च्यिला सासीन था ङा ख्योकोन नाङ परमेश्वर बात खित्कान्ते मिओन, आउदी बुद्धि ओताते मिओन थेमे परमेश्वर बात लोप्कान्तेबाला तोङगो। थेबे नाङ ख्योकोनगी कोईला सेत्क्यो, कोईला स्यिङगी थामला टाँए खाला सेत्क्यो, कोईला खेराङ मिटिङ खित्च्येते खाम्बे नाङला खेरला कोर्रा लै खिओ थेमे कोईलाचेन थेबा जुन जुन सारदु डुइदुक थेरू थेरूराङ गाल्ला थेङलेकी उरला तोङगो।
रोमी 12:6 - जिरेल6 परमेश्वरगी दया खाईन ङुरूङला दाक्पोन दाक्पोनला खुदुक खुदुक काम खित्च्येते सीपताङ शक्ति बिन्दा ओत। दाक्पोनताङ च्यि खित्च्येते सीप कि शक्ति ओते ङुरूङगी थे काम लेमु खाला खिता फाप्क्यो। च्यि सासीन परमेश्वरगी ङुरूङ सुइँदाला थे खोरोङगी सिर च्युताते बात खित्च्येते शक्ति बिन्ला दुक सासीन थे मिकी थे कामराङ खिता फाप्क्यो। तर थेकी थे खोरोङगी परमेश्वरला खजो विश्वास खिका थे ताला परमेश्वरगी सिर च्युता च्युता बातकामा सिरा फाप्क्यो, ज्येन बात खिता मेङगो। Faic an caibideil |
रोमी 12:6
31 Iomraidhean Croise
खेराङ ज्युज्यु पुर्खाताङ ख्योकोनगी होदोक्ते काम खिओ सिन थे खोरोङ बुद्धिकी परमेश्वरगी गोमाका छ्या स्येबा ओतान। थेमे थेकी ‘ङा ङे बात खित्कान्तेबा थेमे ज्येनोङ ङाराङगी खटे खाबाते मिओन मि नाङ तोङगो। तर मिओनगीचेन ङे ताङाते मिओन नाङ कोईला सेत्क्यो, कोईला आउदी दुक्पा बिन्ला उरला तोङगो,’ सिन साबा ओतान।
थेकीचेन ‘परमेश्वरगी च्यि सिका सासीन था दि जुग सिन्दे खाला ङा मि गाङेला ङाराङ आत्मा तेरग्यो। दोक ओङनामेई ख्योकोन फुज्युङ फुमुबेकी ङे सिर च्युताते बात खिओ। थेमे स्याराते मिओनला ङा मिलाम खित ज्युताच्योक खाला ङे खिता चालाते कामओन तेन्ला तेरग्यो। थोकराङ खाला गान्दाते मिओनताङ ङा मिलामला बात खिओ।
परमेश्वरगी ङाला दया खाईन थे खोरोङ काम खि साबा ओतेकी ङा ख्योकोन गाङेला दि बातओनोङ सिओ। च्यि सासीन खेराङगी च्यि खिता थुप्कीते सिन लेमु खाला विचार मिक्किता खाला ख्योकोन सुङगीङ ङा जेङ खिता थुप्क्यो सिराच्योक खाला छ्ये माकेत। परमेश्वरगी खेराङला च्यि खित्च्येते सीप कि शक्ति बिन्ला दुका ङाला परमेश्वरगी दोस्यिकराङ खि साबाते ईन सिन विश्वास खाला ख्योकोनगी थेकी खि साबा भन्दाङ ल्हाक्पा खिता थुप्क्यो सिराच्योक माकेत।
ङेचेन परमेश्वरगी सिर च्युताते बात खित्च्येते शक्ति ङेता ओत्सीनोङ, परमेश्वरगी गोमा सुङलाङ छ्या स्ये च्युता मेताते बाततेबा गाङे छ्या स्येकान्ते ईन्सीनोङ थेमे परमेश्वरगी चुक खाला काम खिते सिरच्येते बात गाङे छ्या स्येबा ओत्सीनोङ ङे ज्येनला ङिङज्ये माक्यासीन दि बाततेबा छ्या स्येला छ्याःङ काम लै मिक्किओ, ङा छ्याःङ मेन। थेमे परमेश्वरगी जेङ खिता थुप्क्यो सिन थेला विश्वास खाला बोमज्यीकला सरे खाला ग्युक साला थे बोमला समेत सरे खित ज्युता थुप्सीनोङ ङा छ्याःङ मेन।
थोगी ख्योकोनगी चुक खाला ज्येनला ङिङज्ये खिता थुप्कीका सिरच्ये छ्य्वापा विचार खि। थेमे परमेश्वर आत्मेकी तेरच्येते खुदुक खुदुकते सीपताङ शक्ति चुक खाला ङेदोङा सिरच्ये छ्य्वापा सेम लै खि। थोक्ते सीपताङ शक्ति नाङदुङ परमेश्वरगी सिर च्युताते बात खित्च्येते शक्ति ङेतालाचेन ख्योकोनगी आउदी सेम खि।
तर ख्योकोन गाङेराङ परमेश्वरगी सिर च्युताते बात खिन ओते बेलाला येशूला विश्वास खाबा मेताते कि परमेश्वर बात छ्याःङ छ्या मेताते मिज्यीक थेरू ख्योल्सुङ सासीन थेजीन थेकी ख्योकोनगी खिन ओताते गाङे बात खोला दिबेकीनी ङा चुक्ते ईन्दाका सिरच्येते बातका खासुङ साला थे खोरोङ पापी दुका सिन छ्या स्येक्यो।
थेकीराङ मिओनला खुदुक खुदुकते काम खित्च्येते सीपताङ शक्ति बिन्गीन कोईला थे खोरोङगी खटे खाबाते मि थेमे कोईला परमेश्वर बात खित्कान्ते मि जोसुङ। थोकराङ खाईन कोईला ठाउँ ठाउँला गाल्ला गा लाङच्येते बात लोप्कान्ते मि थेमे कोईला परमेश्वर सन्तानओनला ताकान्ते थेमे परमेश्वर बात लोप्कान्ते मि जोसुङ।
Sanasan