रोमी 12:11 - जिरेल

¹¹ प्रभु येशू ख्रीष्‍टकी खि साबाते काम खिताला नोमुङ अल्‍छी माकेत। ङा दोक माक्‍याबाला तोङराङ मोतोङो सिराच्‍योक खाला थेकी खेराङला खि साबाते काम खिनराङ देत।

रोमी 12:11 Iomraidhean Croise

मत्ती 24:12

थेमे मि काल्‍बेईकी परमेश्‍वरगी खि साबाते ङेन्‍दा ताङला मेलेबाते कामकामा खिन देत्‍ला ज्‍येनला ङिङज्‍ये खिता तोङगो।

मत्ती 25:26

थेकी थोक सिरजीन मालिकतेकी थेला ‘खो चुक मेलेबा मि ओता ईन्‍दाका। खोनी आउदी अल्‍छीज्‍यीकका ओताक्‍वा। ङा ङाराङगी लै माक्‍याबाते बालीनाली रूक्‍कान्‍ते थेमे दोक खाला ज्‍येनगी लै खाबाते बालीनाली ङाराङते ईन सिरकान्‍ते मि ईन सिन खोल्‍ला छ्या ओतानरो?

शक्ति काम 18:25

प्रभु येशू बात ङेन्‍ला थे छ्य्‌वापा लै खित्‍च्‍या सिराते च्‍यि ईन्‍दे सिनोङ थेला लाप्‍कीन बिन्‍दा ओतान। थेमे दि बात गाङेकी छ्या स्‍येबाराङ फाप्‍क्‍यो सिराच्‍योक खाला थेकी ज्‍येनलाङ लोप्‍कीन ओतान। थे बातओन थेकी ठीक ठीक खाला लोप्‍कीन ओतान। ईन्‍सीनोङ यूहन्‍नेकी मिओनला छ्युला लुगीन बप्‍तिस्‍मा बिन्‍दाते बातओन बाई येशू बात गाङेचेन थेला लेमु खाला छ्या मेतान। अपोल्‍लोसकी एफिससदु यहूदीओनते मिटिङ खित्‍च्‍येते खाम्‍बादु

शक्ति काम 20:19

च्‍यि सासीन प्रभु येशूकी ङाला खि साबाते काम ङे छ्ये मिक्‍किता खाईन खाबाप। यहूदीओनगी ङाला सेताप सिन बाजिताङ बाजि ठो खाबेकी दि काम खित्‍जीन ङे पीर खिन दुक्‍पाङ भोगे खिता फाप्‍सुङ।

१ कोरिन्‍थी 7:22

बात चुक ईन्‍दे सासीन सुइँदा मि योक्‍पो योङमु ईन्‍सीनोङ प्रभु परमेश्‍वरगी थेला थे खोरोङ दोन्‍दु स्‍योक सिन काताङनामेकी थोक्‍ते मि योक्‍पो योङमु मेन्‍देकी प्रभु येशू मि ईन। थोकराङ खाला सुइँदा मि योक्‍पो योङमु मेन्‍सीनोङ प्रभु परमेश्‍वरगी थे खोरोङ दोन्‍दु स्‍योक सिन काताङनामेकी थोक्‍ते मिओनचेन ख्रीष्‍टकी योक्‍पो योङमु ईन।

एफिसी 4:28

गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

कलस्‍सी 4:1

थोकराङ खाला मालिकतेबालाङ ङा च्‍यि सिते सासीन स्‍वर्गने ख्‍योकोनतेङ मालिक ओत थेमे खेराङगी खाबाते गाङे कामताङ बातकी हर हिसाब ङीमा लेनज्‍यीक थेला तेरा फाप्‍क्‍यो सिन ठेम्‍बा खि। थोगी खेराङ योक्‍पो योङमुला थेबाङ मिराङ ईन सिरच्‍येते बात टोक मेज्‍येता खाला थेबाला दुक्‍पा मातेर, थेबाला गोच्‍येते जेसुकै दाङच्‍या खाला बिन।

१ तिमोथी 5:13

दोस्‍यिककामा मेन, थेबे मिन गन्‍तीला टिसीन थेबा अल्‍छी ड्वा थुप्‍क्‍यो। थेमे थाराङ मि खाम्‍बा खाम्‍बाला युला ख्‍याम्‍ग्‍यो। थेबा अल्‍छी डोच्‍येतेकामा मेन, मि बात खिन ख्‍याम्‍ग्‍यो। थेमे मि काम ङ्ये ज्‍युत्‍च्‍येतेताङ खोपरोङला चासोराङ मेताते बात खिन ख्‍याम्‍ग्‍यो।

हिब्रू 12:28

थोगी ङुरूङ नोमुङ तोरला मोन्‍डोच्‍येते परमेश्‍वर राज्‍यदु देता ङेत्‍च्‍या ओङा ओतेकी ङुरूङगी परमेश्‍वरला धन्‍यवाद सिरा फाप्‍क्‍यो। दोक खिन थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेकी साबा च्‍योकराङ खाला थेला माने खिता फाप्‍क्‍यो।

याकूब 5:16

दोक ईन्‍देकी ख्‍योकोनगी ङे दि पाप खाबाप, थे पाप खाबाप सिन दाक्‍पोन नाङ दोक्‍पोईकी ज्‍येनज्‍यीकला लोःप। थेमे खेराङ ठाक्‍स्‍यीत सिन दोक्‍पोईकी ज्‍येनज्‍यीक लाईदु प्रार्थना खि। परमेश्‍वरगी खि साबाते ङेन्‍कान्‍ते मिकी प्रार्थना खानामेकी छ्ये छ्ये काम ओङा थुप्‍क्‍यो।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 4:8

थेमे ज्‍येनतोक भन्‍दाङ दोक्‍पोईकी ज्‍येनज्‍यीकला आउदी खाला ङिङज्‍ये खि। दोक खासीनराङ ज्‍येनगी जति मेलेबा खासीनोङ थोक्‍ते मिला माफ तेरा थुप्‍क्‍यो।

छ्या स्‍ये च्‍युताते बात 2:4

दोक ईन्‍सीनोङ ङे ख्‍योकोनला सिरा फाप्‍च्‍येते बातज्‍यीक ओत। च्‍यि सासीन ख्‍योकोनगी ङाला गोमा च्‍योकराङ खाला ङिङज्‍ये मिक्‍किदुक।