रोमी 12:3 - जिरेल3 परमेश्वरगी ङाला दया खाईन थे खोरोङ काम खि साबा ओतेकी ङा ख्योकोन गाङेला दि बातओनोङ सिओ। च्यि सासीन खेराङगी च्यि खिता थुप्कीते सिन लेमु खाला विचार मिक्किता खाला ख्योकोन सुङगीङ ङा जेङ खिता थुप्क्यो सिराच्योक खाला छ्ये माकेत। परमेश्वरगी खेराङला च्यि खित्च्येते सीप कि शक्ति बिन्ला दुका ङाला परमेश्वरगी दोस्यिकराङ खि साबाते ईन सिन विश्वास खाला ख्योकोनगी थेकी खि साबा भन्दाङ ल्हाक्पा खिता थुप्क्यो सिराच्योक माकेत। Faic an caibideil |
रोमी 12:3
47 Iomraidhean Croise
ईन्दानी ईन। तर दि बात टोक माज्येत। च्यि सासीन परमेश्वरगी खोपरोङला येशू ख्रीष्ट छ्य्वापेकी लेमु खिओ सिन पत्ते माक्याबेकी थेकी थेबाला थोक खाईन ताङाते ईन। थेमे ख्योकोनगीचेन थे बात पत्ते खाईन थेला विश्वास खिन देतेकी खित्सादुकामा थेबे साटोला थेकी ख्योकोनला थे खोरोङ मि ईन सिरच्येते ईन। थोगी छ्ये मिक्किता खाला बरू ख्योकोन ज्यीबाका खाला देत।
थेमे याङराङ आज्यो न्वावे, परमेश्वरगी इस्राएलीओनला चुक चुक खिते सिरच्येते बात ख्योकोनगी छ्या स्येस्यीत सिन ङा दि बातज्यीक सिरामीन। दि बात ख्योकोनगी खेराङ बुद्धि खिये खाला छ्या स्येबा मुथुबो। थेकी गोमा सुङलाङ छ्या स्ये च्युता मेताते बात च्यि ईन्दे सासीन काल्बा च्योक इस्राएलीकी परमेश्वरगी साबाते पटक्क ङेन्च्ये सेम माक्यासीनोङ थेबा तिरीसाक दोकराङ खिन मेदेदो। परमेश्वरगी ज्येन ज्येन जातकी मि नाङदुकी थे खोरोङला विश्वास खिओ साबाते मि जति थे खोरोङ छ्य्वापा लै खाईन मासिनथुपकामा थेबा दोक खिन देत्क्यो।
ङे थोक मेलेबा खाबा ईन्सीनोङ परमेश्वरगी ङाला दया खाईन ज्येनला येशू ख्रीष्ट बात लोप्कान्ते मि जोसुङ। परमेश्वरगी ङाला दया खाबाते थाराङ खेरो मागाल्सुङ। ङेचेन ङाराङ च्योकराङ येशू ख्रीष्टकी खटे खाबाते मि गाङेकी भन्दा दुक्पा खाईन खाईन ल्हाक्पा काम खाबा ओत। ईन्सीनोङ ङे खाबाते काम ङाराङ स्येतताङ बुद्धिकी खाबाते मेन। दि गाङे परमेश्वर दयेकी खित्सादु खिता थुपाते ईन।
जे ईन्सीनोङ प्रभु येशूकी दाक्पोन दाक्पोनला च्यि खि साबा ओते, चुक खाला देता फाप्क्यो साबा ओते थोकराङ खिता फाप्क्यो। च्यि सासीन परमेश्वरगी ख्योकोनला थे खोरोङ दोन्दु स्योक सिन कातोङजीन खेराङ चुक ओताने, च्यि खिन ओताने थोकराङ खिन देत। ठाउँ ठाउँला जम्मा ओङकान्ते येशू ख्रीष्ट मि गाङेला ङा दि बातराङ सिओ।
थेमे ख्रीष्टकी थे खोरोङ मि गाङेला डिक च्युत्ला सेमज्यीकराङ खाला काम खित्कान जोला दोक्पोईकी ज्येनज्यीकला लेमु खित्स्यीत सिन थेबाला गोच्येते जति गाङे तेरग्यो। दोक ओङनामेई थेबा खोपरोङ नाङ ङिङज्ये खिन मि जीउ छारगीन ड्वापच्योक खाला ख्रीष्टकी थेबाला जस्तो ज्वा चाला ओतान थोकराङ डुइन डुइओ। दोक ओङाला थेबेकीङ दाक्पोन दाक्पोनगी खिता फाप्च्येते काम खिता फाप्क्यो।
खेराङ सेम मेलेबा ओत्कीन गोमाबा ख्योकोन खेराङला चुक खिता सेम लाङगीका थोकराङ खिन पाप खिन देतेकी परमेश्वर लाईदु स्याप छेतराङ गाला ओतान। ख्योकोन थोक्ते मि ओता ईन्सीनोङ परमेश्वरगी ख्योकोनला ख्रीष्टताङराङ सोम्बो लोगीन थेला बिन्दा च्योक्ते साम्बाते जुनी बिन्सुङ। थेकी ङुरूङगी खाबाते पाप गाङे माफ बिन्दा ओत।
चुक सासीन गान्दातेबाला थेबा च्याङबो खाला देता फाप्क्यो सिन सि। थेबे बानी लेमु ओङा फाप्क्यो थेमे खोपरोङ सेम काबूला ज्य्वाबा फाप्क्यो सिन सि। दोस्यिककामा मेन, थेबेकी खोपरोङगी येशूला विश्वास खिन ङेन्दा ओताते बात मोतोङा खाला ङेन्गीन देता फाप्क्यो, ज्येनला ङिङज्ये खिन देता फाप्क्यो थेमे दुक्पा ओङसीनोङ खपे खिन देता फाप्क्यो सिन सि।
परमेश्वरगी ख्योकोनला दोक लेमु खाबा ओतेकी था ख्योकोनगी थेकी खि साबाते काम खित्च्ये छ्य्वापाकामा स्येत खि। दाक्पोन सेम काबूला स्योक। थेमे येशू ख्रीष्ट ग्युरला ओङे छोमु परमेश्वरगी ख्योकोनला दया खाला पूरो खाला पापदुकी टाल्ला लेमु खिओ साबाते पक्काराङ खिओ सिन खेराङगी आश खाईन देता च्योकराङ ओङगो सिन टोक माज्येत।
च्यि सासीन ज्येनला परमेश्वर बात लोप्कान्तेकी परमेश्वरगी जे साला दुक थेराङ लोप। थेमे ज्येनला ता फाप्कानगीङ परमेश्वरगी ङाला थोक खित्च्येते शक्ति बिन्दाते ईन सिन थे काम खि। दोक खाला जसकी जे खासीनोङ येशू ख्रीष्ट छ्य्वापेकी परमेश्वरते जय जय खित्च्येते काम खि। परमेश्वरते सधैँभरि जय जय ओङस्यीत। थेकी गाङेपा गाङेला राज्य खिनराङ देत्स्यीत। आमेन।
थेमे स्याराते मिओनलाङ ङा च्यि सिते सासीन ख्योकोनगी दाक्पोन भन्दा छ्येकी लाःपा कोताते ङेन। थेमे दि बातचेन ङा ख्योकोन गाङेला सिओ। च्यि सासीन ख्योकोन सुङगीङ ङा ङाराङ ईन सिराच्योक मिक्किता खाला बरू दोक्पोईकी ज्येनज्यीकला मान खि। परमेश्वर बातलाङ “ङा ङाराङ ईन सिराच्योक खित्कान्ते मिला परमेश्वरगी मनराङ परे मिक्किओ। छ्ये मिक्किकान्ते मिलाचेन थेकी दया खिओ,” सिन साबा ओत।
Sanasan