रोमी 11:1 - जिरेल

¹ बात दोक दोक ईन्‍सीनोङ परमेश्‍वरगी इस्राएलीओनला नोमुङ थे खोरोङ मि ईन सिरा ताङा मेत। थेकी दोक खितराङ मिक्‍किओ। ङालाराङ ताला विचार खिना। ङाङनी बेन्‍यामीन थरगी इस्राएलीराङ ईन। थेमे ङे ज्‍युज्‍यु अब्राहाम ईन।

रोमी 11:1 Iomraidhean Croise

लूका 20:16

च्‍यि थेकी वाला थोक खित्‍कान्‍ते मिओनला सेत्‍ला थे स्‍यीङ ज्‍येनला फेम्‍माला मेतेरोतरो?” सिन सिदुक। थेकी थोक सिरजीन थेरू ओताते मिओनगी “दोकनी मिलामलाङ मेङस्‍यीत,” सिन सिदुक।

शक्ति काम 22:3

थेकी थेबाला “ङाङ यहूदीराङ ईन। ङा सिलिसिये अञ्‍चलते टार्सस सारदु केबाते ईन्‍सीनोङ दुरू यरूशलेमदुराङ हुर्के खाबाते ईन। गमलिएलचेन ङे गुरू ओतान। ङुरूङ ज्‍युज्‍यु पुर्खाला बिन्‍दाते परमेश्‍वर नियम चुक खाला ङेन्‍दा फाप्‍कीते सिन थेकी ङाला गाङे आउदी लेमु खाईन लाप्‍कीन बिन्‍दा ओतान। थेमे थे नियम बातओन ङे गाङे लेमु खाईन ङेन्‍दाप। परमेश्‍वरला माने खिते लाईदु थरिङ ख्‍योकोनगी ङाला दुक्‍पा बिन्‍दा च्‍योकराङ ङेङ ज्‍येनला दुक्‍पा बिन्‍दा ओतान।

शक्ति काम 26:4

च्‍यि सासीन ङा खाम्‍बादु ओत्‍जीन थेमे तिरी यरूशलेमदु देत्‍जीनोङ ङेराङ यहूदी नाङराङ देताते ईन। थोगी ङा चुक्‍ते ईन्‍दे थेमे ङे च्‍यि च्‍यि खाबा ओताने सिन यहूदी गाङेला छ्याराङ ओत।

रोमी 11:11

इस्राएलीओन दोक खाईन परमेश्‍वरगी साबाते मेङेन्‍कान गाल्‍सीनोङ था थेबेकी नोमुङ परमेश्‍वर छ्य्‌वापा लै खित्‍च्‍येते मौका माङेत्‍ला पापकी सजाय भोगे खिता फाप्‍क्‍यो सिनचेन ङे साबाते मेन। बरू बात चुक ईन्‍दे सासीन थेबेकी थोक खाईन परमेश्‍वरगी साबाते माङेन्‍देकी खित्‍सादु ज्‍येन ज्‍येन जातकी मिकीका परमेश्‍वरगी खोपरोङला पापकी सजायदुकी डेल्‍ग्‍यो सिरच्‍येते बात छ्या स्‍येच्‍येते मौका ङेत्‍सुङ। थेकी थेबाला दि मौका बिन्‍दा थोङनामेई इस्राएलीओनला स्‍येदाङ लाला थेबा थे खोरोङ छ्य्‌वापा लै खाला आशी ङेत्‍स्‍यीत सिनराङ परमेश्‍वरगी दोक खाबाते ईन।

रोमी 3:4

थोकनी थेकी खितराङ मिक्‍किओ। ओताते मिबरी गाङेकी खोपरोङगी खिओ साबाच्‍योक मिक्‍किता खाईन ढाँर खासीनोङ परमेश्‍वरगीचेन नोमुङ दोक मिक्‍किओ। थेकी जहिलेङ थे खोरोङगी साबा च्‍योकराङ खिओ। थे खिओ साबा च्‍योकराङ खित्‍कान्‍ते ईन सिन परमेश्‍वर बातलाङ दोक सिन टिबा ओत। चुक सासीन “परमेश्‍वर खोरोङगी खिओ साबाच्‍योक पक्‍काराङ खित्‍कान्‍ते ईन सिन मि गाङेकी लेमु खाला छ्या स्‍येक्‍यो। खुई साबा च्‍योकराङ माक्‍यासुङ सिन सुङगीङ खोल्‍ला दोष लै खिता मुथुबो,” सिन साबा ओत।

२ कोरिन्‍थी 11:22

थेबा हिब्रू ईन खिदुक। ङाङ हिब्रूराङ ईन। थेबेकी खोपरोङ इस्राएली ईन खिदुक। ङाङ इस्राएलीराङ ईन। थेबेकी खोपरोङ अब्राहाम सन्‍तान ईन खिदुक। ङाङ थे सन्‍तानराङ ईन।

फिलिप्‍पी 3:5

परमेश्‍वर नियमला साबा च्‍योकराङ खाईन ङेते केबाते ङीमा गेतकी छोमु जीउला खतकी चिनु जोबाते ईन। ङा इस्राएली नाङ बेन्‍यामीन थरदु केबाते मि ईन। ङे ज्‍युज्‍यु पुर्खा गाङेराङ हिब्रू ईन्‍देकी ङा झर्राते हिब्रू ईन। थोरूम सिइ सासीन ङा फरिसी पाटी मि ओङगीन थे पाटी मिओनगी खिता फापाच्‍योक खाला परमेश्‍वर नियम ङेन्‍दाला ङे आउदी दुक्‍पा खाबाप।