रोमी 10:18 - जिरेल

¹⁸ बात थोक ईन्‍सीन च्‍यि इस्राएलीओनगी थे बात थोबाराङ मेतान ओना? थोक मेन, पक्‍काराङ थोबा ओतान। परमेश्‍वर बातला चुक साबा ओते सासीन “थेबेकी लापाते बात सा लुङबा खाङ मिकीराङ थोसुङ। थे बात फैले माक्‍याबाते ठाउँ सिराते खापाङ मेत,” सिन साबा ओत।

रोमी 10:18 Iomraidhean Croise

मत्ती 24:14

दि जुग सिन्‍दा गोमा मि गाङेकी छ्या स्‍येस्‍यीत सिन स्‍वर्गे राज्‍य गा लाङच्‍येते बात सा लुङबा खाङ गाङेपा लाप्‍ला तेरग्‍यो। थोक खानामेईचेन दि जुग सिन्‍ग्‍यो।

मत्ती 26:13

ङा ख्‍योकोनला च्‍यि सिते सासीन था दि सा लुङबा खाङ मिओनला गा लाङच्‍येते बात लोप्‍जीन दि फेम्‍मे मिलाङ सम्‍झे खिन दिकी थरिङ खाबाते काम लेमुते काम ईन सिनोङ गाङेपा लोप्‍क्‍यो,” सिन सिदुक।

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

मत्ती 4:8

लोईन थेकी येशूला आउदी थोम्‍बोज्‍यीक बोमदु खेरगीन दि सा लुङबा खाङ ओताते जोदाते टेक्‍टेते लुङबा गाङे थेमे लुङबा लुङबाला ओताते जेसुकै सम्‍पत्तिताङ गेल्‍बो दरवारतेबा गाङे तेन्‍सुङ।

मर्कूस 16:15

थेमे थेकी थेबाला “लो थाचेन सा लुङबा खाङ गाङेपा गाल्‍ला गाङेपे मिला गा लाङच्‍येते बात लोप।

मर्कूस 16:20

थोक खाईन थे स्‍वर्गने गाल्‍नामेकी चेलातेबेकी गाङेपा गाल्‍गीन गा लाङच्‍येते बात मिओनला लोपाला स्‍यूसुङ। थोक खित्‍जीन प्रभु येशूकी थेबाला स्‍येतताङ बुद्धि बिन्‍सुङ। थेमे थेबेकी लापाते बात सत्‍यते ईन सिन मिओनगी छ्या स्‍येस्‍यीत सिन थेकी थेबाला अचम्‍बते कामओन खित च्‍युत्‍सुङ। आमेन।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

शक्ति काम 26:20

थोगी ङे गोमा दमस्‍कसदु थेमे यरूशलेमताङ यहूदिये अञ्‍चल नाङला गाङेपा थेमे ज्‍येन लुङबा लुङबाला गाल्‍गीन ज्‍येन ज्‍येन जातकी मिलाङ ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि सिन लापाप। थोक खित्‍जीन ङे थेबा गाङेला खोपरोङ पक्‍काराङ परमेश्‍वर छ्य्‌वापा लै खाबाते ईन सिन कामगीराङ खाला तेन्‍दा फाप्‍क्‍यो सिन साबाप।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

रोमी 1:8

गोमाचेन ङा येशू ख्रीष्‍ट छ्य्‌वापेकी ख्‍योकोन गाङे लाईदु परमेश्‍वरला धन्‍यवाद सिओ। च्‍यिला सासीन ख्‍योकोन येशूला विश्‍वास खित्‍कान्‍ते मि ईन सिन गाङेपे मिला छ्या दुक।

रोमी 15:19

थेमे छ्ये छ्येताङ अचम्‍बते कामतेबाङ परमेश्‍वर आत्‍मे शक्ति छ्य्‌वापेकीकामा खाबाते ईन। दोक खाला ठाउँ ठाउँला युगीन ङे यरूशलेम सारदुकी इल्‍लिरिकुम सिराते लुङबासाक लेप्‍कीन मिओनला ख्रीष्‍टते गा लाङच्‍येते बात लाप्‍कीन बिन्‍दा ओत।

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।

कलस्‍सी 1:6

ख्‍योकोनला दि बात लाप्‍कीन बिन्‍दा ओत। सा लुङबा खाङराङ दि बात फैले खिन डुइन ओत। थेमे दि बात ङेन्‍गीन झन झन मि काल्‍बेईकी लेमु काम खिन दुक। गा लाङच्‍येते बात थोबा छोमुमेई थेमे परमेश्‍वरगी दया खिओ सिन लेमु खाईन छ्या स्‍येनामेई ज्‍येन ज्‍येनगी च्‍योकराङ खाईन ख्‍योकोनगीङ लेमु काम खिताला स्‍यूबाते ईन।

१ थिस्‍सलोनिकी 1:8

ख्‍योकोनगी खित्‍सादु प्रभु येशू बात थेबे नाङकामा फैले खाबाते मेन, ख्‍योकोन परमेश्‍वर छ्य्‌वापा लै खाईन थेला विश्‍वास खिताला स्‍यूबाते बात मिओनगी गाङेपा छ्या स्‍येला दुक। ख्‍योकोनगी परमेश्‍वरला विश्‍वास खाबाते बात ङ्योकोनगी सुङलाङ सिरा फाप्‍च्‍या मिन्‍दुक।