रोमी 10:15 - जिरेल

¹⁵ लोक्‍ला थे बात लोप्‍कान्‍ते मिलाङनी थोक खि सिन सुइँदेकी तोङा फाप्‍सुङ मेनरो? तर थे बात लोप्‍कान्‍ते मिओन परमेश्‍वरगी ताङगीन सिन्‍दा ओत सिन परमेश्‍वर बातला “गा लाङच्‍येते बात लोप्‍कान्‍ते मि ओङजीन थोई लेमु ईन्‍दाका,” सिन साबा ओत।

रोमी 10:15 Iomraidhean Croise

लूका 10:1

दि तिरी प्रभु येशूकी परमेश्‍वर राज्‍य बात लोपाला ज्‍येन मेरा खाल सुमताङ च्‍युताम्‍बा मि छाने खासुङ। थेमे थेबाला था थे खोरोङ डोच्‍येते गाङे सारताङ युल युलला मेरा ङि ङि खाला गोमा गोमा तोङच्‍या खासुङ।

लूका 2:10

थेमे प्रभु परमेश्‍वर दूतकी थेबाला “ख्‍योकोन ज्‍यीबा माकेत। ङा दुरू ख्‍योकोनला आउदी गा लाङच्‍येते लोनज्‍यीक लाःपाला वाबाते ईन। ख्‍योकोन लाईदुकामा मेन, दि बात मि गाङे लाईदु गा लाङच्‍येते बात ईन।

लूका 2:14

थेमे थे दूतओनगी “स्‍वर्गने देत्‍कान्‍ते परमेश्‍वरते जय जय ओङस्‍यीत। दि सा लुङबे मिओन नाङ थे खोरोङगी दया खाबाते मिओनला था थेकी लेमु खिओ,” सिन परमेश्‍वरते जय जय खासुङ।

लूका 8:1

दोक ओङाते टिक्‍पी तिरी येशू युलगी नाङला सारगी नाङला गाङेपा युगीन परमेश्‍वर राज्‍य गा लाङच्‍येते बात मिओनला लोप्‍कीन ख्‍याम्‍सुङ। थे खोरोङ चेला च्‍युन्‍ङीङ थेत्ताङ ङ्योम्‍बुराङ ओतान।

यूहन्‍ना 20:21

थेमे येशूकी लोईन “लो ख्‍योकोनला लेमु ओङस्‍यीत। आबेकी ङाला देमा ताङा च्‍योकराङ खाला ङाङ ख्‍योकोनला ज्‍येन मि नाङ तोङगो,” सिन सिदुक।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

शक्ति काम 13:26

आज्‍यो न्‍वावे, ख्‍योकोन दुरू अब्राहाम सन्‍तान थेमे परमेश्‍वरला माने खित्‍कान्‍ते ज्‍येन ज्‍येन जातकी मिङ ओत। येशू बात थोरूम चुक सासीन परमेश्‍वरगी ङुरूङला पापकी सजायदुकी डेलाला थेला ताङाते ईन।

शक्ति काम 22:21

थोक सिरजीनोङ प्रभु येशूकी ङाला ‘खो दुरू देता मेङगो। ङा खोल्‍ला थारी थारीला ज्‍येन ज्‍येन जातकी मिला परमेश्‍वर बात लोपाला तोङगो,’ सिन सिदुक,” सिन थे खोरोङला गोमा ओङाते बाततेबा लाःप्‍सुङ।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

रोमी 1:15

दोक ईन्‍देकीराङ थुप थुपला थेपा रोम सारदु ओताते ख्‍योकोन नाङदुङ दि बात लोप ओङाला ङाला आउदी सेम लाबाते ईन।

रोमी 15:20

दोक खित्‍जीन ङा ज्‍येन मिकी ज्‍युबाते कामला स्‍यूक्‍पाच्‍योक खाईन गोमाका ज्‍येनगी थे बात लाप्‍कीन बिन्‍दाते ठाउँला मागाल। बरू ङेचेन येशू ख्रीष्‍ट सु ईन्‍दे सिन नोमुङ थे बात थोबा मेताते ठाउँला गाल्‍ला गा लाङच्‍येते बात लोपा फाप्‍क्‍यो सिन थोक्‍ते ठाउँला थे बात लोप गालाप।

एफिसी 2:17

येशू ख्रीष्‍टकी देमा वाकीन गोमा परमेश्‍वरला छ्या मास्‍येकीन दि सा लुङबादु खेराङला लेमु खित्‍कान्‍ते सुङ मेताच्‍योक खाईन देता ओताते ख्‍योकोन थेमे परमेश्‍वरगी छाने खाबाते ङ्योकोन इस्राएली ङुरूङ गाङेला थोक खाईन डिक्‍पा खाबाते बात छ्या स्‍ये च्‍युत्‍कीन बिन्‍सुङ।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

एफिसी 6:15

थोकराङ खाला ज्‍येनला परमेश्‍वरताङ डिक्‍पा थुप्‍क्‍यो सिरच्‍येते गा लाङच्‍येते बात लोपाला ठीक ओङला देत। दोक खाला देत्‍च्‍येतेचेन काचाप खोन्‍दाते ईन।

१ पत्रुस 1:12

परमेश्‍वरगी खोपरोङला सिर च्‍युताते होदि बातओन थेबा खोपरोङ लाईदु मेन्‍देकी ख्‍योकोन लाईदु ईन सिन परमेश्‍वरगी थेबाला छ्या स्‍ये च्‍युता ओतान। थेबेकी साबाते होथे बाततेबा थरिङोला गा लाङच्‍येते बात लोप्‍कान्‍ते मिओनगी ख्‍योकोनला लाप्‍कीन बिन्‍दा ओत। दि गा लाङच्‍येते बात परमेश्‍वरगी स्‍वर्गनेकी ताङाते परमेश्‍वर आत्‍मे छ्य्‌वापेई थेबेकी ख्‍योकोनला लाप्‍कीन बिन्‍दा ओत। होदि बातओन परमेश्‍वर दूतओनगीङ आउदी खाला छ्या स्‍येबा सेम खिओ।