रोमी 12:9 - जिरेल

⁹ थेमे ख्‍योकोनगी ज्‍येनला खेकीकामा मेन, पक्‍काराङ ङिङज्‍ये खि। दोकचेन खिताराङ मेङगो सिन मेलेबाते कामताङ बात सिराते छ्याःङ माकेत। खालि लेमुते कामताङ बात खित्‍च्‍ये छ्य्‌वापाकामा स्‍येत खि।

रोमी 12:9 Iomraidhean Croise

मत्ती 26:49

थोगी थेकी ज्‍येनतोक बात छ्याःङ मिक्‍किता खाईन येशू खादु गाल्‍गीन “नमस्‍ते गुरू,” सिनकामा थेला पुक खासुङ।

यूहन्‍ना 12:6

दुक्‍पा ङेताते मिओनला ङिङज्‍ये खितेकी थेकी थोक साबा मेतान। थेचेन चोर ओतान। थेबा गाङे पैसा ज्‍य्‌वाकान्‍ते थेराङ ओतान। थेमे थे खोरोङला गोबे बेलाला थेकी थे पैसाराङ थेन्‍ला चले खिन ओतान।

शक्ति काम 11:23

थे एन्‍टिओखियादु लेप्‍ला ताजीन परमेश्‍वरगी थेरू मिओनलाङ दया खाईन थे खोरोङ छ्य्‌वापा लै खित्‍च्‍येते मौका बिन्‍दा थोङगीन थेला आउदी गा लासुङ। थेमे थेकी “जस्‍तोराङ ओङसीनोङ ख्‍योकोनगी प्रभु येशूला विश्‍वास खिता नोमुङ मातोङ,” सिन थेबाला आँट बिन्‍सुङ।

२ कोरिन्‍थी 6:6

ङ्योकोन मेलेबा काम सिराते छ्याःङ मिक्‍किओ। परमेश्‍वरगी ङ्योकोनला थे खोरोङ बाततेबा लेमु खाईन छ्या स्‍ये च्‍युता ओत। ङ्योकोन सेम मेसेता खाला काम खिओ, ज्‍येनला दया खिओ, परमेश्‍वर आत्‍मेकी खि साबाते कामकामा खिओ थेमे खेकीकामा मेन्‍देकी ङ्योकोन ज्‍येनला पक्‍काराङ खाला ङिङज्‍ये खिओ।

२ कोरिन्‍थी 8:8

ङे ख्‍योकोनगी दोकराङ खिता फाप्‍क्‍यो सिन कोतातेनी मेन। ज्‍येनतेबेकी दुक्‍पा ङेतातेबाला चुक रहर खाईन तेरा चाल्‍ला दुका सिन साला ख्‍योकोनगीङ ज्‍येनला खेकीकामा मेन पक्‍काराङ ङिङज्‍ये खित्‍च्‍या ईन्‍दाकाना मेन्‍दाका सिन छ्या स्‍येबाला ङे दोक साबाते ईन।

१ थिस्‍सलोनिकी 2:3

जसकी जेराङ सासीनोङ ङ्योकोननी मिओनला गा लाङच्‍येते बात ङेन सिन लोप्‍जीन नोमुङ मेन्‍दे बात मोलोबो, चुक खासीन ङेराङला फाइदा ओङगीका थे तालाङ मोलोबो थेमे मि मिकला छारो देक्‍पाङ मोछोलो।

१ थिस्‍सलोनिकी 5:15

सुइँदेकी सुइँदाला मेलेबा खासीन थेलाङ थोकराङ खाला स्‍येदाङ सेता मेङगो। ख्‍योकोन सुङगीङ थोक माकेत। दाक्‍पोन नाङ ईन्‍स्‍यीत, ज्‍येन मि नाङ ईन्‍स्‍यीत चुक खित्‍जीन गाङेला लेमु ओङगीका थे छ्य्‌वापाकामा स्‍येत खि।

१ थिस्‍सलोनिकी 5:21

खाङ कामताङ बात लेमु ईन्‍दे, खाङ मेलेबा ईन्‍दे सिन लेमु खाला छ्या स्‍येबा खि। जुन कामताङ बात खिता लेमु दुक थे खि,

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

हिब्रू 1:9

खोल्‍ला लेमुते काम मन परे खिओ। मेलेबा काम सिरातेचेन खोल्‍ला गाराङ मालाङो। थोगीराङ खोल्‍ला खुई परमेश्‍वरगी खोरोङ र्‍वाओन भन्‍दा झन काल्‍बा गा खिन देताला छाने खाबाते ईन,” सिन साला दुक।

हिब्रू 12:14

थुपासम्‍म ख्‍योकोन ज्‍येन गाङेताङ डिक्‍ला थुन्‍ला देत। सेम खुदुक गालाते मिओनगी खिता फापा च्‍योकराङ परमेश्‍वरला मन परे खित्‍च्‍येते कामताङ बातकामा खि। दोक मिक्‍किकान्‍ते सुङगीङ प्रभु परमेश्‍वरला थोङा मेङेदो।

याकूब 3:17

तर परमेश्‍वरगी बिन्‍दाते बुद्धि ङेता ओताते मिओनगीचेन काम बात जे खित्‍जीनोङ लेमुतेकामा खिओ, थेबा ज्‍येनताङ डिक्‍ला थुन्‍ला देता छोल्‍ग्‍यो, गाङेताङ खा छ्येत लेमु खिओ, दाक्‍पोन भन्‍दा छ्येकी साबाते ङेन्‍ग्‍यो, ज्‍येनला ङिङज्‍ये खाला लेमु लेमु काम खिओ, सुङलाङ काका पाका मिक्‍किओ थेमे सेमला मेलेबा विचार मोज्‍योओ।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 4:8

थेमे ज्‍येनतोक भन्‍दाङ दोक्‍पोईकी ज्‍येनज्‍यीकला आउदी खाला ङिङज्‍ये खि। दोक खासीनराङ ज्‍येनगी जति मेलेबा खासीनोङ थोक्‍ते मिला माफ तेरा थुप्‍क्‍यो।