रोमी 1:23 - जिरेल

²³ थोक ओङगीन थेबेकी चुक खिताला स्‍यूसुङा सासीन सधैँभरि सोन्‍ला देत्‍कान्‍ते छ्येज्‍यीक शक्ति ओताते परमेश्‍वरला माने खिते साटोला पालोई स्‍यिला डोच्‍येते मि, छ्योज्‍युङमा, पशुताङ रूलगी मूर्ति जोकीन ल्‍हा सिन माने खिताला स्‍यूसुङ।

रोमी 1:23 Iomraidhean Croise

शक्ति काम 10:12

थे नाङचेन थरी थरीतेन्‍दे चारखुट्टे पशुताङ री रीदाक, साला ख्‍याम्‍कान्‍ते चापाकताङ रूलतेबा थेमे छ्योज्‍युङमा ओतान।

शक्ति काम 17:29

परमेश्‍वर सखा सन्‍तान ईन्‍सीनोङ ङुरूङगी परमेश्‍वर दोकस्‍यिकराङ ओतासीन सिन विचार खाला सेर चाँदीताङ दोई मूर्तितेबा जोला परमेश्‍वर सिन माने खिता मेङगो।

रोमी 1:25

दोक खाईन परमेश्‍वर सु ईन्‍दे, चुक्‍ते ईन्‍दे सिन सत्‍यते बात छ्या ओत्‍कीन ओत्‍कीनोङ थेबेकीनी ओताते जति गाङे जोकान्‍ते परमेश्‍वरला माने खिता ताङगीन थेकी जोबातेबालाका ल्‍हा सिन माने खिताला स्‍यूसुङ। परमेश्‍वरतेकामा सधैँ जय जय ओङस्‍यीत। आमेन।

१ कोरिन्‍थी 12:2

ख्‍योकोनला दि बात लेमुराङ खाला छ्या ओतासीन। च्‍यि सासीन येशूला विश्‍वास खिता भन्‍दा गोमा ख्‍योकोन ल्‍हा लु माने खिन ओतान। थे ल्‍हा लुओनगी ख्‍योकोनताङ बात खिता थेमे छ्याःङ लेमु खिता मुथुप्‍च्‍येते ईन्‍सीनोङ दिबाला माने माक्‍याबाला मेङगो सिराच्‍योक खाला ख्‍योकोन होथेबालाराङ माने खिन ओतान।

१ पत्रुस 4:3

ईन्‍दालाचेन गोमाबा ख्‍योकोनगीङ परमेश्‍वरला ङो मेस्‍येकान्‍ते मिओनगी च्‍योकराङ खिन तोङासम्‍म समय ताङा ओतान। च्‍यि सासीन थेजीन ख्‍योकोनगी ङोचा लाङच्‍येते कामओन खिन ओतान, दाक्‍पोन खुशी खिन जे खिता सेम लासुङ थेराङ खिन ओतान, जहिलेङ छ्याङ रक्‍सीकी जिलाकामा देत्‍कीन ओतान, ज्‍येनताङ रूला भक्‍कुचूर सोला थुला मोज मज्‍जा खिन ओतान थेमे ल्‍हा लु माने खिन खिता ओङराङ मेङच्‍येते काम खिन ओतान।

छ्या स्‍ये च्‍युताते बात 9:20

दि दुक्‍पादुकीङ थाराते मिओनगी थोरूमोङ थे खेराङगी खिन ओताते काम खिता माताङसुङ। च्‍यि सासीन थेबेकी ल्‍हा ल्‍हन्‍डीक माने खिता माताङसुङ। थोकराङ खाईन थेबेकी सेर, चाँदी, पित्तल, दोताङ स्‍यिङगी मूर्तिला ल्‍हा सिन माने खिताङ माताङसुङ। थे मूर्तिओनगी थोङाङ मुथुबो, थोबाङ मुथुबो थेमे थेबा ख्‍याम्‍बाङ मुथुबो।