रोमी 1:21 - जिरेल

²¹ थे सु ईन्‍दे, चुक्‍ते ईन्‍दे सिन छ्या स्‍येकीन स्‍येकीनोङ मिओनगी थेला खोराङ परमेश्‍वर ईन सिन मान माक्‍यासुङ। थेकी चुक लेमु खासुङा सिन धन्‍यवादोङ माबिन्‍सुङ। दोक खाईन थेबेकी थेला छ्याःङ वास्‍ता माक्‍याबेकी थेबा लेम्‍बा गाल्‍गीन थेबे सेमगी नाङ पापताङ लोभकामा ठुङाला स्‍यूसुङ।

रोमी 1:21 Iomraidhean Croise

यूहन्‍ना 3:19

स्‍वर्गे नाम्‍दाक दि सा लुङबादु वाबा ईन्‍सीनोङ मिओन मेलेबा कामकामा खित्‍कान ईन्‍देकी नाम्‍दाक भन्‍दा थेबेईचेन मुन्‍दाकराङ मन परे खासुङ। थोगीराङ थेबेकी सजाय ङेत्‍च्‍येते ईन।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

रोमी 1:19

परमेश्‍वरगी मिओनला च्‍यिला सजाय तेरगीते सासीन थे खोरोङ सु ईन्‍दे, चुक्‍ते ईन्‍दे सिन थेकी मिओनला छ्या स्‍येबा खाईन बिन्‍दा ओतेकी दि बात मिओनगी लेमु खाला छ्या स्‍येबा थुप्‍क्‍यो।

रोमी 1:28

दोस्‍यिककामा मेन, थेबेकी परमेश्‍वरगी साबाते च्‍यिला ङेन्‍च्‍येरो सिन थेला छ्याःङ वास्‍ता माक्‍याबेकी थेकी थेबाला खोपरोङ सेमला लाबा लाबा खिता मेङच्‍येते कामराङ खित्‍स्‍यीत सिन ताङसुङ।

रोमी 11:10

मिकला छ्यु स्‍यूबाते च्‍योक गाल्‍ला थेबेकी खुई खाबाते काम छ्याःङ मोथोङस्‍यीत। थेमे योक्‍पो योङमु ओङला जुनी खाङराङ दुक्‍पा ङेत्‍कीन देत्‍ला थेबेकी नोमुङ छिबा ठाङ खिता मेङेत्‍स्‍यीत,” सिन साबा ओतान।

रोमी 15:9

थेकी दोक दोक खाबेकी ज्‍येन ज्‍येन जातकी मिकीङ परमेश्‍वरगी खोपरोङला ङिङज्‍ये खित्‍च्‍याक्‍वा सिन छ्या स्‍येकीन थेला छ्ये ज्‍वा थुपाते ईन। दोक ओङगो सिन परमेश्‍वर बातला दोक दोक सिन टिबा ओतान। चुक सासीन “प्रभु परमेश्‍वर, ज्‍येन ज्‍येन जातकी मि ङोन्‍दु ङा खुई खाबाते कामगी लाईदु खोल्‍ला छ्ये जोइओ, खुईते जय जय ओङस्‍यीत सिन लु लिन्‍ग्‍यो,” सिन साबा ओत।

२ तिमोथी 3:2

थेजीन मिओनगी खालि दाक्‍पोन विचारकामा खिओ, गाङेराङ पैसे लोभलाकामा स्‍यूइओ। थेबेकी ङा ङाराङ ईन सिन धाक लै खिओ थेमे छ्ये खिओ। थेजीन मिओनगी मेन्‍दे बातला ज्‍येनला दोष लै खिओ, आबा आमेकी लाःपा कोताते मेङेनो, खोपरोङला लेमु खित्‍कानला लेमु खासुङ सिराच्‍योक मिक्‍किओ थेमे परमेश्‍वरला मन परे मिक्‍किच्‍येते कामकामा खिओ।

१ पत्रुस 1:18

मोल च्‍याल्‍गीनकामा खेराङ ज्‍युज्‍यु पुर्खे पालोमेकी चले खिन वाबाते छ्याःङ काम लै मिक्‍किच्‍येते रीतिथिति छ्य्‌वापेकी खेराङला टालाते ईन सिन ख्‍योकोनला छ्याराङ ओत। थोक खिताला च्‍यालाते मोल सेरताङ चाँदी मेतान। सेर चाँदीनी ङीमाई छ्याःङ काम लै मिक्‍किच्‍या डुइओ।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।

छ्या स्‍ये च्‍युताते बात 14:7

थेमे थे दूतकी कस्‍स्‍ये खाला छेरा खिन “परमेश्‍वरताङ ज्‍यीबा खि। थेला मान खाला छ्ये जो। था थेकी मि गाङेते न्‍याय खित्‍च्‍येते समय ख्‍योल्‍गीन सिन्‍सुङ। दि सा नाम, समुन्‍द्र थेमे छ्युई मोनतेबा गाङे जोकान्‍ते परमेश्‍वरते जय जय ओङस्‍यीत सिन सि,” सिन सिदुक।

छ्या स्‍ये च्‍युताते बात 15:4

प्रभु, खोत्ताङ ज्‍यीबा मिक्‍किकान्‍तेताङ खोल्‍ला छ्ये मोजोकान्‍ते सु ओतेरो? सेमला पाप सिराते छ्याःङ मेताते खोकामा ईन। लुङबा लुङबे मि गाङेकी खुई दोन्‍दु वाला गुर्बु खाला से खिनकामा खोल्‍ला छ्ये जोइओ। च्‍यिला सासीन खुई खाबाते गाङे लेमुते कामतेबा गाङेकी थोङा ओत,” सिन ओतान।