रोमी 13:7 - जिरेल

⁷ थोगी खेराङगी सुला चुक खिता फाप्‍कीका थेमे च्‍यि च्‍यि तेरा फाप्‍कीका थे काम लेमु खाला खि। च्‍यि सासीन तिरो दुत्‍कान्‍तेबाला तिरो छ्योल, कर ज्‍येला फाप्‍सीन थेङ छ्योल थेमे लुङबाला राज्‍य खित्‍कान्‍ते मिओनला मान खिता लेमु ईन सिन थेबाला मान खि।

रोमी 13:7 Iomraidhean Croise

मत्ती 17:25

थोक सिरजीन थेकी “ज्‍येल्‍गीदुगे, च्‍यिला मेज्‍येल्‍ते,” सिन सासुङ। थेमे पत्रुस थेरूई गाल्‍गीन खाम्‍बे नाङ स्‍यूकीन बात खा माक्‍यालाराङ येशूकी थेला “शिमोन, ङाला सिना गेल्‍बोओनगी तिरो दुत्‍च्‍येतेताङ कर लिन्‍च्‍येते सुत्ताङ खिते? दाक्‍पोन फुज्‍युङताङ ना ज्‍येन मिओनताङ?” सिन सिरजीन

मत्ती 22:21

थोक सिरजीन थेबेकी “रोमी गेल्‍बोते,” सिन सासुङ। थेमे थेकी “थोक ईन्‍देकी रोमी गेल्‍बोला तेरा फाप्‍च्‍येते थेला बिन, परमेश्‍वरला तेरा फाप्‍च्‍येतेचेन परमेश्‍वरलाराङ बिन,” सिन सिदुक।

मर्कूस 12:17

थेमे थेकी “थोक ईन्‍देकी रोमी गेल्‍बोला तेरा फाप्‍च्‍येते थेला बिन, परमेश्‍वरला तेरा फाप्‍च्‍येतेचेन परमेश्‍वरलाराङ बिन,” सिन सिदुक। थेकी थोक सानामेई थेबाला आउदी अचम्‍ब लासुङ। थेकी थोक सितासीन सिन थेबेकी सेमगी छेउलाङ नोबा मेतान।

लूका 20:22

थोगी ङ्योकोन गुरू खोल्‍ला बातज्‍यीक ठामीन। ङुरूङगी रोमी गेल्‍बोला तिरो ज्‍येला परमेश्‍वर नियमताङ डिगीताना मिडिक्‍ते?” सिन सासुङ।

लूका 20:25

थेमे थेकी “थोक ईन्‍देकी रोमी गेल्‍बोला तेरा फाप्‍च्‍येते थेला बिन, परमेश्‍वरला तेरा फाप्‍च्‍येतेचेन परमेश्‍वरलाराङ बिन,” सिन सिदुक।

लूका 23:2

थेरू क्‍याल्‍नामेकी थेबेकी येशूला ईनराङ मेन्‍दाते दोष लै खिनकामा पिलातसला “दिकी ङ्योकोन जातकी मिला लुकीन थे खोरोङ छ्य्‌वापा लै खित च्‍युत्‍सुङ। रोमी गेल्‍बोला ज्‍येला फाप्‍च्‍येते तिरोङ ज्‍येला माफाबोत्‍लो। दोस्‍यिककामा मेन, दिकी दि खोरोङराङ परमेश्‍वरगी तोङगो साबाते ख्रीष्‍ट ईनलो। थोगी दिराङ गेल्‍बो ईनलो,” सिन सासुङ।

रोमी 12:10

खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खितरीङ खि, ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि।

रोमी 13:6

थेबे अधीनला देतेकीराङ ख्‍योकोनगी तिरोङ ज्‍येल्‍च्‍येते ईन। तिरो ज्‍येल्‍च्‍येते ठीकराङ ईन। च्‍यिला सासीन थेबे कामचेन जहिलेङ जनताला लेमु मेलेबा चुक दुका तेइन परमेश्‍वरगी खोपरोङला जिम्‍मा बिन्‍दाते काम खिन देत्‍च्‍येते ईन।

एफिसी 5:33

परमेश्‍वर बातला साबाते थे बात ख्‍यावा फेम्‍मे विषयलाङ साबाते ईन। थोगी ख्‍योकोन गाङेकी दाक्‍पोन ज्‍यानला माया खाबा च्‍योकराङ खाला फेम्‍मेला ङिङज्‍ये खि। थेमे फेम्‍मे मिओनगीङ दाक्‍पोन ख्‍योबोला मान खि।

एफिसी 6:5

थेमे योक्‍पो योङमुतेबा ख्‍योकोनला ङा दोक सिओ। च्‍यि सासीन खेराङला कोता च्‍योकराङ खाला लेमु खाला काम खिता फाप्‍क्‍यो सिन दाक्‍पोन मालिकला मान खिन थेबेकी लाःपा कोताते ङेन। ख्रीष्‍टकी खि साबाते सेमदुकीराङ ङेन्‍दाच्‍योक खाला थेबेकी च्‍यि खि सिका थे लेमु खाला खि।

१ तिमोथी 5:13

दोस्‍यिककामा मेन, थेबे मिन गन्‍तीला टिसीन थेबा अल्‍छी ड्वा थुप्‍क्‍यो। थेमे थाराङ मि खाम्‍बा खाम्‍बाला युला ख्‍याम्‍ग्‍यो। थेबा अल्‍छी डोच्‍येतेकामा मेन, मि बात खिन ख्‍याम्‍ग्‍यो। थेमे मि काम ङ्ये ज्‍युत्‍च्‍येतेताङ खोपरोङला चासोराङ मेताते बात खिन ख्‍याम्‍ग्‍यो।

१ तिमोथी 5:17

थेमे येशू ख्रीष्‍ट मिओनला ताकान्‍तेबे नाङ खोपरोङ काम लेमु खाला खित्‍कान्‍ते मिओनला आउदी खाला मान खिता फाप्‍क्‍यो। थेबे नाङोङ गा लाङच्‍येते बात च्‍यि ईन्‍दे सिन लोप्‍कान्‍तेबालाचेन झन मान खिता फाप्‍क्‍यो। थेमे थेबा गाङेला गोच्‍येतेङ तेरा फाप्‍क्‍यो।

१ तिमोथी 6:1

थेमे येशूला विश्‍वास खित्‍कान्‍ते मिओन नाङ योक्‍पो योङमु गाङेकी खोपरोङ मालिकओनगी साबाते ङेन्‍ला थेबाला मान खिता फाप्‍क्‍यो। थेबेकी थोक माक्‍याबाते ज्‍येनगी थोङसीन परमेश्‍वर विरोध खिओ थेमे ङुरूङगी लोप्‍कीन ओताते बात लेमु मेन सिओ।

१ पत्रुस 3:7

थेमे ख्‍योओ मिवे, फेम्‍मे मि खेराङ छेत ङार्मा मेङगो सिरच्‍येते बात टोक मेज्‍येता खाला ख्‍योकोनगी दाक्‍पोन फेम्‍मेला लेमु खि। परमेश्‍वरगी थेबालाङ ख्‍योकोनला च्‍योकराङ खाला दया खाला नोमुङ मिसिन्‍च्‍येते जुनी तेरग्‍यो सिरच्‍येते बादोङ टोक माज्‍येत। ख्‍योकोन खेराङ खेराङगी चुक खिता फाप्‍च्‍या ईन्‍दाका थोकराङ खासीन परमेश्‍वरगी ख्‍योकोनगी खाबाते प्रार्थना ङेन्‍ग्‍यो।