रोमी 13:12 - जिरेल

¹² था नुप गाल्‍गीन नाम लाङा खाबा ओत। थोगी ङुरूङगी ज्‍येनगी थाहा मेछ्येत्‍स्‍यीत सिन मुन्‍दाकला खित्‍च्‍येते च्‍योक्‍ते मेलेबाते काम खित्‍च्‍येते गाङे तोङा फाप्‍क्‍यो। बरू गाङे ङोन्‍दु ङीमे कार्बोलाराङ खिता ओङच्‍येते च्‍योक्‍ते काम खिताला परमेश्‍वरगी तेरच्‍येते हात हतियार चले खिता फाप्‍क्‍यो। दोकचेन ङुरूङगी परमेश्‍वर शक्ति छ्य्‌वापेकी लेमुते कामकामा खिता फाप्‍क्‍यो साबाते ईन।

रोमी 13:12 Iomraidhean Croise

रोमी 13:14

खेराङला जे जे खिता सेम लाङगीदुक थे थेराङ माकेत। दाक्‍पोन खुशीला ख्‍याम्‍बा लेमु मेन साला बरू ख्‍योकोनगी जे खासीनोङ प्रभु येशू ख्रीष्‍टकी खित ज्‍युता चाला च्‍योक्‍तेकामा खि।

१ कोरिन्‍थी 10:11

थेबेकी च्‍यि खित्‍जीन चुक चुक ओङसुङा सिरच्‍येते दि बातओन ताला ङुरूङ दाक्‍पोनगी चुक खिता फाप्‍च्‍या ईन्‍दाका सिन छ्या स्‍येबा फाप्‍क्‍यो। था दि जुग सिन्‍ला डोच्‍ये बेला ख्‍योल्‍गीन सिन्‍सुङ। थोगी ङुरूङगीङ थेबेकी खाबाच्‍योक खिता मेङगो सिन छ्या स्‍येस्‍यीत सिनराङ दि बातओन टिबा ओतान।

१ कोरिन्‍थी 7:29

आज्‍यो न्‍वावे, दि जुग सिन्‍च्‍येते समय था काल्‍बेई मेत। थोगी फाङमा खाबाते मिकी फेम्‍मेते विचारकामा मिक्‍किता खाला बरू फाङमाराङ खाबा मेताते मि च्‍योक ओङला परमेश्‍वरगी दाक्‍पोनला कोताते काम खि।

२ कोरिन्‍थी 10:4

ङेराङ काम खित्‍जीन ङ्योकोन नोमुङ दि सा लुङबे मिओनगी च्‍योक खाला दाक्‍पोन फाइदा ताला मिक्‍किओ। ङेराङ काम लेमु ओङस्‍यीत सिन परमेश्‍वरगी तेरच्‍येते शक्तिकी ङ्योकोन दि काम खिओ। थे शक्ति छ्य्‌वापेकीराङ ङ्योकोन ङेराङ विरोध खित्‍कानताङ ङेराङ काम ङ्ये ज्‍युता छोल्‍कान गाङेला ग्‍याल्‍ग्‍यो।

२ कोरिन्‍थी 6:7

परमेश्‍वर बातला जे साला दुक ङ्योकोन थेकामा लोप्‍क्‍यो, ङेराङगी खित्‍च्‍येते काम ङ्योकोन परमेश्‍वर शक्ति छ्य्‌वापेकी खिओ। लडाइँला डोकान्‍ते मिते सामे लाक्‍पाला तरवार थेमे देब्रे लाक्‍पाला ढाल ओङगो। ङ्योकोन ढालताङ तरवारचेन परमेश्‍वरगी खि साबा साबाच्‍योक खाला ङेराङगी खिन ओताते कामराङ ईन।

एफिसी 4:22

था खेराङला लापा च्‍योकराङ खि। च्‍यि सासीन गोमा खिन ओताच्‍योक खिन मेदेता खाला मेलेबाते कामताङ बात खित्‍च्‍येते बानी थोङ। गोमाबा ख्‍योकोन दाक्‍पोन सेमला लाबा लाबाच्‍योक खासीन लेमु ओङगो सिन थोकराङ खिन ओतान। होथोक खाबेकी ख्‍योकोन ङ्येला डुइन ओतान।

एफिसी 5:11

मुन्‍दाकला देत्‍कान्‍ते मिओनगी खित्‍च्‍येते मिला ङ्ये ज्‍युत्‍च्‍येते मेलेबाताङ ङोचा लाङच्‍येते काम सिराते ख्‍योकोनगी खितराङ माकेत। बरू दोक्‍ते काम खित्‍कान्‍ते मिओनला थोक खिता लेमु मेन सिन लाप्‍ला बिन।

एफिसी 5:8

मुन्‍दाकला देत्‍कीन ख्‍योकोन गोमा मेलेबा कामताङ बात खिन ओतान। प्रभु ख्रीष्‍टताङ जीउज्‍यीकराङ ओङेकी थाचेन ख्‍योकोन नाम्‍दाकला देत्‍कान्‍ते मि ईन। थोगी नाम्‍दाकला देत्‍कान्‍ते मिकी चुक चुक खिता फाप्‍च्‍येते ईन्‍दे ख्‍योकोनगी थोकराङ खि।

हिब्रू 10:25

थेमे कोई कोईकी गाङेराङ जम्‍मा ओङसाला ड्वा ताङला दुक। दोक खिता मेङगो। प्रभु येशू ग्‍युरला ओङच्‍येते दिन था काल्‍बेई बाँकी मेत सिन ङुरूङला छ्या ओतेकी बरू ङुरूङगी गाङेराङ जम्‍मा ओङला परमेश्‍वरला विश्‍वास खिनराङ देताला दोक्‍पोईकी ज्‍येनज्‍यीकला आँट तेरा फाप्‍क्‍यो।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

याकूब 1:21

दोक ईन्‍देकी ख्‍योकोनगी मि गाङेकी खिन ओताते खिता मेङच्‍या मेलेबा मेलेबा खित्‍च्‍येते बानी थोङ। थेमे होदोक्‍ते ज्‍येनोङ मेलेबाते काम खिता गाङे थोङ। थेमे ङेल्‍ला दि बात मोगोओ सिराच्‍योक मिक्‍किता खाला परमेश्‍वरगी खेराङला खो च्‍युताते बात लेमु खाला ङेन। परमेश्‍वर बात ङेन्‍गीन साबा च्‍योकराङ खासीन ख्‍योकोनगी पापकी सजाय भोगे खिता माफाबो।

याकूब 5:8

होथोकराङ खाला ख्‍योकोनोङ था प्रभु येशू ग्‍युरला ओङच्‍ये बेला लेपा खासुङ सिन टोक मेज्‍येता खाला जस्‍तोराङ ओङजीनोङ सेम मेसेता खाला देत।

१ पत्रुस 2:1

बात दोक ईन्‍देकी था ख्‍योकोनगी मेलेबा काम सिराते छ्याःङ माकेत। ज्‍येनला ढाँर खित्‍च्‍येते थेमे मिकी खेराङला चुक लेमु ईन्‍दाका सिरस्‍यीत सिरच्‍ये सेमगी छ्याःङ काम माकेत। थोकराङ खाला मिला डार खित्‍च्‍येते थेमे मि मोत्‍च्‍येते बान्‍दा माकेत।

१ पत्रुस 4:7

थेमे था दि जुग सिन्‍च्‍ये बेला लेपा खाबा ओत। दाक्‍पोन सेम काबूला ज्‍याक्‍ला ख्‍योकोन च्‍याङबो खाला देत। दोक खासीन ख्‍योकोन परमेश्‍वरताङ प्रार्थना खिन देता थुप्‍क्‍यो।

२ पत्रुस 3:11

था ङीमाई दोक खाला जेसुकै खतम डोच्‍येते ईन्‍देकी ख्‍योकोनगी चुक खिता फाप्‍कीते छ्या ओत? ख्‍योकोनगी काम बात जे खासीनोङ लेमुते थेमे परमेश्‍वरला मन परे खित्‍च्‍येतेकामा खिता फाप्‍क्‍यो।

२ पत्रुस 3:9

मि कोई कोईकी परमेश्‍वरगी खिओ साबाते बात थेकी खोले खोलेकामा खिओ सिन विचार खिदुक। तर बात दोक मेन। मि सुङ नरककुण्‍डमा स्‍यूक्‍पा माफाप्‍स्‍यीत, बरू थेबा गाङेकी खोपरोङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनकामा सजाय मेतेरा खाईन थे गुकीन देताते ईन।

१ यूहन्‍ना 2:18

फिजावे, दि जुग सिन्‍दे बेला लेप्‍सुङ। दि जुग सिन्‍दे खाला ख्रीष्‍टला विरोध खित्‍कान्‍ते मि ओङगो सिन ख्‍योकोनगी थोबाराङ ओत। थरिङोला थोक्‍ते मि काल्‍बेई थेन्‍गीन सिन्‍दा ओत। थोगी ङुरूङगी दि जुग सिन्‍दे बेला लेपाक्‍वा सिन लेमु खाला छ्या स्‍येक्‍यो।

छ्या स्‍ये च्‍युताते बात 1:3

परमेश्‍वरगी छ्या स्‍ये च्‍युताते दि किताब नाङ टिबाते था तिरी ओङच्‍येते बातओन पढे खित्‍कान्‍ते थेमे थोला दुरू खि साबा च्‍योकराङ खित्‍कान्‍ते मि भाग्‍यमानी ईन। च्‍यिला सासीन दुरू साबाते दि गाङे बात था होत्ता साबा च्‍योकराङ ओङगीन ओत।

छ्या स्‍ये च्‍युताते बात 22:10

थेमे याङराङ थेकी ङाला “था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन छ्याःङ इप्‍ला ब्‍वाला माज्‍यो। च्‍यिला सासीन दुरू साबाच्‍योक गाङे था होत्ताराङ ओङगीन ओत।