रोमी 10:3 - जिरेल

³ च्‍यिला सासीन मिओनला दोषी मेन सिरच्‍येते काम परमेश्‍वरते ईन सिन माखोकीन थेबेकी परमेश्‍वरगी खोपरोङला थोक्‍ते मि सिओ सिन थेला विश्‍वास माक्‍यासुङ। बरू थेबेकी खोपरोङगी खाबाते काम तालाका परमेश्‍वरगी थेबाला दोषी मेन सिओ सिन परमेश्‍वर नियमला खि साबा साबा ङेन्‍दा चाल्‍सुङ।

रोमी 10:3 Iomraidhean Croise

लूका 10:29

तर थेकी थे खोरोङ लेमु खिता छोल्‍कान ईन सिराच्‍योक खिन “ङे ङिङज्‍ये खिता फाप्‍च्‍येते ज्‍येन मि सु ईन्‍दे ओना?” सिन सासुङ।

लूका 16:15

थेबे बात थोकीन येशूकी थेबाला “ख्‍योकोननी परमेश्‍वरला छ्ये ज्‍वाप्‍ला मेन्‍देकी मि मिकला छारो देक्‍पालाका काम खित्‍च्‍येते खिदुक। ख्‍योकोनगी खिन ओताते काम ताला मिओनगी ख्‍योकोनला लेमु मि ईन सिन मान खिदुक। तर ख्‍योकोनगी च्‍यि सेमगी काम खाबाते ईन्‍दे सिन परमेश्‍वरला गाङे छ्या ओत। मिओनगी लेमु सासीनोङ ख्‍योकोनगी खाबाते कामनी परमेश्‍वरला बान्‍दा मन परे मिक्‍किओ।

रोमी 1:17

च्‍यिला सासीन परमेश्‍वरगी चुक खाला मिओनला दोषी मेन सिते थेमे येशूला विश्‍वास खित्‍कान्‍ते मिलाचेन विश्‍वास खाबेकी खित्‍सादु परमेश्‍वरगी दोषी मेन सिओ सिन गा लाङच्‍येते बातलाराङ साबा ओत। बात दोकराङ ईन सिन परमेश्‍वर बातला “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

रोमी 10:2

ईन्‍दालाचेन थेबा परमेश्‍वरला माने खित्‍च्‍या सिन स्‍याप स्‍याप खाला थेकी खि साबा साबा च्‍योकराङ खिता छोल्‍कान ईन। थेबेकी दोक खासीनोङ परमेश्‍वरला माने खिता फापा च्‍योकराङ खाईन माने खाबातेचेन मेन।

रोमी 10:20

परमेश्‍वरगी साबाते बात खिन यशैयेकीङ ज्‍यीबाराङ मिक्‍किता खाईन “ङा चुक्‍ते ईन्‍दे सिन छ्याराङ स्‍येबा मोछोल्‍कान्‍ते मिओनगी ङाला छ्या स्‍येसुङ। थेमे ङे खोजीराङ मिक्‍किकान्‍ते मिओनला ङे ङाराङ चुक्‍ते परमेश्‍वर ईन्‍दे सिन छ्या स्‍ये च्‍युत्‍कीन बिन्‍दा ओत,” सिन साबा ओत।

रोमी 11:7

थोगी इस्राएलीओन बात चुक ईन्‍दे सासीन थेबेकी परमेश्‍वरगी खोपरोङला दोषी मेन सिरस्‍यीत सिन जति दुक्‍पा खासीनोङ थेकी थेबाला दोषी मेन मासासुङ, खालि थे खोरोङगी छाने खाबाते मिओनलाकामा थेकी दोषी मेन सासुङ। इस्राएली ज्‍येनबरीचेन परमेश्‍वर बात सिराते झन छ्याःङ खोबाराङ मुथुप्‍च्‍या गाल्‍सुङ।

रोमी 3:22

थाचेन जोराङ ईन्‍सीनोङ येशू ख्रीष्‍टला विश्‍वास खित्‍कान्‍ते मि गाङेला परमेश्‍वरगी दोषी मेन सिओ। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वर दोन्‍दु गाङे थोजोराङ ईन।

रोमी 3:26

थोकराङ खाईन थरिङोला येशूला विश्‍वास खित्‍कान्‍ते मिओन पाप माफ बिन्‍ला थेबा दोषी मेन सिरजीनोङ थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

रोमी 5:19

थोक खाईन मिज्‍यीगी परमेश्‍वरगी साबाते माङेन्‍देकी खित्‍सादु मि काल्‍बेई पापी ओङाते ईन। लोक्‍ला ज्‍येनज्‍यीगी थेकी साबाते ङेन्‍देकी खित्‍सादुचेन परमेश्‍वरगी मि काल्‍बेईला दोषी मेन सिरच्‍येते ईन।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।