रोमी 1:20 - जिरेल

²⁰ चुक खाला सासीन थेला मिगी माथोङसीनोङ थेकी च्‍याक दि सा नाम जोजीनमेई जोबातेबरी जेसुकै ताला गोमामेईराङ थेत्ताङ चुक छ्येज्‍यीक शक्ति ओता ईन्‍दाका सिन थेमे थे परमेश्‍वरराङ ईन सिन मिओनगी सजिलो खाला छ्या स्‍येबा थुप्‍क्‍यो। थोगी परमेश्‍वर ओता मेता सिन ङाला छ्याःङ छ्या मेतान सिन सुङगीङ सिरा मुथुबो।

रोमी 1:20 Iomraidhean Croise

मत्ती 5:45

थोक खासीन ख्‍योकोनला स्‍वर्गने देत्‍कान्‍ते ख्‍योकोन आबा परमेश्‍वर फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी लेमु काम खित्‍कान्‍ते ईन्‍सीनोङ मेलेबा काम खित्‍कान्‍ते ईन्‍सीनोङ, थेकी साबा साबाच्‍योक खित्‍कान्‍ते ईन्‍सीनोङ थोक मिक्‍किकान्‍ते ईन्‍सीनोङ मि गाङे लाईदु ङीमा स्‍यार च्‍युत्‍ला थेमे छ्यार्बा देक च्‍युत्‍ला गाङेला ङिङज्‍ये खिओ।

मर्कूस 10:6

परमेश्‍वरगी दि सा नाम जेसुकै जोजीनमेईराङचेन दोक्‍ते बात मेतान। मि जोजीनराङ परमेश्‍वरगी ख्‍योओ मिज्‍यीकताङ फेम्‍मे मिज्‍यीक खाईन जोबाते ईन।

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

यूहन्‍ना 15:22

ङा दुरू माबा ईन्‍सीनताङ थेबाला छ्याःङ मालापा ईन्‍सीन थेबेकी पाप खाबाते ईन सिन सिरा ओङच्‍या मेतान। थानी थेबेकी ङ्योकोनगी छ्याःङ पाप खाबा मेत सिन सिराराङ मेङेदो।

शक्ति काम 17:29

परमेश्‍वर सखा सन्‍तान ईन्‍सीनोङ ङुरूङगी परमेश्‍वर दोकस्‍यिकराङ ओतासीन सिन विचार खाला सेर चाँदीताङ दोई मूर्तितेबा जोला परमेश्‍वर सिन माने खिता मेङगो।

शक्ति काम 22:1

थेकी थेबाला “छ्येवे, आज्‍यो न्‍वावे, ङे बात लेमु खाला ङेन। ङा गाङे बात लेमु खाला सिरामीन,” सिन सिदुक।

रोमी 1:19

परमेश्‍वरगी मिओनला च्‍यिला सजाय तेरगीते सासीन थे खोरोङ सु ईन्‍दे, चुक्‍ते ईन्‍दे सिन थेकी मिओनला छ्या स्‍येबा खाईन बिन्‍दा ओतेकी दि बात मिओनगी लेमु खाला छ्या स्‍येबा थुप्‍क्‍यो।

रोमी 16:26

थाचेन परमेश्‍वरगी मिओनला छ्या स्‍ये च्‍युत्‍कीन बिन्‍दा ओत। दि गा लाङच्‍येते बातकी विषयलाचेन परमेश्‍वर बात खित्‍कान्‍तेबेकीङ गोमाका टिबा ओतान। सधैँ देत्‍कान्‍ते परमेश्‍वरगी दोकराङ ओङस्‍यीत साकीन जात जातकी मिकी थे खोरोङला विश्‍वास खाला थेकी साबाते ङेन्‍स्‍यीत सिन गाङेपा गा लाङच्‍येते बात लाप्‍कीन बिन्‍दा ओत।

रोमी 2:1

दि बात थोजीन छ्यि थेबा मेलेबा मि ईन सिरकान्‍तेबा ख्‍योकोन जोराङ ईन्‍सीनोङ ङेनी छ्याःङ मेलेबा खाबा मेत सिन सुङगीङ सिरा मेङेदो। थेबेकी मेलेबा काम खाबेकी सजाय ङेताराङ फाप्‍क्‍यो सिन साबेकी ख्‍योकोनोङ दोषी ईन। च्‍यि ख्‍योकोनोङ होथेबेकी खित्‍च्‍येते च्‍योक्‍ते कामराङ खित्‍कान मेनरो?

रोमी 2:15

दि बात ताजीन परमेश्‍वर नियमचेन थेबा खोपरोङ सेमगी नाङदुराङ ओताच्‍योक थोङगीदुक। चुक खाला सासीन खइँदा लेमुते काम खित्‍जीन थेबा ङे दोक खाबाते ठीक ईन सिन गा खिदुक, खइँदा मेलेबा काम खासीनचेन ङे थोक खिता ओङच्‍या मेतान सिराच्‍योक खिदुक।

१ कोरिन्‍थी 1:20

परमेश्‍वरगी थोक साबेकी च्‍यि था आउदी बुद्धि ओताते मिओन बुद्धि काम लै खित्‍च्‍या ओङसुङ? थेमे च्‍यि काल्‍बेई पढे खित्‍कान्‍तेबेकी था खइँदा खिता थुप्‍च्‍या ओङसुङरो? थोकराङ खाला च्‍यि थरिङोला बात खिताला आउदी सिपालु ओत्‍कान्‍तेबेकीङ था खइँदा खिता थुप्‍क्‍योतरो? दि सा लुङबे मिओनगी आउदी बुद्धिताङ सीप ओताते मि साबाते मिओन बुद्धि परमेश्‍वरगी छ्याःङ काम लै मिक्‍किच्‍या जोबा ओत।

कलस्‍सी 1:15

परमेश्‍वर दोकस्‍यिकराङ दुक सिन मि मिगी थोङा माथुप्‍सीनोङ परमेश्‍वर फुज्‍युङला ताला परमेश्‍वरताङ थेला छ्याःङ फरक मेताक्‍वा सिन लेमु खाला छ्या स्‍येक्‍यो। परमेश्‍वरगी ओताते जति गाङे ज्‍वा भन्‍दा गोमामेई परमेश्‍वर फुज्‍युङ ओत्‍कीन ओतान।

कलस्‍सी 2:9

परमेश्‍वर जस्‍तो ईन ख्रीष्‍टोङ होथोकराङ ईन, मि जुनी लाबा ओत्‍सीनोङ ख्रीष्‍टताङ परमेश्‍वरला छ्याःङ फरक मेत।

१ तिमोथी 1:17

परमेश्‍वर सधैँभरि राज्‍य खिन देत्‍कान्‍ते गेल्‍बो ईन। थे नोमुङ मिस्‍यिओ। थेला मिगी थोङा मुथुबो। थे बाई ज्‍येन परमेश्‍वर ओतराङ मेत। थेला सधैँभरि मान खाला थेते जय जय ओङस्‍यीत सिन सिइ। आमेन।

१ तिमोथी 6:16

थेकामा नोमुङ मिस्‍यिओ। थे सुङ दोन्‍दु ड्वा मुथुप्‍च्‍ये नाम्‍दाकला देत्‍क्‍यो। थेला सुङगीङ थोङा मेत, सुङगीङ थोङाङ मुथुबो। दोक छ्येते परमेश्‍वरला गाङेकी मान खिनराङ देत्‍स्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

हिब्रू 11:27

थे खोरोङला मिश्रे गेल्‍बो लाःक्‍तुकी जोए खिओ सिन परमेश्‍वरला विश्‍वास खाईन थे मिश्रे गेल्‍बोताङ छ्याःङ ज्‍यीबा मिक्‍किता खाईन मिश्रे लुङबादुई थेन्‍गीन ख्‍याम्‍सुङ। मि मिगी थोङा मुथुप्‍च्‍येते परमेश्‍वरला थेकी थे खोरोङ मिगी दोन्‍दुराङ थोङाच्‍योक खाईन थे लुङबादुई थेन्‍गीन ख्‍याम्‍सुङ।

हिब्रू 9:14

थोक खानामेईनी बिटुले खाबाते मि चोके खिओ सासीन ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु था ईन्‍सीन मेलेबाते कामगी सजाय ङेत्‍ला ङा नरककुण्‍डमा स्‍यूक्‍पा माफाबो सिन ख्‍योकोन ढुक्‍क खाला देता थुप्‍क्‍यो। दोक ओङला ख्‍योकोनगी सोम्‍बोते परमेश्‍वरगी खि साबा साबाते खिन थेला माने खिता थुप्‍क्‍यो। च्‍यिला सासीन छ्याःङ गल्‍ती खाबा मेताते ख्रीष्‍ट परमेश्‍वर आत्‍मे शक्ति ङेत्‍कीन परमेश्‍वरला थे खोरोङ ज्‍यानराङ बिन्‍गीन स्‍या ओत।