रोमी 1:3 - जिरेल

³ परमेश्‍वरगी छ्या स्‍ये ज्‍युत्‍क्‍यो साबाते दि गा लाङच्‍येते बातचेन थे खोरोङ फुज्‍युङ बातराङ ईन। परमेश्‍वर फुज्‍युङ मि जुनी लाला दुरू ओङजीन गेल्‍बो दाऊद सन्‍तान नाङ केबा ओतान।

रोमी 1:3 Iomraidhean Croise

मत्ती 1:1

येशू ख्रीष्‍टचेन अब्राहाम थेमे दाऊद गेल्‍बो सन्‍तान ईन। थे ज्‍युज्‍यु पुर्खा सु सु ओताने सिन दुरू टिबा ओत। थेबे मिनचेन दिबाराङ ईन।

मत्ती 1:16

थेमे याकूब फुज्‍युङ यूसुफ ओतान। यूसुफकी मरियमताङ फाङमा खाबा ओतान। मरियमचेन येशू आमा ईन। येशूचेन परमेश्‍वरगी दुरू तोङगो साबाते ख्रीष्‍ट ईन।

मत्ती 1:6

यिशै फुज्‍युङ गेल्‍बो दाऊद ओतान। थेमे गेल्‍बो दाऊद फुज्‍युङ सोलोमन ओतान। सोलोमन आमाचेन गोमा उरियाह सिराते मि फेम्‍मे ओतान।

मत्ती 12:23

थोक अचम्‍ब ओङा थोङगीन थेरू ओताते मि गाङे छक्‍क परे खिनकामा “आबिई, ना दिराङ परमेश्‍वरगी तोङगो साबाते दाऊद गेल्‍बो सन्‍तान ईन्‍ताका?” सिन सिराला स्‍यूसुङ।

मत्ती 15:22

थेमे ठाउँज्‍यीक्‍तु चुक ओङसुङा सासीन थेङलाराङ देत्‍कान्‍ते कनानीमाज्‍यीक थे खादु वाकीन ङुइनकामा “ए प्रभु, दाऊद गेल्‍बो सन्‍तान, ङे दुक्‍पा थोङला नाङ। ङे फुमुला ल्‍हन्‍डीक खोबेकी थे ल्‍हन्‍डीककी आउदी दुक्‍पा तेरगीदुक। थेदुकी थे ल्‍हन्‍डीक तेन्‍ला नाङ,” सिन सिदुक।

मत्ती 26:63

थेकी थोक सिरजीनोङ थे खाराक्‍पाराङ देत्‍सुङ। लोईनराङ थेकी “लो खो सोम्‍बोते परमेश्‍वर दोन्‍दु ना क्‍याल्‍ला दि बात सि। च्‍यि खो परमेश्‍वरगी तोङगो साबाते ख्रीष्‍टराङ ईन? थोक ईन्‍सीन खो परमेश्‍वर फुज्‍युङ ईन्‍दासीन, मेन?” सिन ठिसुङ।

मत्ती 27:43

दि परमेश्‍वरगी थे खोरोङला लेमु खाला तेइओ सिरकान्‍ते ईन। थेमे दिचेन दि खोरोङराङ परमेश्‍वर फुज्‍युङ ईन सिन ख्‍याम्‍गीन ओतान। दिकी साबा च्‍योकराङ ईन्‍सीन लोते ओना दिला परमेश्‍वरगी खजो जोए खित्‍च्‍या ईन्‍दाका तेइ,” सिन खिस्‍यी खासुङ।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

मत्ती 9:27

थेमे येशू थे खाम्‍बादुई ख्‍याम्‍सुङ। थेरूकी ख्‍याम्‍नामेई लामला अन्‍ध मेन्‍दा ङिकी “ए प्रभु, दाऊद गेल्‍बो सन्‍तान, ङ्योकोन दुक्‍पा थोङला नाङ,” सिन छेरा खिनकामा थे तिङ ङ्यासुङ।

लूका 1:35

थे दूतकी “था खुई परमेश्‍वर आत्‍मा ङेत्‍ला गाङे भन्‍दा छ्येते परमेश्‍वर शक्तिकी खित्‍सादु फुज्‍यीमा खुरग्‍यो। थोगी खुई केबाते थे फिजाला सेमला पाप सिराते छ्याःङ मेताते थेमे परमेश्‍वर फुज्‍युङ ईन सिन सिओ।

लूका 1:69

ङुरूङला पापताङ दुक्‍पादुकी डेलाला प्रभु परमेश्‍वरगी छ्येज्‍यीक शक्ति ओतातेला ङुरूङ ओत्‍सामा ताङा ओत। थेला थेकी थे खोरोङला माने खित्‍कान्‍ते गेल्‍बो दाऊद सन्‍तान नाङदुईराङ छाने खाबा ओत।

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

यूहन्‍ना 1:34

थोक खाईन ङाराङला गोमाका साबाच्‍योक ओङा थोङेकी परमेश्‍वर फुज्‍युङचेन दिराङ ईन सिन ङा ख्‍योकोनला ठोके खाला सिओ,” सिन सासुङ।

यूहन्‍ना 1:49

थेमे नथानेलगी “गुरू, खोनी परमेश्‍वर फुज्‍युङराङ ईन, खो इस्राएलीओनला राज्‍य खिताला ओङगो साबाते गेल्‍बो ईन,” सिन सिदुक।

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 10:36

ङाला आबेकीराङ छाने खाईन दुरू ताङाते ईन। थोगी ङे ङा परमेश्‍वर फुज्‍युङ ईन सिन सिरजीन परमेश्‍वर विरोध खासुङ सिन ख्‍योकोन चुक खाला सिते?

यूहन्‍ना 20:28

थेमे थोमेकी “प्रभु, खोराङ ङे मालिक ईन, खो ङे परमेश्‍वर ईन,” सिन सिदुक।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

यूहन्‍ना 5:25

दि बात ङेन। च्‍यि सासीन था समयज्‍यीक ओङगो। सिइ सासीन थे समयचेन थरिङोलाराङ ईन। परमेश्‍वर छ्य्‌वापेई ठाल्‍गीन थे लाईदु स्‍याप छेतराङ गालाते मिओनगी था परमेश्‍वर फुज्‍युङ ङोरो थोक्‍यो। थे ङोरो थोला थेकी साबाते ङेन्‍कान्‍ते मिओनगीचेन नोमुङ मिसिन्‍च्‍येते जुनी ङेत्‍क्‍यो।

यूहन्‍ना 7:42

च्‍यि परमेश्‍वर बातला ख्रीष्‍ट दाऊद गेल्‍बो सन्‍तान नाङ केइओ। थेमे थाङबो दाऊद गेल्‍बो केकीन हुर्के खाबाते बेथलेहेम युलदुराङ केइओ सिन साबा मेतरो?” सिन सिदुक।

शक्ति काम 2:30

थेचेन दोक्‍पोई परमेश्‍वर बात खित्‍कान्‍ते मि ओतान। थेमे परमेश्‍वरगी तिरी थे सन्‍तान नाङ दोक्‍पोईला थे राज्‍यदु गेल्‍बो जोइओ सिन ना क्‍याल्‍गीन थेत्ताङ जमान खाबा ओतान।

शक्ति काम 3:13

बात चुक ईन्‍दे सासीन थरिङ दि अचम्‍बते काम खित च्‍युत्‍कीन ङुरूङ ज्‍युज्‍यु पुर्खा अब्राहाम, इसहाकताङ याकूबकी माने खाबाते परमेश्‍वरगी थे खोरोङ काम खित्‍कान्‍ते येशूताङ चुक छ्येज्‍यीक शक्ति ओते सिन छ्या स्‍ये च्‍युत्‍कीन बिन्‍दाते ईन। येशूला सेता फाप्‍क्‍यो सिन ख्‍योकोनगीचेन ज्‍येन जातकी मिओन लाःक्‍तु सोम्‍पे खासुङ। थेमे रोमी गेल्‍बो हाकिम पिलातसकी थेते छ्याःङ गल्‍ती मिन्‍दुक सिन तोङा छोल्‍जीनोङ ख्‍योकोनगी थेला मातोङ, थेलाचेन सेताराङ फाप्‍क्‍यो सिन साकीन

शक्ति काम 8:36

थेबा ङिबो थोक खाला लामला डुइन डुइनला छ्यु ओत्‍सादु ख्‍योल्‍सुङ। थेमे थे मिकी “लो तो, दुरू छ्यु ओताक्‍वा। ङाला छ्युला लुक्‍ला बप्‍तिस्‍मा नाङ, ना दोक खिताला थोरूमोङ ङे खइँदा खिता फाप्‍कीते?” सिन सिरजीन

शक्ति काम 9:20

येशूला विश्‍वास खिताला स्‍यूक्‍पाईताङ शावल थेरू ओताते यहूदीओनते मिटिङ खित्‍च्‍येते खाम्‍बे नाङपा गाल्‍गीन थेरू जम्‍मा ओङाते मिओनला येशू परमेश्‍वर फुज्‍युङराङ ईन सिन लोपाला स्‍यूसुङ।

रोमी 1:9

ङे ख्‍योकोनला थोई सम्‍झे खाला जहिलेङ ख्‍योकोन लाईदु प्रार्थना खिका सिरच्‍येते बात परमेश्‍वरलाराङ छ्या ओत। थे फुज्‍युङते गा लाङच्‍येते बात ङाराङ स्‍येतकी थुपासम्‍म ज्‍येनला लाप्‍ला ङा परमेश्‍वरला माने खिओ।

रोमी 4:1

परमेश्‍वरगी मिओनला दोषी मेन सिरच्‍येते बात खित्‍जीन था ङुरूङ यहूदीओन ज्‍युज्‍यु अब्राहाम बातराङ खिइना। परमेश्‍वरगी थेला चुक खाईन दोषी मेन साबा ओताने?

रोमी 9:5

दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।

१ कोरिन्‍थी 1:9

परमेश्‍वरचेन थे खोरोङगी खिओ साबा च्‍योकराङ खित्‍कान्‍ते ईन। थेकीराङ ख्‍योकोनला थे खोरोङ फुज्‍युङ ङुरूङ प्रभु येशू ख्रीष्‍टताङ ङ्योम्‍बुराङ डिक्‍ला देताला थे खोरोङ दोन्‍दु स्‍योक सिन काताङाते ईन।

१ कोरिन्‍थी 10:18

थेमे इस्राएलीओनला ताला ख्‍योकोनगी बातज्‍यीक विचार खि। परमेश्‍वरला पूजा खाईन थानदु चढे खाबाते स्‍या सोनामेई च्‍यि थेबा परमेश्‍वरताङ डिक्‍पाते मेनरो?

गलाती 4:4

तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।

१ थिस्‍सलोनिकी 1:10

दोस्‍यिककामा मेन, थेबेकीचेन था स्‍वर्गनेकी ग्‍युरला ओङगो साबाते परमेश्‍वर फुज्‍युङ येशूला ख्‍योकोन गुकीनराङ देत्‍ला दुक्‍लो सिरच्‍येते बादोङ खिदुक। थेला परमेश्‍वरगी स्‍यिसादुकी सोम्‍बो लोक्‍पा ओत। मिओनला था तिरी परमेश्‍वरगी स्‍येदाङगी चूर गाल्‍ला तेरच्‍येते सजायदुकी ङुरूङला जोए खित्‍कान्‍ते थेराङ ईन।

१ तिमोथी 2:5

च्‍यिला सासीन परमेश्‍वर दोक्‍पोईकामा ओत थेमे परमेश्‍वरताङ मिओनला डिक्‍पा खाला तेरकान्‍तेङ दोक्‍पोईकामा ओत। थेचेन मि जुनी लाबाते येशू ख्रीष्‍टराङ ईन।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

२ तिमोथी 2:8

थेमे गेल्‍बो दाऊद सन्‍तान नाङ केबाते येशू ख्रीष्‍टला सधैँ सम्‍झे खिन देत। परमेश्‍वरगी थेला स्‍यिसादुकी सोम्‍बो लोक्‍पा ओत। मिओनला ङे लोप्‍कीन ओताते गा लाङच्‍येते बादोङ दिराङ ईन।

१ यूहन्‍ना 1:3

ख्‍योकोनोङ ङ्योकोनताङ ङ्योम्‍बुराङ डिक्‍ला देता थुप्‍स्‍यीत सिनराङ ङेराङगी थोङाते थेमे थोबाते दि बाततेबा ख्‍योकोनलाङ सिओ। ङुरूङचेन आबा परमेश्‍वर थेमे थे फुज्‍युङ येशू ख्रीष्‍टताङ ङ्योम्‍बुराङ डिक्‍ला देत्‍क्‍यो।

१ यूहन्‍ना 3:23

थेकी खि सिन कोतातेचेन थे खोरोङ फुज्‍युङ येशू ख्रीष्‍टला विश्‍वास खित्‍च्‍येते थेमे येशू ख्रीष्‍टकी खि साबाच्‍योक खाला दोक्‍पोईकी ज्‍येनज्‍यीकला ङिङज्‍ये खित्‍च्‍येतेराङ ईन।

१ यूहन्‍ना 3:8

पाप खिनराङ देत्‍कान्‍ते मिचेन शैतानताङ डिक्‍कान्‍ते ईन। शैतानगीनी च्‍याक दि जुग शुरू ओङजीनमेईराङ पापकामा खिन ओत। शैतानगी खित्‍च्‍येते काम गाङे ङ्ये च्‍युत्‍ला खतम ज्‍वाप्‍लाराङ परमेश्‍वर फुज्‍युङ दुरू वाबाते ईन।

१ यूहन्‍ना 4:15

येशूला परमेश्‍वर फुज्‍युङ ईन सिन सिरकान्‍ते मित्ताङ परमेश्‍वर ङ्योम्‍बु देत्‍क्‍यो। थेमे होथोक्‍ते मिचेन परमेश्‍वरताङ डिक्‍ला देत्‍क्‍यो।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।

१ यूहन्‍ना 5:5

दि सा लुङबे मिओनगी खित्‍च्‍येते च्‍योक्‍ते मेलेबा काम छ्याःङ मिक्‍किता खाला देता थुप्‍कान्‍ते सु ईन्‍दे ओना? दोक खाला देता थुप्‍कान्‍ते मिचेन येशू परमेश्‍वर फुज्‍युङ ईन सिन पत्ते खित्‍कान्‍ते मिराङ ईन।

२ यूहन्‍ना 1:7

थेमे सत्‍यते बातताङ मिडिक्‍च्‍येते बात लाप्‍ला ज्‍येनला छक्‍के खित्‍कान्‍ते मिओन दि सा लुङबा खाङ ठाम्‍गीन सिन्‍दा ओत। थेबेकी येशू ख्रीष्‍ट दुरू मि जुनी लाकीन वाबाते मेन सिन सिओ। होथोक्‍ते मिचेन ज्‍येनला छक्‍के खित्‍कान्‍ते थेमे ख्रीष्‍टला विरोध खित्‍कान्‍ते मि ईन।

छ्या स्‍ये च्‍युताते बात 2:18

थिआटीरा सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन मे च्‍येला च्‍योक खाला चम्‍के खित्‍च्‍याज्‍यीक मिकताङ आरनला लुगीन खारे खाबाते पित्तल च्‍योक खाला टल्‍के खित्‍च्‍याज्‍यीक काम्‍बा ओताते परमेश्‍वर फुज्‍युङ ङा सिन ओत।