रोमी 11:7 - जिरेल

⁷ थोगी इस्राएलीओन बात चुक ईन्‍दे सासीन थेबेकी परमेश्‍वरगी खोपरोङला दोषी मेन सिरस्‍यीत सिन जति दुक्‍पा खासीनोङ थेकी थेबाला दोषी मेन मासासुङ, खालि थे खोरोङगी छाने खाबाते मिओनलाकामा थेकी दोषी मेन सासुङ। इस्राएली ज्‍येनबरीचेन परमेश्‍वर बात सिराते झन छ्याःङ खोबाराङ मुथुप्‍च्‍या गाल्‍सुङ।

रोमी 11:7 Iomraidhean Croise

मर्कूस 6:52

थेकी थोक काल्‍बेई मिला थोक अचम्‍ब खाईन साप बिन्‍सीनोङ थेत्ताङ चुक छ्येज्‍यीक शक्ति ओते सिन चेलातेबेकी छ्याःङ छ्या मास्‍येसुङ। च्‍यिला सासीन थेबेकी खोबा सेम माक्‍यासुङ।

लूका 13:24

थेकी थोक सिरजीन येशूकी थेरू ओतातेबा गाङेला “परमेश्‍वर राज्‍यने स्‍यूक्‍च्‍येते गो टेक्‍टेज्‍यीक ओत। मि काल्‍बेईकी थेने स्‍यूक्‍पा चाल्‍सीनोङ गाङेराङ स्‍यूक्‍पा मुथुबो। थे टेक्‍टेते गोने स्‍यूक्‍पाला च्‍यि खिता फाप्‍च्‍या ईन्‍दाका ख्‍योकोनगी थे छ्य्‌वापाकामा स्‍येत खि।

यूहन्‍ना 12:40

चुक सासीन “प्रभु परमेश्‍वरगी थेबे मिक छ्याःङ मोथोङच्‍या जोला दुक। थेमे थेबे सेमोङ छ्याःङ छ्या मेस्‍येच्‍या जोकीन बिन्‍ला दुक। थोक ईन्‍देकीराङ थेबा परमेश्‍वरगी खाबाते काम थोङसीनोङ छ्याःङ खोबा मुथुप्‍च्‍या गाल्‍ला दुक थेमे परमेश्‍वर बात थोसीनोङ छ्याःङ छ्या मेस्‍येच्‍या गाल्‍ला दुक,” साकीन “थोगीराङ थेबा ङे छ्य्‌वापा लै मिक्‍किदुक। थोक खाबा ईन्‍सीन ङा थेबाला थेबे पापदुकी टाल्‍ला लेमु खित्‍च्‍या ओतान,” सिन प्रभु परमेश्‍वरगी साबाते बादोङ साबा ओतान।

रोमी 10:3

च्‍यिला सासीन मिओनला दोषी मेन सिरच्‍येते काम परमेश्‍वरते ईन सिन माखोकीन थेबेकी परमेश्‍वरगी खोपरोङला थोक्‍ते मि सिओ सिन थेला विश्‍वास माक्‍यासुङ। बरू थेबेकी खोपरोङगी खाबाते काम तालाका परमेश्‍वरगी थेबाला दोषी मेन सिओ सिन परमेश्‍वर नियमला खि साबा साबा ङेन्‍दा चाल्‍सुङ।

रोमी 11:25

थेमे याङराङ आज्‍यो न्‍वावे, परमेश्‍वरगी इस्राएलीओनला चुक चुक खिते सिरच्‍येते बात ख्‍योकोनगी छ्या स्‍येस्‍यीत सिन ङा दि बातज्‍यीक सिरामीन। दि बात ख्‍योकोनगी खेराङ बुद्धि खिये खाला छ्या स्‍येबा मुथुबो। थेकी गोमा सुङलाङ छ्या स्‍ये च्‍युता मेताते बात च्‍यि ईन्‍दे सासीन काल्‍बा च्‍योक इस्राएलीकी परमेश्‍वरगी साबाते पटक्‍क ङेन्‍च्‍ये सेम माक्‍यासीनोङ थेबा तिरीसाक दोकराङ खिन मेदेदो। परमेश्‍वरगी ज्‍येन ज्‍येन जातकी मि नाङदुकी थे खोरोङला विश्‍वास खिओ साबाते मि जति थे खोरोङ छ्य्‌वापा लै खाईन मासिनथुपकामा थेबा दोक खिन देत्‍क्‍यो।

रोमी 11:5

थोगी थेजीन च्‍योकराङ थरिङोलाङ परमेश्‍वर थे खोरोङ दयेकी छाने खाबाते थेला माने खित्‍कान्‍ते इस्राएलीओन टिक्‍पीस्‍यिक ओत्‍कीन ओत।

रोमी 3:9

थेमे था ङुरूङ चुक सिरच्‍ये ओना? च्‍यि ङुरूङ यहूदीओन ज्‍येन ज्‍येन जातकी मि भन्‍दा लेमु मि ईन सिरच्‍या? चुक खाला दोक सिरच्‍येरो? च्‍यिला सासीन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत गाङेराङ मेलेबा कामताङ पाप खित्‍कान्‍ते ईन सिन ङुरूङगी लेमु खाईन छ्या स्‍येसुङ मेन?

रोमी 6:15

परमेश्‍वर नियम अधीनला मेन, परमेश्‍वरगी दया खाबेकी थे अधीनलाका ओतेकी था ङुरूङगी थे नियम मेङेन्‍दा खाला जे खासीनोङ ओङगीतासीन सिनोङ ङुरूङगी सिरा मेङगो। पाप सिराते ङुरूङगी खिताराङ मेङगो।

रोमी 9:18

थोगी परमेश्‍वरगी सु सुला ङिङज्‍ये खिता सेम लाङगीका थेबाला थोकराङ खिओ। थेमे फारोला खाबा च्‍योकराङ सुइँदा मि सेम थे खोरोङगी साबाते मेङेन्‍च्‍या ज्‍वा सेम लासीन थेकी थोगोङ खिओ।

रोमी 9:23

थोकराङ खाईन थे खोरोङगी ङिङज्‍ये खाबाते ज्‍येन मिओनलाचेन थेकी थे खोरोङ चुक छ्ये ईन्‍दे थेमे चुक आशी तेरकान्‍ते ईन्‍दे सिनोङ तेन्‍गीन बिन्‍दा ओत। थेबालाचेन मान बिन्‍ला थे खोरोङगी ज्‍वा चाला च्‍योकराङ लेमु जोइओ सिन थेकी गोमामेकीराङ टुङ्गो खाबा ओतान।

१ कोरिन्‍थी 10:19

ङे दोक सिरजीन ल्‍हाला पूजा खित्‍च्‍येते छ्येते बात ईन, ल्‍हे मूर्तिङ छ्ये ईन सिन साबाते मेन याङ।

२ कोरिन्‍थी 3:14

थेजीन इस्राएलीओन छ्याःङ मोखोच्‍या गाला ओतान। थेबा थोरूमोङ थोकराङ ओतेकी मोशेकी टिबाते परमेश्‍वर नियम पढे खित्‍जीन थेबेकी छ्याःङ मोखोदुक। ख्रीष्‍टकी छ्य्‌वापेईकामा थे बात लेमु खाला खोबा थुप्‍क्‍यो।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

एफिसी 1:4

च्‍यि सासीन थे खोरोङ दोन्‍दु सेम खुदुक गालाते थेमे छ्याःङ गल्‍ती मेताते मि ओङस्‍यीत सिन ख्रीष्‍टकी खित्‍सादु थेकी ङुरूङला दि सा नाम ज्‍वा भन्‍दा गोमाराङ छाने खाबा ओतान। ङुरूङला ङिङज्‍ये खाईन

एफिसी 4:18

खोबा थुप्‍च्‍या ओत्‍सीनोङ परमेश्‍वर सु ईन्‍दे, च्‍यि काम खिते सिरच्‍येते बात छ्याःङ खोबा माचालेकी थेबा छ्याःङ खोबा मुथुप्‍च्‍या गाल्‍सुङ। थेमे परमेश्‍वरगी तेरच्‍येते जुनी थेबेकी मेङेत्‍च्‍या ओङसुङ।

फिलिप्‍पी 1:18

थेबेकी थोक खाबाते बातला ङाला छ्याःङ चासो मेत। जसकी जस्‍तो सेमगी लाप्‍सीनोङ ख्रीष्‍टते गा लाङच्‍येते बात मि काल्‍बेईकी छ्या स्‍येकीन दुक। ङाला चासो लाङच्‍येते बात होदिराङ ईन। थोक ओङा थोङनामेई ङालानी आउदी गाका लाबा ओत। ङा थोरूमोङ गा खिन देत्‍क्‍यो।

हिब्रू 12:17

थोक खाबेकी खित्‍सादु तिरी आबातेकी छ्येते फुज्‍युङतेला तेरच्‍येते आशी थेकी माङेत्‍सुङ। आबातेला आशी नाङ सिन ङुला फिरला खित्‍जीनोङ थेकी गोमा थे खोरोङगी थोक मेलेबा खाबाते बात खुदुक ज्‍वापराङ माथुप्‍सुङ। दि बात ख्‍योकोनला छ्याराङ ओत।

१ पत्रुस 1:2

थे खोरोङगी गोमामेई खिता चाला च्‍योकराङ खाईन आबा परमेश्‍वरगी ख्‍योकोनला थे खोरोङ मि सिन छाने खाबा ओत। ख्‍योकोनगी येशू ख्रीष्‍टकी खि साबा साबा ङेन्‍स्‍यीत सिन परमेश्‍वर आत्‍मेकी ख्‍योकोन सेम खुदुक जोबा ओत। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु ख्‍योकोन पाप माफ ओङा ओत। आबा परमेश्‍वरताङ प्रभु येशू ख्रीष्‍टकी ख्‍योकोनला झन झन दया खाला लेमु खिनराङ देत्‍स्‍यीत।