रोमी 11:23 - जिरेल

²³ लोक्‍ला परमेश्‍वरगी येशू ख्रीष्‍ट छ्य्‌वापेई लेमु खिओ सिरच्‍येते बात इस्राएलीओनगी पत्ते खिताला स्‍यूसीन दुम्‍गीन क्‍युराते हाँगा गोमे ठाउँदुराङ खुलाला जोरे खिता च्‍योकराङ खाला थेकी याङराङ थेबाला थे खोरोङ मि ईन सिओ। परमेश्‍वरताङ छ्येज्‍यीक शक्ति ओतेकी दि काम थेकी सजिलो खाला खिता थुप्‍क्‍यो।

रोमी 11:23 Iomraidhean Croise

मत्ती 23:39

‘थेला प्रभु परमेश्‍वरगीराङ ताङाते दुका, थेते जय जय ओङस्‍यीत,’ सिन मासाथुप ख्‍योकोनगी ङाला था याङराङ थोङाराङ मेङेदो,” सिन सिदुक।

रोमी 11:17

तर परमेश्‍वरगी लेमुते जैतुन दोङबो हाँगे नाङ जैतुन मोगोन्‍च्‍येते हाँगाओनचेन दुम्‍गीन क्‍युरसुङ। थेमे दुम्‍गीन क्‍युराते ठाउँदुचेन छ्याङमे नाङला थाराङ केबाते जैतुन दोङबो हाँगा खुलाकीन जोरे खासुङ। थे खोरोङगी साबाते मेङेन्‍कान्‍ते इस्राएलीओनला ताङगीन थेबे साटोला परमेश्‍वरगी ख्‍योकोन ज्‍येन ज्‍येन जातकी मिला थे खोरोङ मि ईन साबाते ईन सिराला ङे दि दोङबो बात खाबाते ईन। थोक खाईन जोरे खाबाते हाँगाओनगी गोच्‍येते जेसुकै चाप्रेनमेकी ङेता च्‍योकराङ खाईन परमेश्‍वरगी थेबे ज्‍युज्‍यु पुर्खाला बिन्‍दाते आशी ख्‍योकोनलाङ तेरगीन ओत।

रोमी 11:24

छ्याङमे नाङला थाराङ केबाते जैतुन दोङबो हाँगा खुलाकीन लेमुते जैतुन दोङबोताङ जोरे खिताच्‍योक खाईन परमेश्‍वरगी ख्‍योकोन ज्‍येन ज्‍येन जातकी मिला थे खोरोङ मि ईन सिन साबाते ईन। थोक्‍ते हाँगाओनलानी थेकी खुलाकीन लेमुते दोङबोताङ जोरे खासुङ सासीन गोमा दुम्‍गीन क्‍युराते थे दोङबो हाँगाओन याङराङ थेरूराङ खुलाला जोरे खित्‍च्‍येतेनी झन आउदी सोई खित्‍च्‍येते बातराङ ईन।

२ कोरिन्‍थी 3:16

प्रभु ख्रीष्‍ट छ्य्‌वापा लै खानामेकीचेन थेबेकी थे बात लेमु खाला खोबा थुप्‍क्‍यो।

हिब्रू 3:19

परमेश्‍वर बातला नामज्‍योक मासेतेकी थेमे परमेश्‍वरगी खोपरोङला तेरग्‍यो साबाते लुङबा ङेत्‍क्‍यो सिन पत्ते माक्‍याबेकीराङ थेबा थे लुङबादु स्‍यूक्‍पा ङेता मेतान सिन ङुरूङगी लेमु खाला छ्या स्‍येबा थुप्‍कीदुक।