रोमी 11:12 - जिरेल

¹² थोक खाईन थेबेकी परमेश्‍वरगी साबाते माङेन्‍देकी खित्‍सादु सा लुङबा खाङगी मि गाङेला परमेश्‍वरगी आउदी लेमु खाबाते ईन। थेमे परमेश्‍वरगी खोपरोङला तेरग्‍यो साबाते आशी मोगोओ साबाच्‍योक खाबेकी ज्‍येन ज्‍येन जातकी मिलाका परमेश्‍वरगी आशी बिन्‍दाते ईन। इस्राएलीओनगी थोक खाबेकी खित्‍सादु परमेश्‍वरगी ज्‍येन ज्‍येन जातकी मिला दोक लेमु खासुङ सासीन थेबा गाङेकी परमेश्‍वरगी साबाते ङेन्‍सुङ सासीन परमेश्‍वरगी दि सा लुङबे मि गाङेला आशी बिन्‍ला झन थोई लेमु खाओङा।

रोमी 11:12 Iomraidhean Croise

शक्ति काम 3:21

थे थरिङोला स्‍वर्गने देता ओत। परमेश्‍वर बात खित्‍कान्‍तेबेकी परमेश्‍वरगी तिरी जेसुकै लेमु जोइओ सिन परमेश्‍वरगी सिर च्‍युताते बाततेबा गाङे साबा च्‍योकराङ मायाङथुप थे थेनेराङ देत्‍क्‍यो।

रोमी 11:15

परमेश्‍वरगी थेबाला थे खोरोङ मि ईन सिरा ताङनामेई सा लुङबा खाङगी मिला थे खोरोङताङ डिक्‍पा खिता थुप्‍सुङ सासीन थेकी याङराङ थेबाला थे खोरोङ मि ईन सिरजीन च्‍यि झन छ्येज्‍यीक काम मेङगोतरो? थेकी थेबाला दोक खित्‍जीन थेबा स्‍यिसादुकी सोम्‍बो लोक्‍पा छेतराङ ईन।

रोमी 11:25

थेमे याङराङ आज्‍यो न्‍वावे, परमेश्‍वरगी इस्राएलीओनला चुक चुक खिते सिरच्‍येते बात ख्‍योकोनगी छ्या स्‍येस्‍यीत सिन ङा दि बातज्‍यीक सिरामीन। दि बात ख्‍योकोनगी खेराङ बुद्धि खिये खाला छ्या स्‍येबा मुथुबो। थेकी गोमा सुङलाङ छ्या स्‍ये च्‍युता मेताते बात च्‍यि ईन्‍दे सासीन काल्‍बा च्‍योक इस्राएलीकी परमेश्‍वरगी साबाते पटक्‍क ङेन्‍च्‍ये सेम माक्‍यासीनोङ थेबा तिरीसाक दोकराङ खिन मेदेदो। परमेश्‍वरगी ज्‍येन ज्‍येन जातकी मि नाङदुकी थे खोरोङला विश्‍वास खिओ साबाते मि जति थे खोरोङ छ्य्‌वापा लै खाईन मासिनथुपकामा थेबा दोक खिन देत्‍क्‍यो।

रोमी 11:33

परमेश्‍वरगी खित्‍च्‍येते काम थोई बुद्धि पुरे खाईन खाला दुका। थे च्‍योकराङ जे बादोङ छ्या स्‍येकान्‍ते ज्‍येन सुङ मेत। थेमे थेकी मिओनला सजाय तेरच्‍येतेताङ ङिङज्‍ये खित्‍च्‍येते चुक खाला खित्‍च्‍या ईन्‍दाका सिन खोबा चाल्‍सीनोङ सुङगीङ खोबाराङ मुथुबो।

रोमी 9:23

थोकराङ खाईन थे खोरोङगी ङिङज्‍ये खाबाते ज्‍येन मिओनलाचेन थेकी थे खोरोङ चुक छ्ये ईन्‍दे थेमे चुक आशी तेरकान्‍ते ईन्‍दे सिनोङ तेन्‍गीन बिन्‍दा ओत। थेबालाचेन मान बिन्‍ला थे खोरोङगी ज्‍वा चाला च्‍योकराङ लेमु जोइओ सिन थेकी गोमामेकीराङ टुङ्गो खाबा ओतान।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

कलस्‍सी 1:27

ज्‍येन ज्‍येन जातकी मिला चुक अचम्‍ब खाला आशी बिन्‍ला लेमु खिते सिरच्‍येते बात थे खोरोङ सन्‍तानओनगी छ्या स्‍येबा फाप्‍क्‍यो सिन परमेश्‍वरगी थेबाला छ्या स्‍ये च्‍युत्‍कीन बिन्‍सुङ। परमेश्‍वरगी गोमा छ्या स्‍ये च्‍युता मेताते होथे बात च्‍यि ईन्‍दे सासीन ख्रीष्‍टचेन ख्‍योकोन ज्‍येन ज्‍येन जातकी मि सेमगी नाङ देत्‍क्‍यो। थे थोक खाईन ख्‍योकोन सेमगी नाङ देत्‍नामेई परमेश्‍वरगी तिरी ख्‍योकोनला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिरच्‍येते बात पक्‍काराङ दुका सिन आश खाला गुला देता थुप्‍क्‍यो।