise

मत्ती 7:12

थेमे ख्‍योकोन खेराङला ज्‍येनगी चुक खित्‍स्‍यीत सिन सेम खिते, थेबालाङ थोकराङ खि। मोशेकी टिबाते परमेश्‍वर नियमताङ परमेश्‍वर बात खित्‍कान्‍ते मिओनगी खि साबाते छ्येते बात दिराङ ईन।

यूहन्‍ना 13:34

था ङा ख्‍योकोनला दोक खि सिन कोत्‍क्‍यो। च्‍यि सासीन ख्‍योकोन खेराङ नाङ ङिङज्‍ये खितरीङ खि। ङे ख्‍योकोनला ङिङज्‍ये खाबा च्‍योकराङ खाला ख्‍योकोनबरीकीङ खेराङ नाङ ङिङज्‍ये खि।

रोमी 13:10

दोक खाला ज्‍येनतेबाला ङिङज्‍ये खित्‍कान्‍ते मिकीचेन ज्‍येनला छ्याःङ मेलेबा मिक्‍किओ। थोगी ज्‍येनतेबाला ङिङज्‍ये खित्‍कान्‍ते मिओनगीचेन परमेश्‍वर नियम गाङे लेमु खाईन ङेन्‍दाते ईन।

रोमी 13:7

थोगी खेराङगी सुला चुक खिता फाप्‍कीका थेमे च्‍यि च्‍यि तेरा फाप्‍कीका थे काम लेमु खाला खि। च्‍यि सासीन तिरो दुत्‍कान्‍तेबाला तिरो छ्योल, कर ज्‍येला फाप्‍सीन थेङ छ्योल थेमे लुङबाला राज्‍य खित्‍कान्‍ते मिओनला मान खिता लेमु ईन सिन थेबाला मान खि।

गलाती 5:14

च्‍यिला सासीन “दाक्‍पोन ज्‍यानला माया खिता च्‍योकराङ ज्‍येनलाङ ङिङज्‍ये खि,” सिन साबाते होदि नियमज्‍यीक ङेन्‍नामेई परमेश्‍वर नियम गाङे ङेन्‍दाते ईन।

कलस्‍सी 3:14

दोक दोककामा खाला मेङगो। खेराङ नाङ ङिङज्‍ये खितरीङ खि, ङिङज्‍ये खासीनकामा ख्‍योकोन गाङेराङ सेमज्‍यीकराङ खाला डिक्‍ला थुन्‍ला देता थुप्‍क्‍यो।

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

याकूब 2:8

थेमे परमेश्‍वर बातला “ख्‍योकोनगी दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,” सिन साबा ओत। परमेश्‍वर राज्‍यदु ङेन्‍दा फाप्‍च्‍येते दि नियमला साबाच्‍योक खाईन कामोङ खासीन ख्‍योकोनगी लेमुराङ खाबाते ईन।

१ यूहन्‍ना 3:10

सु सु परमेश्‍वर फुज्‍युङ फुमु ईन्‍दाका सु सु शैतान सन्‍तान ईन्‍दाका सिन ङुरूङगी लेमु खाला डेला थुप्‍क्‍यो। चुक खाला सासीन लेमु काम मिक्‍किकान्‍ते मिङ दाक्‍पोन आज्‍यो न्‍वाला ङिङज्‍ये मिक्‍किकान्‍ते मिङ परमेश्‍वर फुज्‍युङ फुमु ईनराङ मेन।