रोमी 10:4 - जिरेल

⁴ तर ख्रीष्‍ट दुरू वाबेकी परमेश्‍वर नियम ङेन्‍ला मि सुङलाङ परमेश्‍वरगी दोषी मेन मिसिरो सिरच्‍येते बात छ्या स्‍येकीदुक। ख्रीष्‍टकी खाबाते कामगी खित्‍सादुकामा परमेश्‍वरगी मिओनला दोषी मेन सिओ। दि बात पत्ते खाला परमेश्‍वरला विश्‍वास खित्‍कान गाङेला थेकी होथोक्‍ते मि ईन सिओ।

रोमी 10:4 Iomraidhean Croise

मत्ती 3:15

थेकी थोक खित्‍जीन येशूकी “मेन, जे ईन्‍सीनोङ खुई ङाला बप्‍तिस्‍मा नाङ। च्‍यिला सासीन परमेश्‍वरगी खि साबातेबरी ङेन्‍दाला ङुरूङगी दोकराङ खाला काम खिता फाप्‍क्‍यो,” सिन सिदुक। थेमे यूहन्‍नेकी थेला छ्युला लुगीन बप्‍तिस्‍मा बिन्‍सुङ।

यूहन्‍ना 1:17

परमेश्‍वरगी थे खोरोङ नियम मिओनला मोशे लाःक्‍तुकी बिन्‍दा ओतान। थे खोरोङ दया खित्‍कान्‍ते थेमे सत्‍यते ईन सिनचेन येशू ख्रीष्‍ट छ्य्‌वापेई तेन्‍गीन बिन्‍सुङ।

रोमी 3:22

थाचेन जोराङ ईन्‍सीनोङ येशू ख्रीष्‍टला विश्‍वास खित्‍कान्‍ते मि गाङेला परमेश्‍वरगी दोषी मेन सिओ। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वर दोन्‍दु गाङे थोजोराङ ईन।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

गलाती 3:24

ख्रीष्‍ट मावाथुप परमेश्‍वर नियमचेन ङुरूङ लाईदु दोक खि, थोक माकेत सिन फिजाओनला कोत्‍कान्‍ते मि च्‍योककामा ओतान। तर ख्रीष्‍ट वाकीन थेला विश्‍वास खानामेईचेन परमेश्‍वरगी ङुरूङला दोषी मेन सिन साबा ओत।

गलाती 4:5

परमेश्‍वर नियम अधीनला देत्‍कान्‍ते तर थेरू खि साबा साबाच्‍योक खिता मुथुप्‍कान्‍ते मिओन था थे नियम अधीनला देता माफाप्‍स्‍यीत सिन परमेश्‍वरगी थे खोरोङ फुज्‍युङला देमा ताङा ओतान। दोक खाईन थेकी ङुरूङला थे खोरोङ धर्म-पुत्र जोकीन थे फुज्‍युङ फुमुकी ङेत्‍च्‍येते जति गाङे ङेत्‍च्‍येते अधिकार बिन्‍सुङ।

कलस्‍सी 2:10

थेमे ख्रीष्‍टकी खित्‍सादुराङ ख्‍योकोनगी परमेश्‍वरगी तेरच्‍येते साम्‍बाते जुनी ङेत्‍कीन खेराङला गोच्‍येते जति गाङे ङेता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे ख्रीष्‍टकी अधीनला ओत। होदिबा गाङे भन्‍दा छ्येतेचेन थेराङ ईन।

कलस्‍सी 2:17

दोक्‍ते साच्‍या थुङच्‍याताङ चाड माने खित्‍च्‍येते बाततेबा गाङे परमेश्‍वरला माने खिताला ख्रीष्‍ट मावाथुप ङेन्‍दा फाप्‍च्‍येते बातकामा ओतान। थोगी दि बाततेबा खालि ख्रीष्‍ट वानामेई चुक चुक खिते सिन थेकी खित्‍च्‍येते कामगी नक्‍कलकामा ओतान। ख्रीष्‍ट वानामेई परमेश्‍वरला चुक खाला माने खिता फाप्‍कीते सिरच्‍येते गाङे बात पूरो ओङा ओत।

हिब्रू 10:14

थेकी थोक खाईन बाजिईकामा थे खोरोङ ज्‍यान बिन्‍गीन स्‍यिइन सेम खुदुक जोबाते मिओनला पूरो खाईन पापदुकी टाल्‍गीन सधैँभरि लाईदु परमेश्‍वर दोन्‍दु ड्वा ङेत्‍कान जोसुङ।