रोमी 1:5 - जिरेल

⁵ जात जातकी मि गाङेकी थे खोरोङला विश्‍वास खाला थे खोरोङगी साबाते ङेन्‍स्‍यीत थेमे थे खोरोङ चुक छ्ये ईन्‍दे सिन छ्या स्‍येस्‍यीत सिन थेबाला गा लाङच्‍येते बात लोपाला परमेश्‍वरगीराङ दया खाईन ङ्योकोनला खटे खाबाते ईन।

रोमी 1:5 Iomraidhean Croise

यूहन्‍ना 1:16

परमेश्‍वर फुज्‍युङचेन आउदी दया खित्‍कान्‍ते ईन्‍देकी ङुरूङ गाङेकी आशी ङेता ओत। ङीमाईकामा मेन्‍देकी थेकी ङुरूङला दया खाला आशी तेरगीनराङ देत्‍क्‍यो।

शक्ति काम 15:14

चुक खाईन परमेश्‍वरगीराङ ज्‍येन ज्‍येन जातकी मिलाङ दया खाईन थेबे नाङदुई थे खोरोङ मि जोसुङा सिनका थाल्‍ला भर्खरराङ शिमोनगी ङुरूङला लाःप्‍सुङ।

शक्ति काम 6:7

थोक खाईन गाङे बात मिले खानामेई परमेश्‍वर बात झन गाङेपा फैले खिन गाल्‍गीन येशू चेलाओन यरूशलेमदु झन फेल्‍गीन गाल्‍सुङ। थोक खाला परमेश्‍वर बात ङेन्‍ला येशूला विश्‍वास खित्‍कान्‍तेबे नाङ पूजारीओनोङ काल्‍बेई ओतान।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

रोमी 12:3

परमेश्‍वरगी ङाला दया खाईन थे खोरोङ काम खि साबा ओतेकी ङा ख्‍योकोन गाङेला दि बातओनोङ सिओ। च्‍यि सासीन खेराङगी च्‍यि खिता थुप्‍कीते सिन लेमु खाला विचार मिक्‍किता खाला ख्‍योकोन सुङगीङ ङा जेङ खिता थुप्‍क्‍यो सिराच्‍योक खाला छ्ये माकेत। परमेश्‍वरगी खेराङला च्‍यि खित्‍च्‍येते सीप कि शक्ति बिन्‍ला दुका ङाला परमेश्‍वरगी दोस्‍यिकराङ खि साबाते ईन सिन विश्‍वास खाला ख्‍योकोनगी थेकी खि साबा भन्‍दाङ ल्‍हाक्‍पा खिता थुप्‍क्‍यो सिराच्‍योक माकेत।

रोमी 16:26

थाचेन परमेश्‍वरगी मिओनला छ्या स्‍ये च्‍युत्‍कीन बिन्‍दा ओत। दि गा लाङच्‍येते बातकी विषयलाचेन परमेश्‍वर बात खित्‍कान्‍तेबेकीङ गोमाका टिबा ओतान। सधैँ देत्‍कान्‍ते परमेश्‍वरगी दोकराङ ओङस्‍यीत साकीन जात जातकी मिकी थे खोरोङला विश्‍वास खाला थेकी साबाते ङेन्‍स्‍यीत सिन गाङेपा गा लाङच्‍येते बात लाप्‍कीन बिन्‍दा ओत।

रोमी 3:29

च्‍यिला सासीन परमेश्‍वर यहूदीतेकामा मेन्‍देकी ज्‍येन ज्‍येन जातकी मितेङ ईन।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

१ कोरिन्‍थी 9:2

ज्‍येनगी ङाला येशू ख्रीष्‍टकी खटे खाबाते मि मेन खिदुक्‍लो। ख्‍योकोनगीनी थोक मिसिरो सिन ङाला छ्या ओत। च्‍यिला सासीन ङे ख्‍योकोन नाङ गा लाङच्‍येते बात लाप्‍नामेई ख्‍योकोनगी प्रभु येशूला विश्‍वास खाबेकी ङा येशू ख्रीष्‍टकी खटे खाबाते मि ईन सिरच्‍येते बात लेमु खाला छ्या स्‍येक्‍यो।

एफिसी 1:12

थे खोरोङ आउदी अचम्‍ब खाला काम खित्‍कान्‍ते ईन सिन थेते जय जय खिता थुप्‍स्‍यीत सिन ज्‍येनगी भन्‍दा गोमामेई ख्रीष्‍टला विश्‍वास खित्‍कान्‍ते ङ्योकोनला थेकी होथोक खाईन छाने खासुङ।

एफिसी 1:6

थे खोरोङ ङिङज्‍येते फुज्‍युङ येशू ख्रीष्‍टकी खित्‍सादु थेकी ङुरूङला खितासम्‍म दया खाबा ओत। थे खोरोङ चुक अचम्‍ब खाला दया खित्‍कान्‍ते ईन्‍दे सिन थेते जय जय खिता थुप्‍स्‍यीत सिन थेकी ङुरूङला गोमाका होथोक थोक खाबा ओतान।

हिब्रू 5:9

दोक खाईन परमेश्‍वरगी खि साबाते जति पूरो खाबा ओतेकी थे खोरोङ बात ङेन्‍कान्‍तेबाला थेकी पूरो खाला पापदुकी टाल्‍ला सधैँ स्‍वर्गने देत ज्‍युत्‍क्‍यो।