रोमी 1:8 - जिरेल8 गोमाचेन ङा येशू ख्रीष्ट छ्य्वापेकी ख्योकोन गाङे लाईदु परमेश्वरला धन्यवाद सिओ। च्यिला सासीन ख्योकोन येशूला विश्वास खित्कान्ते मि ईन सिन गाङेपे मिला छ्या दुक। Faic an caibideil |
रोमी 1:8
25 Iomraidhean Croise
ख्योकोनचेन परमेश्वरगी खि साबाते ङेन्कान्ते मि ईन सिन गाङेपे मिओनगी छ्या स्येला दुक। ईन्दाबोङ ख्योकोन थोक्ते मिराङ ईन्देकी ङाला आउदी गा लाबा ओत। दोक ईन्सीनोङ मेलेबाते सिराते ख्योकोनगी छ्याःङ मिक्किस्यीत बरू चुक खिता लेमु ईन्दाका सिन झन लेमु खाला छ्या स्येला थोककामा खित्स्यीत सिरच्येते ङेते आउदी सेम ओत।
थेमे परमेश्वरला ङ्योकोन धन्यवाद तेरग्यो। ख्रीष्टताङ जीउज्यीकराङ ओङा ओतेकी ङेराङ जहाँदु गाल्सीनोङ परमेश्वरगी सधैँ ङ्योकोनला ख्रीष्ट च्योकराङ शत्रुला ग्याल्कान्ते ईन सिन तेन्ला तेरगीदुक। थेमे धूप पारनामेकी थे बास्ना फैले खाबा च्योकराङ खाला ङ्योकोन छ्य्वापेकी ख्रीष्ट सु ईन्दे, थेकी च्यि खिते सिरच्येते बात गाङेपा फैले खित ज्युत्कीदुक।
थेमे ङ्योकोन जहिलेङ दि बातकी लाईदुङ परमेश्वरला धन्यवाद सिओ। च्यि सासीन ङ्योकोनगी परमेश्वर बात लोप्जीन थे बात मिकी जोबाते मेन्दाक्वा, परमेश्वर बातराङ दुका सिन ख्योकोनगी ङेन्सुङ। ईन्दाबोङ थे बातचेन परमेश्वर बातराङ ईन। येशूला विश्वास खित्कान ख्योकोन नाङ परमेश्वरगी होथे बातकी छ्य्वापेईराङ काम खिन ओत।
परमेश्वरगी जुनी बिन्दाते ख्योकोनोङ दो च्योक्तेराङ ईन। दोक्ते दोई छ्य्वापेई परमेश्वरगी थे खोरोङ आत्मा देत्च्येते मन्दिर जोच्येते ईन्देकी ख्योकोनगी थेला मेङगो मिसिरा खाला थोक खित छ्युत। दोक ओङनामेई ख्योकोनगी परमेश्वरला मन परे खित्च्येतेबा चढे खित्कान्ते पूजारी ओङला थेला मन परे खित्च्येते काम खिता थुप्क्यो। दोकचेन ख्योकोनगी येशू ख्रीष्टकी खाबाते कामगी खित्सादु खिता थुप्क्यो।
च्यि सासीन ज्येनला परमेश्वर बात लोप्कान्तेकी परमेश्वरगी जे साला दुक थेराङ लोप। थेमे ज्येनला ता फाप्कानगीङ परमेश्वरगी ङाला थोक खित्च्येते शक्ति बिन्दाते ईन सिन थे काम खि। दोक खाला जसकी जे खासीनोङ येशू ख्रीष्ट छ्य्वापेकी परमेश्वरते जय जय खित्च्येते काम खि। परमेश्वरते सधैँभरि जय जय ओङस्यीत। थेकी गाङेपा गाङेला राज्य खिनराङ देत्स्यीत। आमेन।
Sanasan