रोमी 11:13 - जिरेल

¹³ था ङा ख्‍योकोन ज्‍येन ज्‍येन जातकी मिला दि बात सिओ। च्‍यि सासीन ङाचेन ज्‍येन ज्‍येन जातकी मिला गा लाङच्‍येते बात लोपाला येशू ख्रीष्‍टकी खटे खाबाते मि ईन। ङाराङला जिम्‍मा बिन्‍दाते काम खिताला ङा आउदी खुशीङ ओत।

रोमी 11:13 Iomraidhean Croise

शक्ति काम 13:2

थेमे बाजिई थेबाबरी बर्त देत्‍ला प्रभु परमेश्‍वरते जय जय खिन प्रार्थना खिन ओतान। थोक खिते बेलाला परमेश्‍वर आत्‍मेकी थेबाला “ङे बारनाबासताङ शावलला कामज्‍यीक खिताला छाने खाबा ओत। थोगी था ख्‍योकोनगी दिबा ङिबोला थे कामराङ खिताला थोङ,” सिन छ्या स्‍ये च्‍युत्‍सुङ।

शक्ति काम 22:21

थोक सिरजीनोङ प्रभु येशूकी ङाला ‘खो दुरू देता मेङगो। ङा खोल्‍ला थारी थारीला ज्‍येन ज्‍येन जातकी मिला परमेश्‍वर बात लोपाला तोङगो,’ सिन सिदुक,” सिन थे खोरोङला गोमा ओङाते बाततेबा लाःप्‍सुङ।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

गलाती 1:16

थे खोरोङ फुज्‍युङ सु ईन्‍दे सिन ठेत च्‍युत्‍कीन बिन्‍सुङ। थे फुज्‍युङ सु ईन्‍दे, चुक्‍ते ईन्‍दे सिरच्‍येते बात ज्‍येन ज्‍येन जातकी मिला लोप सिन परमेश्‍वरगी ङाला थोक खाबा ओतान। थोक ओङनामेई था च्‍यि खित्‍च्‍ये, चुक खित्‍च्‍ये सिन ङे सुङ मित्ताङ सल्‍लाह माला।

गलाती 2:2

परमेश्‍वरगीराङ ङाला थेने ग्‍युक सिन साबेकी ङे थेने गाल्‍गीन येशू ख्रीष्‍ट मिओनगी छ्येते मि ईन साबाते मिओनताङ ठेता खाबाप। थेबाताङकामा ठेत्‍कीन ङाराङगी ज्‍येन ज्‍येन जातकी मिला गा लाङच्‍येते बात लोप्‍जीन चुक चुक सिन लोप्‍कीते सिन ङे थेबाला गाङे साबाप। ङाराङगी लोप्‍कीन ओताते बातला खइँदा बात ठाल्‍दुक सिता ना खइँदा बात मायाङसुङ साला ङाराङगी दुक्‍पा खाईन खाईन खाबाते थेमे खिन ओताते काम थाराङ खेरोला मोन्‍डोस्‍यीत सिनराङ ङे थेबाताङ थोक खाईन बात खाबाप।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

१ तिमोथी 2:7

परमेश्‍वरगी मिओनला थोक खिता छोल्‍ग्‍यो सिराला ङा येशू ख्रीष्‍टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्‍वास खिता फाप्‍कीते थेमे ङेन्‍दा फाप्‍च्‍येते सत्‍यते बात च्‍यि ईन्‍दे सिन ज्‍येन ज्‍येन जातकी मिला लोप्‍कान्‍ते मि ईन।