रोमी 13:13 - जिरेल

¹³ चुक सासीन ङुरूङगी गाङे ङोन्‍दु खिता ओङच्‍येते कामताङ बातकामा खिता फाप्‍क्‍यो। ज्‍येनताङ रूला भक्‍कुचूर सोला थुला मोज मज्‍जा खित्‍च्‍येते, छ्याङ रक्‍सीकी जिला ख्‍याम्‍च्‍येते थेमे रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खिता मेङगो। ज्‍येनताङ थोम्‍मु जीङगा खित्‍च्‍येते थेमे मिला डार खित्‍च्‍येतेङ खिता मेङगो।

रोमी 13:13 Iomraidhean Croise

लूका 1:6

थेबा जाप्राङ ङिकाराङ प्रभु परमेश्‍वर नियम गाङे लेमु खाला ङेन्‍गीन ओतान। दोक खाला थेबा ङिबोचेन परमेश्‍वरला मन परे खित्‍च्‍येते काम खिन ओतान।

लूका 16:19

सम्‍पत्ति बात बातलाराङ येशूकी “बाजिई ठाउँज्‍यीक्‍तु आउदी छ्युक्‍पुज्‍यीक मि ओताक्‍वालो। थेचेन जहिलेङ आउदी दामीते लेमु लेमु खोलाक खोन्‍ला स्‍या सामे लाकराङ बाक चेकीन देता ओतानलो।

लूका 21:34

थोगी ख्‍योकोनगी परमेश्‍वर ओत्‍सादुई वाबाते मि ङा ग्‍युरला ओङे छोमुसाक चुक खाला देता फाप्‍च्‍या ईन्‍दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्‍या थुङच्‍याताङ खोन्‍च्‍ये पीर माकेत। दोक खिन देत्‍सीन खरेउ तोर्बाकला थेप्‍लु खाला थे दिन लेपे छोमुकामा ख्‍योकोनगी छ्या स्‍येक्‍यो।

शक्ति काम 2:15

च्‍यि सासीन ख्‍योकोनगी साबाच्‍योक दिबा छ्याङ थुकीन जाप्‍ते मेन। ङुरूङ नाङ ङोमु नौ बजे नाङलाराङ सुचेन छ्याङ रक्‍सी थुला जिइतेरो?

१ कोरिन्‍थी 3:3

च्‍यि सासीन ख्‍योकोननी दाक्‍पोन खुशीला ख्‍याम्‍कान्‍ते मिओन च्‍योकराङ दुक। ख्‍योकोन दाक्‍पोन दाक्‍पोन नाङ डार खिन थेमे थोम्‍मु खिन देत्‍ला परमेश्‍वर आत्‍मेकी च्‍यि खि सिका थे ङेनराङ मेङेन्‍दुक। थोगी च्‍यि ख्‍योकोन दाक्‍पोन खुशीला ख्‍याम्‍कान्‍ते ज्‍येन मि च्‍योकराङ मायाङसुङरो?

गलाती 5:19

दाक्‍पोन खुशीला ख्‍याम्‍कान्‍ते मिकी चुक चुक खिते सिन ङुरूङ गाङेला लेमु खाला छ्याराङ ओत। थोक्‍ते मिकीचेन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम खिओ,

गलाती 5:21

थेमे मि जाला लोभ खिओ। दोस्‍यिककामा मेन, थे छ्याङ रक्‍सीकी जिला ख्‍याम्‍ग्‍यो, ज्‍येनताङ रूला भक्‍कुचूर सोला थुला मोज मज्‍जा खिओ थेमे होदोक्‍ते ज्‍येन ज्‍येन कामोङ खिओ। होदोक दोक खिन देत्‍कान्‍ते मि सुङ तिरी परमेश्‍वर राज्‍यने स्‍यूक्‍पा मेङेदो सिन ङे ख्‍योकोनला गोमाकाङ लेमु खाईन साबा ओत, लोक्‍ला थरिङोङ थोकराङ सिओ।

एफिसी 4:1

बात दोक दोक ईन्‍देकी ङा ख्‍योकोनला दोक खि सिन सिओ। प्रभु येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ङा ख्‍योकोनला चुक खि सिते सासीन ओर्च्‍ये, परमेश्‍वरगी खेराङला थे खोरोङ दोन्‍दु स्‍योक सिन कातोङजीन ख्‍योकोनगी चुक चुक खिता फाप्‍क्‍यो सिन साबा ओताने थोक थोकराङ खि।

एफिसी 4:17

थेमे प्रभु ख्रीष्‍टकी ङाला दोक सिरच्‍येते अधिकार बिन्‍दा ओतेकी ङा ख्‍योकोनला दि बाततेबा सिन ओत। च्‍यि सासीन ख्‍योकोनगीचेन परमेश्‍वरला छ्या मेस्‍येकान्‍ते मिओनगी च्‍योकराङ खिन देता मेङगो। परमेश्‍वरला छ्या मेस्‍येकान्‍ते मिओनचेन तिरी बात छ्याःङ विचार मिक्‍किकान्‍ते बुद्धि मेताते मि ईन।

एफिसी 5:15

थोगी ख्‍योकोनगी छ्याःङ छ्या मेस्‍येकान्‍ते मि च्‍योक मिक्‍किता खाला खेराङगी चुक खिता फाप्‍कीते सिन विचार खाला खिता फापा च्‍योकराङ खि।

एफिसी 5:18

थेमे छ्याङ रक्‍सीकी जिला माख्‍याम। जा बेलाला मिकी छ्याःङ होस मोज्‍योबा खाला मेता मेता खिओ। बरू परमेश्‍वर आत्‍मेकी खाङाते मि ओङला काम खि।

एफिसी 5:8

मुन्‍दाकला देत्‍कीन ख्‍योकोन गोमा मेलेबा कामताङ बात खिन ओतान। प्रभु ख्रीष्‍टताङ जीउज्‍यीकराङ ओङेकी थाचेन ख्‍योकोन नाम्‍दाकला देत्‍कान्‍ते मि ईन। थोगी नाम्‍दाकला देत्‍कान्‍ते मिकी चुक चुक खिता फाप्‍च्‍येते ईन्‍दे ख्‍योकोनगी थोकराङ खि।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

कलस्‍सी 1:10

प्रभु येशू मिकी चुक खिता फाप्‍कीते सिन छ्या स्‍येला ख्‍योकोनगी थोकराङ खित्‍स्‍यीत, काम बात जे खासीनोङ थेला मन परे मिक्‍किच्‍येते सिराते छ्याःङ मिक्‍किस्‍यीत बरू झन झन लेमुते कामकामा खित्‍स्‍यीत थेमे परमेश्‍वर सु ईन्‍दे, चुक्‍ते ईन्‍दे सिन झन लेमु खाला छ्या स्‍येस्‍यीत सिन ङ्योकोन दोक खाला प्रार्थना खिओ।

कलस्‍सी 3:5

थोगी था ख्‍योकोनगी दाक्‍पोन खुशी खिन दाक्‍पोनला च्‍यि च्‍यि खिता सेम लाङगीका थोकराङ खिन देता थोङ। च्‍यि सासीन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम माकेत, होदोक्‍ते काम माक्‍याबाला ओङराङ मेङगो सिराच्‍योक माकेत, लोभ माकेत, लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

१ थिस्‍सलोनिकी 2:12

थेमे परमेश्‍वर मिओनगी चुक चुक खिता फाप्‍कीते सिन लाप्‍कीन थोक खिन देत सिन लोप्‍कीन देताप। ख्‍योकोन थे खोरोङ राज्‍यदु देता ङेत्‍स्‍यीत थेमे थे खोरोङ चुक छ्ये ईन्‍दाका सिन लेमु खाला छ्या स्‍येस्‍यीत सिन थे खोरोङ दोन्‍दु स्‍योक सिन कातोङकान्‍ते परमेश्‍वरराङ ईन।

१ थिस्‍सलोनिकी 4:12

दोक खासीन सुङगीङ ख्‍योकोनला थाराङ स्‍वा माफाबो, येशू ख्रीष्‍ट मि मेन्‍दाते मिओनगीङ ख्‍योकोनला लेमु मि ईन सिओ।

१ थिस्‍सलोनिकी 5:17

परमेश्‍वरला प्रार्थना खित्‍च्‍येते नोमुङ मातोङ,

याकूब 4:5

थेमे परमेश्‍वर बातला परमेश्‍वरगी ङुरूङला बिन्‍दाते आत्‍मेकीचेन ङुरूङगी परमेश्‍वरगी साबातेकामा ङेन्‍स्‍यीत सिन आउदी सेम खिओ सिन साबाते च्‍यि ख्‍योकोनला थाराङ साबाते ईन्‍दासीन सिराच्‍योक लाङगीदुक?

१ यूहन्‍ना 2:6

परमेश्‍वरताङ डिक्‍ला देत्‍कान्‍ते ईन सिन सिरकान्‍ते मिकीचेन काम बात जे खित्‍जीनोङ येशूकी खाबा च्‍योकराङ खिता फाप्‍क्‍यो।

२ यूहन्‍ना 1:4

थेमे खुई फुज्‍युङ फुमु कोई कोईकी ङुरूङला आबा परमेश्‍वरगी खि सिन कोता च्‍योकराङ खाईन सत्‍यते बात ङेन्‍गीन थेरू खि साबा च्‍योकराङ खाबा थोङगीन ङाला आउदी गा लाबा ओत।

यहूदा 1:23

ज्‍येनलाचेन मे ऊरसादुकी टेप जुम्‍ला थेन्‍दाच्‍योक खाला नरककुण्‍डमा स्‍यूक्‍च्‍येते सजायदुकी थार छ्युत। ज्‍येनला दया खाला दोक्‍ते काम खित्‍जीन खेराङलाङ थेबे बानी मोलोप्‍स्‍यीत सिन ख्‍योकोन च्‍याङबो खि याङ। टेक्‍टेस्‍यिकराङ ईन्‍सीनोङ थेबेकी खित्‍च्‍येते च्‍योक्‍ते मेलेबा काम ख्‍योकोनगी छ्याःङ खिता माफाप्‍स्‍यीत सिन च्‍याङबो खाला देत।