रोमी 1:32 - जिरेल

³² होथोक्‍ते मेलेबा काम खित्‍कान्‍ते गाङेकी सजाय ङेत्‍ला स्‍या फाप्‍क्‍यो सिन परमेश्‍वर नियमला साबाते बात छ्या ओत्‍कीन ओत्‍कीनोङ मिओनगीचेन खोपरोङकामा मेलेबाते काम खिन देत्‍च्‍येते मेनगी ज्‍येनगी थोक्‍ते काम खाबा थोङजीन थेबेकी चुक लेमु खासुङा सिन गाका खिओ।

रोमी 1:32 Iomraidhean Croise

लूका 11:48

ख्‍योकोनगी दोक खाबातेनी खेराङ ज्‍युज्‍यु पुर्खेकी ठीकराङ खाबा ओतान सिन साबातेका ईन। ख्‍योकोन ज्‍युज्‍यु पुर्खेकी थेबाला सेत्‍सुङ। ख्‍योकोनचेन थेबेकी सेतातेबे थुर्सा जोइदुक।

शक्ति काम 22:20

थेमे खुई बात लोप्‍कान्‍ते स्‍तिफनसला दोईकी ग्‍याप्‍ला सेत्‍जीन ङाङ थोक खित्‍कान्‍तेबाताङ खुशी ओतान। थेला थोक खाला सेत्‍कान्‍ते मिओनते लाक्‍तु खोन्‍दाते खोलाकतेबा ङेराङ स्‍युबाप। गोमा ङे थोक थोक खाबाते दुरू मिओनला गाङे छ्याराङ ओत,’ सिन साबाप।

शक्ति काम 8:1

थेमे थे छोमुमेकीराङ छ्ये छ्ये मिकी यरूशलेमदु जम्‍मा ओङकान्‍ते येशू ख्रीष्‍ट मिओनला आउदी खाईन दुक्‍पा तेराला स्‍यूसुङ। थोगी थेबाबरी यरूशलेमदुकी फ्रोकीन छरपुट्ट गाल्‍गीन यहूदियाताङ सामरिये अञ्‍चल नाङपा गाल्‍गीन देत्‍सुङ। खालि येशू ख्रीष्‍टकी खटे खाबाते मिओनकामा थेरूराङ देत्‍सुङ।

रोमी 1:18

बात चुक सासीन मिओनगी परमेश्‍वरगी माकेत साबाते मेलेबा मेलेबा काम खाईन पाप खाबेकी खित्‍सादु थेकी स्‍येदाङगी चूर गाल्‍गीन स्‍वर्गनेकी थेबाला सजाय तेराला स्‍यूबा ओत। परमेश्‍वरगी सत्‍यते बात छ्या स्‍येबा खाईन बिन्‍दा ओत्‍सीनोङ थे मेङेन्‍दा खाला मिओनचेन पापकामा खिन दुक।

रोमी 1:21

थे सु ईन्‍दे, चुक्‍ते ईन्‍दे सिन छ्या स्‍येकीन स्‍येकीनोङ मिओनगी थेला खोराङ परमेश्‍वर ईन सिन मान माक्‍यासुङ। थेकी चुक लेमु खासुङा सिन धन्‍यवादोङ माबिन्‍सुङ। दोक खाईन थेबेकी थेला छ्याःङ वास्‍ता माक्‍याबेकी थेबा लेम्‍बा गाल्‍गीन थेबे सेमगी नाङ पापताङ लोभकामा ठुङाला स्‍यूसुङ।

रोमी 6:21

थेजीन खेराङगी चुक चुक खाबा ओताने सिन सम्‍झे खाला थरिङोला खेराङराङ ङोचा खिदुक। थोक खाला परमेश्‍वरगी माकेत साबाते काम खित्‍जीन ख्‍योकोनगी च्‍यि ङेता ओताने? थेजीन ख्‍योकोनगी खाबाते कामगी खित्‍सादुचेन ख्‍योकोन पापकी सजाय ङेत्‍ला स्‍या फाप्‍च्‍या ओङा ओतान।

रोमी 6:23

बातचेन दिराङ ईन। च्‍यि सासीन पाप खाबेकी खित्‍सादु मिकी पापकी सजाय ङेत्‍ला स्‍या फाप्‍क्‍यो। ङुरूङ प्रभु येशू ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी दया खाला नोमुङ मिसिन्‍च्‍येते जुनी तेरग्‍यो।

२ थिस्‍सलोनिकी 2:12

थोक खाला सत्‍यते बात माङेन्‍ला खालि परमेश्‍वरगी माकेत साबाते कामकामा खिता सेम खाला थोकराङ खित्‍कान गाङेला परमेश्‍वरगी थेबेकी ङेता फाप्‍च्‍येते सजाय तेरग्‍यो।