रोमी 1:30 - जिरेल30 दोस्यिककामा मेन, मि मोत्च्येते, परमेश्वर विरोध खित्च्येते, मिला हेपे खाला इज्जत बेइज्जत खित्च्येते, छ्ये खित्च्येते, ङा ङाराङ ईन सिन धाक लै खित्च्येते, जहिलेङ मेलेबाकामा खिता छोल्च्येते थेमे आबा आमेकी लाःपा कोता मेङेन्च्येते खिताला स्यूसुङ। Faic an caibideil |
रोमी 1:30
42 Iomraidhean Croise
थेमे दि तिरीमेकीचेन येशूकी चेलातेबाला “था ङा यरूशलेमपा ड्वा फाप्क्यो। थेपा गाल्नामेकी यहूदी छ्ये छ्ये मि, छ्ये छ्ये पूजारीताङ धर्मे गुरूओनगी ङाला आउदी दुक्पा तेरग्यो। थेमे सेदोङ ज्युत्क्यो। तर सेताते ङीमा सुमगी छोमु परमेश्वरगी ङाला सोम्बो लोइओ,” सिन थे खोरोङला च्यि ओङगीते, चुक ओङगीते सिन लाःपाला स्यूसुङ।
गोमा गोमा ओङाते बादोङ ख्योकोनगी ठेम्बा खि। च्यि सासीन गोमा बाजिई थूदास सिरातेकी ङा ङाराङ ईन सिराच्योक खाईन मिओनला थे खोरोङ छ्य्वापा लै खित च्युता ओतान। झन्दै मेन्दा सय स्यीजो मि थेत्ताङ डिगीन ख्याम्बा ओतान। तर तिरी थेला सेत्नामेकी थेत्ताङ ख्याम्कान्ते मिओन जहाँसुकै छरपुट्ट गाल्गीन थाराङ तोरगीन गाला ओतान।
था ङा थेपा ओङजीन ङे साबा ओताच्योक मेन्देकी ख्योकोनगी खुदुकराङ काम खिन ओताते थोङा फाप्कीता सिन ङाला पीर लाबा ओत। थोकराङ खाला ख्योकोनगीङ ङाला खुदुकराङ गालाते च्योक थोङगीता सिनोङ ङाला पीर लाबा ओत। च्यि सासीन थोरूमोङ ख्योकोन थोम्मु जीङगा खिन ओताते, मिला डार खिन ओताते, मित्ताङ स्येदाङ खित्च्येते, ज्येनगी वास्ता मिक्किता खाला दाक्पोन फाइदाकामा ताच्येते, मिला मोत्च्येते, मि पनी खित्च्येते, ङा ङाराङ ईन सिराच्योक खित्च्येते थेमे गाङेराङ डिक्ला थुन्ला काम खिता साटोला आफूराङस्ये खाला ख्याम्गीन ओताते थेप्कीता सिन ङाला सुर्ता लाबा ओत।
परमेश्वर छ्येते शत्रुचेन होथे मिराङ ओङगो। था थेकी वाला चुक खिते सासीन गाङे भन्दा छ्येते थे खोरोङराङ ईन्दाच्योक खाला परमेश्वरला थेमे मिओनगी ल्हा लु सिन माने खिन वाबाते सुङलाङ थेमे छ्याःङलाङ माने खिता मेङगो सिन सिओ। दोस्यिककामा मेन, परमेश्वर मन्दिर नाङ स्यूला थेकी गाङेला थे खोरोङराङ परमेश्वर ईन साला थेरूराङ देत्क्यो।
थेजीन मिओनगी खालि दाक्पोन विचारकामा खिओ, गाङेराङ पैसे लोभलाकामा स्यूइओ। थेबेकी ङा ङाराङ ईन सिन धाक लै खिओ थेमे छ्ये खिओ। थेजीन मिओनगी मेन्दे बातला ज्येनला दोष लै खिओ, आबा आमेकी लाःपा कोताते मेङेनो, खोपरोङला लेमु खित्कानला लेमु खासुङ सिराच्योक मिक्किओ थेमे परमेश्वरला मन परे मिक्किच्येते कामकामा खिओ।
गोमाबा ङुरूङोङ सो साकान पशु च्योकराङ ओतान। ङुरूङगी परमेश्वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्याबाला ओङराङ मेङगो सिराच्योक खाला दाक्पोन सेमला लाबा लाबा खिता ओङच्या मेङच्या कामओन खिन ओतान। ङुरूङ जहिलेङ मेलेबाकामा खिन थेमे ज्येनला डार खिन ओतान। दोक खाला ङुरूङ गाङे नाङ दोक्पोईकी ज्येनज्यीकला मिगी थोङसार्मु खित्च्येतेकामा खिन ओतान।
च्यिला सासीन थेबेकी काम लै खित्च्येते बात सिराते छ्याःङ मोलोबो। खोपरोङ जे बादोङ छ्या स्येकान ईन सिराच्योक खाला आउदी छ्ये छ्ये बात खिओ। दाक्पोन खुशी खिन दि सा लुङबे मिओनगी खित्च्येते च्योक्ते खिता मेङच्या ङोचा लाङच्येते काम खिता ताङगीन भर्खर भर्खर परमेश्वरला विश्वास खिताला स्यूबाते मिओनला दिबेकी होथोक्ते काम खासीन छ्याःङ मेङगो साला लोक्ला गोमा खाबाते होथोक्ते कामराङ खित ज्युत्कीदुक।
ख्योकोन नाङ स्यूबाते होथे मिओन नोमुङ खुशी मेङा खाला दि काम लेमु मायाङसुङ, थे थोक ओङसुङ सिन जुन बातलाङ खालि गनगनकामा खिन देत्क्यो। थेबे सेम मेलेबा ओतेकी खोपरोङला जे खिता सेम लाङगीदुक थेराङ खिओ। थेबेकी खोपरोङ जे बादोङ छ्या स्येकान ईन सिराच्योक खाला बात खिओ। थेमे खोपरोङ फाइदा ताला खो आउदी लेमु मि ईन, दोक दोक खित्कान्ते ईन सिन मिला तेक्ला बात खिओ।
Sanasan