रोमी 11:11 - जिरेल

¹¹ इस्राएलीओन दोक खाईन परमेश्‍वरगी साबाते मेङेन्‍कान गाल्‍सीनोङ था थेबेकी नोमुङ परमेश्‍वर छ्य्‌वापा लै खित्‍च्‍येते मौका माङेत्‍ला पापकी सजाय भोगे खिता फाप्‍क्‍यो सिनचेन ङे साबाते मेन। बरू बात चुक ईन्‍दे सासीन थेबेकी थोक खाईन परमेश्‍वरगी साबाते माङेन्‍देकी खित्‍सादु ज्‍येन ज्‍येन जातकी मिकीका परमेश्‍वरगी खोपरोङला पापकी सजायदुकी डेल्‍ग्‍यो सिरच्‍येते बात छ्या स्‍येच्‍येते मौका ङेत्‍सुङ। थेकी थेबाला दि मौका बिन्‍दा थोङनामेई इस्राएलीओनला स्‍येदाङ लाला थेबा थे खोरोङ छ्य्‌वापा लै खाला आशी ङेत्‍स्‍यीत सिनराङ परमेश्‍वरगी दोक खाबाते ईन।

रोमी 11:11 Iomraidhean Croise

लूका 20:16

च्‍यि थेकी वाला थोक खित्‍कान्‍ते मिओनला सेत्‍ला थे स्‍यीङ ज्‍येनला फेम्‍माला मेतेरोतरो?” सिन सिदुक। थेकी थोक सिरजीन थेरू ओताते मिओनगी “दोकनी मिलामलाङ मेङस्‍यीत,” सिन सिदुक।

शक्ति काम 13:42

दि बाततेबा साकीन सिन्‍नामेकी पावलताङ बारनाबास थे मिटिङ खित्‍च्‍येते खाम्‍बादुकी थेन्‍गीन गाल्‍सुङ। फिनामा थेन्‍ला डोजीन थेरू वाबाते मिओनगी थेबा ङिबोला “ख्‍योकोनगी खाबाते बात था तिरी सन्‍चारीलाङ थोकराङ खाला लाप्‍ला तेराला स्‍योक,” सिन सासुङ।

शक्ति काम 18:6

तर थेरू काल्‍बा च्‍योक्‍ते यहूदीओनगी “खुई लापाते सत्‍यते बात ईनराङ मेन,” सिन थे विरोध खासुङ। थोक खानामेई पावलचेन “लो ख्‍योकोनगी ङे बात माङेन्‍सुङ। था तिरी परमेश्‍वरगी ख्‍योकोनला सजाय बिन्‍सीन थे खेराङ गल्‍तीकी खित्‍सादु ईन। ङेते छ्याःङ गल्‍ती मेत। थाचेन ङा ख्‍योकोनला ताङला ज्‍येन ज्‍येन जातकी मि ओत्‍साला डुइओ,” सिन थे खोरोङ खोलाकला खोबाते थाला समेदोङ टाक टाक खाईन

रोमी 10:19

थे बात थोनामेकीङ च्‍यि थेबेकी थे बात खोबा मेतान ओना? पक्‍काराङ खोबा ओतान। गोमानी परमेश्‍वरगी साबाते बात मोशेकी चुक साला दुका सासीन “थाचेन ङे ज्‍येन ज्‍येन लुङबे मिला ङाराङ मि ईन सिन लेमु खाबा थोङला ख्‍योकोन डारगी स्‍यिइओ। ख्‍योकोनगी छ्याःङ मेस्‍येकान्‍ते साबाते होथोक्‍ते मिओनगी ङाला सु ईन्‍दे, चुक्‍ते ईन्‍दे सिन छ्या स्‍येबा थोङजीन ख्‍योकोनला स्‍येदाङगी मे बारग्‍यो,” सिन साला दुक।

रोमी 11:1

बात दोक दोक ईन्‍सीनोङ परमेश्‍वरगी इस्राएलीओनला नोमुङ थे खोरोङ मि ईन सिरा ताङा मेत। थेकी दोक खितराङ मिक्‍किओ। ङालाराङ ताला विचार खिना। ङाङनी बेन्‍यामीन थरगी इस्राएलीराङ ईन। थेमे ङे ज्‍युज्‍यु अब्राहाम ईन।

रोमी 11:12

थोक खाईन थेबेकी परमेश्‍वरगी साबाते माङेन्‍देकी खित्‍सादु सा लुङबा खाङगी मि गाङेला परमेश्‍वरगी आउदी लेमु खाबाते ईन। थेमे परमेश्‍वरगी खोपरोङला तेरग्‍यो साबाते आशी मोगोओ साबाच्‍योक खाबेकी ज्‍येन ज्‍येन जातकी मिलाका परमेश्‍वरगी आशी बिन्‍दाते ईन। इस्राएलीओनगी थोक खाबेकी खित्‍सादु परमेश्‍वरगी ज्‍येन ज्‍येन जातकी मिला दोक लेमु खासुङ सासीन थेबा गाङेकी परमेश्‍वरगी साबाते ङेन्‍सुङ सासीन परमेश्‍वरगी दि सा लुङबे मि गाङेला आशी बिन्‍ला झन थोई लेमु खाओङा।

रोमी 11:14

च्‍यिला सासीन ङे ज्‍येन ज्‍येन जातकी मि नाङ दि काम खित्‍जीन परमेश्‍वरगी थेबालाका लेमु खाबा थोङला ङेराङ जातकी मिओनला स्‍येदाङ लाङस्‍यीत। थोक ओङला थेबा दोक्‍पोई ङिकीकामा ईन्‍सीनोङ गा लाङच्‍येते बात ङेन्‍ला परमेश्‍वरगी तेरच्‍येते पापकी सजायदुकी थारस्‍यीत सिरच्‍येते ङेते सेम ओत।

रोमी 11:31

दोक खाईन थरिङोला परमेश्‍वरगी ख्‍योकोनला ङिङज्‍ये खिन ओतेकी इस्राएलीओनचेन थेकी साबाते मेङेन्‍दा खाईन देत्‍ला दुक। ईन्‍सीनोङ ख्‍योकोनला खाबा च्‍योकराङ खाला था थेकी थेबालाङ ङिङज्‍ये खिओ।