ख्योकोन था समय मिओननी परमेश्वरला माने खिता ताङगीन मेलेबा मेलेबा काम खित्कान ईन। ख्योकोन नाङ सुइँदेकी ङे मि ईन सिराला ङोचा खिदुक थेमे ङे बात मेङेन्दुक सासीन परमेश्वर ओत्सादुई वाबाते मि ङाङ तिरी ग्युरला ओङजीन थोक्ते मिला ङो मेस्येओ सिन सिओ। थेजीन ङा आबेते छ्येज्यीक शक्ति ङेत्ला नाम्दाककी झिलिमिली गाल्ला थे दूतओनताङ दुरू ग्युरला ओङगो,” सिन सिदुक।
रोमी 1:16 - जिरेल16 गा लाङच्येते बात लोपाला ङाला सुङताङ छ्याःङ ङोचा मालाङदुक। च्यिला सासीन दि बातला परमेश्वरताङ चुक छ्येज्यीक शक्ति ओते सिरच्येते बात ओत। दि बात ङेन्ला येशूला विश्वास खित्कान्ते मिबरी गाङेला परमेश्वरगी पापदुकी डेल्ग्यो। दि पापदुकी डेल्च्येते काम परमेश्वरगी गोमा यहूदीओनला खासीनोङ ज्येन ज्येन जातकी मिलाङ खिओ। Faic an caibideil |
रोमी 1:16
38 Iomraidhean Croise
थे चिनुनी अब्राहामगी तिरीकामा जोबा ओतान। थेकी परमेश्वरला विश्वास खाबेकी परमेश्वरगी थेला दोषी मेन साबाते बात साँचो ईन सिराला थे खतकी चिनुचेन छाप ग्यापा च्योकराङ ओङसुङ। बात दोक ईन्देकी अब्राहामचेन खतकी चिनु माजोबाते तर खोपरोङगी खाबाते पाप परमेश्वरगी माफ खिओ सिन थेला विश्वास खित्कान्ते ज्येन ज्येन जातकी मितेङ ज्युज्यु ओङसुङ। थोगी थे खोरोङला विश्वास खित्कान्ते ज्येन ज्येन जातकी मिलाङ परमेश्वरगी अब्राहामला च्योकराङ खाला दोषी मेन सिओ।
ख्योकोन नाङ काम खित्कान ज्येनगी खोपरोङला गोच्येते ख्योकोनताङ लिन्गीदुक सासीन झन च्यि ङ्योकोनगीनी लिन्दा ङेत्च्येते मेनरो? ङ्योकोनला गोच्येते ख्योकोनगी तेरा फाप्च्येते ईन्सीनोङ ख्रीष्टते गा लाङच्येते बात गाङेकी लेमु खाला ङेन्स्यीत सिन ङ्योकोनगी बरू ङेराङगी दुक्पा खाबाप, ख्योकोन छ्य्वापेई छ्याःङज्यीक खाङज्यीक माला।
थेमे ङ्योकोन जहिलेङ दि बातकी लाईदुङ परमेश्वरला धन्यवाद सिओ। च्यि सासीन ङ्योकोनगी परमेश्वर बात लोप्जीन थे बात मिकी जोबाते मेन्दाक्वा, परमेश्वर बातराङ दुका सिन ख्योकोनगी ङेन्सुङ। ईन्दाबोङ थे बातचेन परमेश्वर बातराङ ईन। येशूला विश्वास खित्कान ख्योकोन नाङ परमेश्वरगी होथे बातकी छ्य्वापेईराङ काम खिन ओत।
दि काम खाबेकीराङ ङाला जेलदु लुक्पेकी दोक खाला दुक्पा भोगे खिन ओत। ईन्सीनोङ दोक खिता फापाते ङाला छ्याःङ ङोचा मेत। च्यिला सासीन ङे सुला विश्वास खाबा ओते थेमे थे चुक्ते ईन्दे सिन ङाला लेमु खाला छ्या ओत। थेमे ङे थे लाःक्तु जे सोम्पे खाला दुक थे खोरोङ दुरू ग्युरला ओङे छोमुसाकराङ थेकी थे लेमु खाला तेइओ सिरच्येते बातला ङाला छ्याःङ शंका मेत।
थोक ईन्देकी ज्येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्याक्पा ओत्सीनोङ खो छ्याःङ ङोचा माकेत। बरू थे गा लाङच्येते बात लोप्जीन खुईङ ङे च्योकराङ खाला दुक्पा भोगे खिता फाप्च्या दुक सासीनोङ थोकराङ खि। थोक खिताला परमेश्वरगीराङ खोल्ला थे खोरोङ शक्ति तेरग्यो।
च्यिला सासीन परमेश्वर बातकी छ्य्वापेई मिओनगी जुनी ङेत्क्यो। दि बातकी छ्य्वापेकी परमेश्वरगी मि नाङ काम खिओ। ठाउँ ङिकारपा धार खाबाते आउदी नोम्बोते तरवारगी मिला रोपे खासीन दोन्नापेई ल्हाकनापासाकराङ फोत तोला थुप्क्यो थेमे रूबाताङ जोर्नीतेबा टाल्ला नाङदु ओताते काङ समेत देन्दा थुप्क्यो। होदोक्ते तरवार भन्दाङ परमेश्वर बातकी छ्य्वापेई परमेश्वरगी खित्च्येते काम खापान खापान छ्ये ईन। दि बातकी छ्य्वापेईराङ सुइँदेकी खाबाते कामताङ बात मिकी दाक्पोनगी खाबाते ईन्दाना परमेश्वर आत्मेकी खित च्युताते ईन्दे सिन डेला थुप्क्यो थेमे सुई च्यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्क्यो।
Sanasan