तर परमेश्वरगी लेमुते जैतुन दोङबो हाँगे नाङ जैतुन मोगोन्च्येते हाँगाओनचेन दुम्गीन क्युरसुङ। थेमे दुम्गीन क्युराते ठाउँदुचेन छ्याङमे नाङला थाराङ केबाते जैतुन दोङबो हाँगा खुलाकीन जोरे खासुङ। थे खोरोङगी साबाते मेङेन्कान्ते इस्राएलीओनला ताङगीन थेबे साटोला परमेश्वरगी ख्योकोन ज्येन ज्येन जातकी मिला थे खोरोङ मि ईन साबाते ईन सिराला ङे दि दोङबो बात खाबाते ईन। थोक खाईन जोरे खाबाते हाँगाओनगी गोच्येते जेसुकै चाप्रेनमेकी ङेता च्योकराङ खाईन परमेश्वरगी थेबे ज्युज्यु पुर्खाला बिन्दाते आशी ख्योकोनलाङ तेरगीन ओत।
रोमी 11:16 - जिरेल16 इस्राएलीओन बात खित्जीन दि बातओनोङ विचार खि। च्यि सासीन स्योबेन स्येक्जीन गोमा स्येबाते स्योबेन परमेश्वरला चढे खानामेई थे ज्येन्ताक गाङे थेला चढे खाबा छेतराङ ईन। थोकराङ खाला दोङबो चाप्रेन लेमु ओत्नामेईराङ हाँगाओनोङ लेमु ओङच्येते ईन। Faic an caibideil |
रोमी 11:16
17 Iomraidhean Croise
ईन्दाका ङुरूङोङ थोरूमसाक दुक्पालाराङ देता फापा ओतेकी ङुरूङ सेमलाङ ढुक्क मेत। परमेश्वरगी ङुरूङला थे खोरोङ आत्मा बिन्दा ओतेकी थेकी खिओ साबाते ज्येनोङ था गाङे साबा च्योकराङ खिओ। परमेश्वर आत्मा ङेता ओत्सीनोङ परमेश्वरगी ङुरूङला स्या फाप्सादुकी टाल्ला दि जीउ खुदुक जोला थे खोरोङ धर्म-पुत्र सिन थे खोरोङताङ ज्य्वाच्येते दिन नामराङ लेबोङा सिन ङुरूङ गुकीन देता ओत।
ङे च्यिला दोक साबाते ईन्दे सासीन सुइँदेते ख्योबोते येशूला विश्वास खित्कान मेन्सीनोङ फेम्मेताङ ङ्योम्बुराङ देत्सीन थेलाङ परमेश्वरगी थे खोरोङ मि ईन सिओ। थोकराङ खाला सुइँदेते फेम्मेते येशूला विश्वास खित्कान मेन्सीनोङ ख्योबोताङ ङ्योम्बुराङ देत्सीन थेलाङ परमेश्वरगी थे खोरोङ मि ईन सिओ। थोक ईन्देकीराङ ख्योकोन फिजाओनलाङ परमेश्वरगी थे खोरोङ मि ईन सिओ। थोक मेन्दा ईन्सीन थेकी थेबाला थे खोरोङला माने मिक्किकान्ते मि फिजा च्योकराङ ईन सिरच्या ओतान।
थेबेकी नोमुङ थे जन्तु छ्य्वापा लै खित्च्येते थेमे मेलेबा काम खित्च्येते माक्यासुङ। थेबाचेन कर्नेते फेम्मे फिजा च्योकराङ चङगेते ईन। लुई रीउ जता जता डुइदुक थेबा थे तिङ ङ्याला ख्याम्गीन देत्क्यो। मि नाङदुकी पापकी सजायदुकी टालाते होदिबाचेन परमेश्वरताङ लुई रीउला चढे खाबाते साम्बाते बाली च्योक्ते ईन।
Sanasan