रोमी 13:11 - जिरेल

¹¹ थेमे ज्‍येनोङ बात च्‍यि सासीन था गोमा च्‍योकराङ मेन सिन ख्‍योकोनगी विचार खि। काम खिता फाप्‍च्‍या ओत सिन ङिक गाल्‍सादुकी ङिक छेत्‍ला लाङाच्‍योक खाला था ख्‍योकोनगी झन लेमु खाला काम खि। च्‍यिला सासीन ङुरूङगी गोमा येशू ख्रीष्‍टला विश्‍वास खिताला स्‍यूक्‍पे बेलाला परमेश्‍वरगी ङुरूङला पूरो खाला पापदुकी टाल्‍ला स्‍वर्गने देताला खेरच्‍येते समय आदोराङ बाँकी ओतान। थेकी थोक खित्‍च्‍येते समय था काल्‍बा बाँकी मेत।

रोमी 13:11 Iomraidhean Croise

मत्ती 16:3

थेमे ङोमु नाम मुक्‍पेकी नाक्‍पो गाला थोङसीनचेन था छ्यार्बा देक्‍च्‍याक्‍वा सिन बात खिओ, मेन? नाम ताला ख्‍योकोनगी खडेरी थेन्‍च्‍येतेताङ छ्यार्बा देक्‍च्‍येते डेला थुप्‍कीदुक सासीन परमेश्‍वरगी खेराङ मिगी दोन्‍दुराङ खिन ओताते कामओन थोङलाङ थेकी च्‍यि खिन दुका सिरच्‍येते बातचेन ख्‍योकोन च्‍यिला छ्याःङ माखोबा च्‍योकराङ खाला देत्‍कीते?

लूका 21:28

थोगी थोक थोक ज्‍यीबा लाङच्‍या ओङा थोङजीन ख्‍योकोन सेम मासेत। बरू था दुक्‍पादुकी ठाल्‍च्‍ये बेला लेपा खासुङ सिन गा खि,” सिन सिदुक।

१ कोरिन्‍थी 10:11

थेबेकी च्‍यि खित्‍जीन चुक चुक ओङसुङा सिरच्‍येते दि बातओन ताला ङुरूङ दाक्‍पोनगी चुक खिता फाप्‍च्‍या ईन्‍दाका सिन छ्या स्‍येबा फाप्‍क्‍यो। था दि जुग सिन्‍ला डोच्‍ये बेला ख्‍योल्‍गीन सिन्‍सुङ। थोगी ङुरूङगीङ थेबेकी खाबाच्‍योक खिता मेङगो सिन छ्या स्‍येस्‍यीत सिनराङ दि बातओन टिबा ओतान।

१ कोरिन्‍थी 15:34

थोगी था ख्‍योकोनगी लेमु मेलेबा च्‍यि ईन्‍दे सिन डेला थुप्‍कान्‍ते मि च्‍योक ओङला काम खि। पाप खिन देता थोङ। ख्‍योकोनला ङोचा लोङाप सिनराङ ङा दोक सिन ओत। च्‍यिला सासीन ख्‍योकोन कोईकीनी थोरूमोङ परमेश्‍वर सु ईन्‍दे, थेकी चुक खाला काम खिते सिन छ्याःङ खोबा मिन्‍दुक।

एफिसी 5:14

नाम्‍दाककी खित्‍सादुराङ थोक खाला थेबाङ मुन्‍दाकदुकी ठाल्‍ला नाम्‍दाकला देता ङेत्‍क्‍यो। थोगीराङ “ङ्याला ओतातेबा ङिक छेत्‍ला स्‍याप छेतराङ गाल्‍सादुकी ल्‍वा थेमे ख्रीष्‍टकी ख्‍योकोनला नाम्‍दाकला देत ज्‍युत्‍क्‍यो,” सिन सिरच्‍येते ईन।

याकूब 5:8

होथोकराङ खाला ख्‍योकोनोङ था प्रभु येशू ग्‍युरला ओङच्‍ये बेला लेपा खासुङ सिन टोक मेज्‍येता खाला जस्‍तोराङ ओङजीनोङ सेम मेसेता खाला देत।

१ पत्रुस 4:7

थेमे था दि जुग सिन्‍च्‍ये बेला लेपा खाबा ओत। दाक्‍पोन सेम काबूला ज्‍याक्‍ला ख्‍योकोन च्‍याङबो खाला देत। दोक खासीन ख्‍योकोन परमेश्‍वरताङ प्रार्थना खिन देता थुप्‍क्‍यो।

२ पत्रुस 3:11

था ङीमाई दोक खाला जेसुकै खतम डोच्‍येते ईन्‍देकी ख्‍योकोनगी चुक खिता फाप्‍कीते छ्या ओत? ख्‍योकोनगी काम बात जे खासीनोङ लेमुते थेमे परमेश्‍वरला मन परे खित्‍च्‍येतेकामा खिता फाप्‍क्‍यो।

२ पत्रुस 3:9

मि कोई कोईकी परमेश्‍वरगी खिओ साबाते बात थेकी खोले खोलेकामा खिओ सिन विचार खिदुक। तर बात दोक मेन। मि सुङ नरककुण्‍डमा स्‍यूक्‍पा माफाप्‍स्‍यीत, बरू थेबा गाङेकी खोपरोङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनकामा सजाय मेतेरा खाईन थे गुकीन देताते ईन।

१ यूहन्‍ना 2:18

फिजावे, दि जुग सिन्‍दे बेला लेप्‍सुङ। दि जुग सिन्‍दे खाला ख्रीष्‍टला विरोध खित्‍कान्‍ते मि ओङगो सिन ख्‍योकोनगी थोबाराङ ओत। थरिङोला थोक्‍ते मि काल्‍बेई थेन्‍गीन सिन्‍दा ओत। थोगी ङुरूङगी दि जुग सिन्‍दे बेला लेपाक्‍वा सिन लेमु खाला छ्या स्‍येक्‍यो।

छ्या स्‍ये च्‍युताते बात 1:3

परमेश्‍वरगी छ्या स्‍ये च्‍युताते दि किताब नाङ टिबाते था तिरी ओङच्‍येते बातओन पढे खित्‍कान्‍ते थेमे थोला दुरू खि साबा च्‍योकराङ खित्‍कान्‍ते मि भाग्‍यमानी ईन। च्‍यिला सासीन दुरू साबाते दि गाङे बात था होत्ता साबा च्‍योकराङ ओङगीन ओत।

छ्या स्‍ये च्‍युताते बात 22:10

थेमे याङराङ थेकी ङाला “था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन छ्याःङ इप्‍ला ब्‍वाला माज्‍यो। च्‍यिला सासीन दुरू साबाच्‍योक गाङे था होत्ताराङ ओङगीन ओत।

छ्या स्‍ये च्‍युताते बात 22:12

थेमे याङराङ प्रभु येशूकी “था ङा होत्ताराङ ओङगीन ओत। थेबेकी खाबाते लेमु मेलेबा कामताङ बात ताला मि गाङेला सु सुला च्‍यि तेरा फाप्‍कीका थे थेराङ ङा तेरग्‍यो।

छ्या स्‍ये च्‍युताते बात 22:20

दि गाङे बात दुरू साबा च्‍योकराङ ईन, ईन्‍दातेराङ ईन सिन सिरकान्‍तेकी “था ङा होत्ताराङ ओङगीन ओत,” सिन सिओ। आमेन, लो स्‍योक स्‍योक प्रभु येशू।