रोमी 12:7 - जिरेल7 थेमे सुइँदाला परमेश्वर सन्तान खोपरोङ नाङ काम खित्च्येते सीप बिन्दा ओत्सीन थेकीङ थे कामराङ खिता फाप्क्यो। ज्येनतेबाला परमेश्वर बात लोप्च्येते सीप ङेता ओताते मिकी थे बात लोपा फाप्क्यो। Faic an caibideil |
रोमी 12:7
31 Iomraidhean Croise
थोगी येशूला विश्वास खिता मोतोङा खाला था ख्योकोन खेराङोङ च्याङबो खाला देत। थेमे लेमु खाला तो सिन परमेश्वर आत्मेकी खेराङ जिम्माला बिन्दाते परमेश्वर मि गाङेते लेमु खाला हेर विचार खि। येशू ख्रीष्ट स्यिजीन थे जीउदुकी थेन्दाते ठागी थेकी थेबाला परमेश्वर मि ओङाला ङ्योबाते ईन सिन सम्झे खाला थेबाला लेमु खाला तो।
येशू चेला ओङाते मिओन आउदी खाला फेल्गीन डुइन ओतान। थेबे नाङ हिब्रू बात खित्कान्ते यहूदीओनताङ ग्रीक बात खित्कान्ते यहूदी खाईन हूल ङि ओतान। थोक खाला फेल्गीन ड्वाप्ला स्यूनामेकी थेबा हूल ङिकी नाङ टिक्पी ठाकठाक ठोकठोक स्योरसुङ। च्यिला सासीन ङीमे ठाङमा साप गोत्जीन खोपरोङ हूलगीते ख्योबो स्याप्ते फेम्मे मिओनला लेमु खाईन मातासुङ सिन ग्रीक बात खित्कान्तेबा हिब्रू बात खित्कान्ते ज्येन यहूदीओनताङ स्येदाङ खासुङ।
येशू ख्रीष्ट मिओन नाङ परमेश्वरगी छ्येदुकी शुरू खाईन टेक्टेसाक गाङेला दाक्पोन दाक्पोन जिम्मा बिन्दा ओत। थेबे नाङ गाङे भन्दा गोमाचेन येशू ख्रीष्टकी खटे खाबाते मिओन, थेबे तिरी परमेश्वर बात खित्कान्तेबा, थेरूकी परमेश्वर बात लोप्कान्तेबा फाप्क्यो। थोकराङ खाला अचम्ब अचम्बतेन्दे काम खित्कान्तेबा, नाबाते मिओनला ठाक्पा खित्च्येते शक्ति ङेता ओतातेबा, ज्येनला मद्धत खित्कान्तेबा, खाङ काम चुक खाला खिता फाप्कीते सिन छ्या स्येकान्तेबा थेमे खोपरोङगी छ्या मास्येबाते खुदुक खुदुकते भाषाला बात खित्कान्ते मिओन फाप्क्यो।
आज्यो न्वावे, ख्योकोन गाङेराङ जम्मा ओङजीन ख्योकोन कोई परमेश्वरला छ्ये जोच्येते लु लिन्कान्ते, कोई सु सुकी चुक चुक खिता फाप्कीते सिन लोप्कान्ते थेमे कोईचेन परमेश्वरगी खोपरोङला तेन्गीन बिन्दाते तिरी ओङच्येते बात खित्कान्ते मि ओङगो। थोकराङ खाला कोई खोपरोङगी छ्या मास्येबाते खुदुक खुदुकते भाषाला बात खित्कान्ते मि ओङगो सासीन कोईचेन थे भाषाला खाबाते बातकी अर्थ खोले खित्कान ओङगो। ख्योकोनगी जे खासीनोङ येशू ख्रीष्ट मि गाङेला लेमु ओङे लाईदु खि।
थेकीराङ मिओनला खुदुक खुदुकते काम खित्च्येते सीपताङ शक्ति बिन्गीन कोईला थे खोरोङगी खटे खाबाते मि थेमे कोईला परमेश्वर बात खित्कान्ते मि जोसुङ। थोकराङ खाईन कोईला ठाउँ ठाउँला गाल्ला गा लाङच्येते बात लोप्कान्ते मि थेमे कोईला परमेश्वर सन्तानओनला ताकान्ते थेमे परमेश्वर बात लोप्कान्ते मि जोसुङ।
परमेश्वरगी मिओनला थोक खिता छोल्ग्यो सिराला ङा येशू ख्रीष्टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्वास खिता फाप्कीते थेमे ङेन्दा फाप्च्येते सत्यते बात च्यि ईन्दे सिन ज्येन ज्येन जातकी मिला लोप्कान्ते मि ईन।
थोक्ते मिचेन सुङगीङ दिकी दि दि गल्ती खाबा ओत सिन साबा मेताज्यीक ओङा फाप्क्यो। थेते फेम्मेज्यीककामा ओङा फाप्क्यो। थेचेन जहिलेङ च्याङबो खाला देत्कानज्यीक, दाक्पोन सेम काबूला ज्य्वाबा थुप्कानज्यीक ओङा फाप्क्यो। थे बानी लेमु ओताज्यीक, डोम्बोओनताङ फार छुर ख्याम्कान मिओनला लेमु खित्कानज्यीक थेमे मिओनला परमेश्वर बात लेमु खाला लोपा थुप्कानज्यीक ओङा फाप्क्यो।
खुई चुक खिता फाप्कीते सासीन मिओनला परमेश्वर बात लोप्कीनराङ देत, मिओनगी ङेन्सीनोङ माङेन्सीनोङ जुन बेलालाङ थे बात लोपा मातोङ थेमे गल्ती खित्कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्दे सिन गाङेला लाप्ला बिन। थानी दिबाला थोई लोप्च्ये सिराच्योक माकेत, सुङताङ स्येदाङ मिक्किता खाला खा छ्येत लेमु खिन दोक खाला लोप्कीनराङ देत।
Sanasan