रोमी 13:1 - जिरेल

¹ थोरूमोङ च्‍यि सासीन लुङबाला राज्‍य खित्‍कान्‍ते मि गाङेला परमेश्‍वरगीराङ थोक खित्‍च्‍येते अधिकार बिन्‍दाते ईन्‍देकी ख्‍योकोन गाङेराङ थेबे अधीनला देता फाप्‍क्‍यो। परमेश्‍वरगी थेबाला थोक खित्‍च्‍येते अधिकार माबिन्‍दा ईन्‍सीन थेबा सुङ ज्‍येनला राज्‍य खित्‍कान्‍ते मि ओङा थुप्‍च्‍या मेतान।

रोमी 13:1 Iomraidhean Croise

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

यूहन्‍ना 19:11

थोक सिरजीन येशूकी “स्‍वर्गने ओताते परमेश्‍वरगी ङाला दोक खि सिन खोल्‍ला अधिकार बिन्‍देकी खित्‍सादुकामा खुई ङे न्‍याय खिता ङेताते ईन। ङाला खुई लाःक्‍तु सोम्‍पे खित्‍कान्‍ते मिकी झन आउदी पाप खाबाते ईन,” सिन सिदुक।

शक्ति काम 2:41

पत्रुस बात ङेन्‍कान्‍तेबाला पत्रुसबेकी छ्युला लुगीन बप्‍तिस्‍मा बिन्‍सुङ। थेबा मेन्‍दा हजार सुमजो ओतान। थोक खाईन थे छोमु थेबाङ येशूला विश्‍वास खित्‍कान्‍ते मिओनताङ थपे खासुङ।

रोमी 12:21

खेराङला मेलेबा खित्‍कान्‍तेबाला मेलेबा खिता सेम लासीनोङ थोक माकेत। बरू जहिलेङ थेबाला लेमुराङ खि।

रोमी 13:2

परमेश्‍वरगीराङ थेबाला राज्‍य खित्‍च्‍येते अधिकार बिन्‍दा ओतेकी थेबे विरोध खित्‍कान्‍ते मिओनगीचेन थेबाला थे काम खित ज्‍युत्‍कान्‍ते परमेश्‍वर विरोध खाबाते ईन। जो जसकी दोक खिदुक थेबेकी सजाय भोगे खिता फाप्‍क्‍यो।

एफिसी 5:21

प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिन ङा ङाराङ ईन सिराच्‍योक मिक्‍किता खाला ख्‍योकोन दोक्‍पोईकी ज्‍येनज्‍यीक बात ङेन्‍च्‍येते खि।

१ तिमोथी 2:2

थेमे छ्याःङ गोलमाल मायाङला ङुरूङगी परमेश्‍वरला माने खिन थेमे थेला मन परे खित्‍च्‍येते काम खिन लेमु खाला देता ङेत्‍स्‍यीत सिन झन गेल्‍बोओनताङ लुङबे छ्ये छ्ये मि लाईदुङ प्रार्थना खिता फाप्‍क्‍यो।

तीतस 3:1

थेमे ज्‍येनोङ बात थेरू येशू ख्रीष्‍ट मिओनला च्‍यि सिन लोबे सासीन लुङबादु राज्‍य खित्‍कानताङ ज्‍येन छ्ये छ्ये मि अधीनला देत्‍ला नियम कानून ङेन्‍दा फाप्‍क्‍यो थेमे लेमु काम खित्‍च्‍ये छ्य्‌वापाकामा सेम खिता फाप्‍क्‍यो सिरच्‍येते बात टोक माज्‍येत सिन सि।

यहूदा 1:8

गोमा होथेबेकी खाबा च्‍योकराङ खाला ख्‍योकोन नाङ खाराक्‍पा स्‍यूबाते खोपरोङ मिलाम स्‍येत्‍कान्‍ते मिओनगीङ गोमा होथेबेकी खाबा च्‍योकराङ खाला मेलेबा काम खिदुक। च्‍यि सासीन रन्‍डीबाजीताङ होदि च्‍योक्‍ते खिता मेङच्‍येते काम खाला थेबेकी खोपरोङला ङ्ये ज्‍युत्‍कीदुक, परमेश्‍वर थेमे ज्‍येन सुङगीङ अधीनला मेदेत्‍तुक थेमे परमेश्‍वर दूतओन विरोध खिदुक।

छ्या स्‍ये च्‍युताते बात 17:14

थेबा गाङेराङ ङ्योम्‍बुराङ डिक्‍ला लुई रीउताङ लडाइँ खिओ। लडाइँ खित्‍जीन लुई रीउकी थेबाला ग्‍याल्‍ग्‍यो। च्‍यिला सासीन लुई रीउचेन गाङे छ्येतेबेतेङ छ्येते थेमे गेल्‍बोओनतेङ गेल्‍बो ईन। परमेश्‍वरगी थे खोरोङ दोन्‍दु स्‍योक सिन काताङाते मिओनचेन लुई रीउताङ ङ्योम्‍बु देत्‍क्‍यो। थेबाचेन परमेश्‍वरगी छाने खाबाते थेमे जस्‍तो ओङसीनोङ थेला विश्‍वास खिन देत्‍कान्‍ते मिओन ईन,” सिन सिदुक।

छ्या स्‍ये च्‍युताते बात 19:16

थेकी खोन्‍दाते खोलाकताङ थे फाल्‍काला “गेल्‍बोओनतेङ गेल्‍बो थेमे गाङे छ्येतेबेतेङ छ्येते” सिन मिन टिबा ओतान।