रोमी 1:14 - जिरेल

¹⁴ ग्रीक ईन्‍स्‍यीत, थेबा छेत काल्‍बा बात छ्या मेस्‍येकान्‍ते मि ईन्‍स्‍यीत, पढे खाबाते मि ईन्‍स्‍यीत, पढे माक्‍याबाते ईन्‍स्‍यीत छ्ये टेक्‍टे गाङेला ङे गा लाङच्‍येते बात लोपाराङ फाप्‍क्‍यो।

रोमी 1:14 Iomraidhean Croise

मत्ती 11:25

थेमे थे बेलालाराङ गाङेकी थोच्‍या खाईन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन स्‍वर्गे राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान।

लूका 10:21

थे बेलालाराङ परमेश्‍वर आत्‍मे छ्य्‌वापेई आउदी गा खिन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन परमेश्‍वर राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान। आबा खोल्‍ला दोक खिताराङ लेमु लासुङ। दोक खाईन खुई खिता चालाते च्‍योकराङ ओङसुङ,” सिन सासुङ।

शक्ति काम 22:21

थोक सिरजीनोङ प्रभु येशूकी ङाला ‘खो दुरू देता मेङगो। ङा खोल्‍ला थारी थारीला ज्‍येन ज्‍येन जातकी मिला परमेश्‍वर बात लोपाला तोङगो,’ सिन सिदुक,” सिन थे खोरोङला गोमा ओङाते बाततेबा लाःप्‍सुङ।

शक्ति काम 28:2

थे बेलाला छ्यार्बा देइन ओतान। थेमे आउदी खेबा ओतान। थेरू मिओनगी मे फुकीन ङ्योकोनला मे दाप्‍ला काताङगीन आउदी लेमु खासुङ।

शक्ति काम 28:4

थेला थोक खाईन रूलगी त्‍वाकीन रूल लाःक्‍तुराङ खाल्‍गीन देता थोङगीन थेरू मिओनगी खोपरोङ नाङ “ला दि मि साँच्‍चीराङ ज्‍यानमारा ईन्‍दा च्‍यिन्‍दा। आनाङका समुन्‍द्रदुई थारगीन वासीनोङ सजायदुकी दि थारच्‍या मायाङसुङ,” सिन बात खासुङ।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

रोमी 1:22

थेबेकी खोपरोङगी जे बादोङ छ्या स्‍येक्‍यो, जेङ खिता थुप्‍क्‍यो सिराला स्‍यूनामेई थेबा झन सो साकान पशु च्‍योकराङ डुइन गाल्‍सुङ।

रोमी 11:25

थेमे याङराङ आज्‍यो न्‍वावे, परमेश्‍वरगी इस्राएलीओनला चुक चुक खिते सिरच्‍येते बात ख्‍योकोनगी छ्या स्‍येस्‍यीत सिन ङा दि बातज्‍यीक सिरामीन। दि बात ख्‍योकोनगी खेराङ बुद्धि खिये खाला छ्या स्‍येबा मुथुबो। थेकी गोमा सुङलाङ छ्या स्‍ये च्‍युता मेताते बात च्‍यि ईन्‍दे सासीन काल्‍बा च्‍योक इस्राएलीकी परमेश्‍वरगी साबाते पटक्‍क ङेन्‍च्‍ये सेम माक्‍यासीनोङ थेबा तिरीसाक दोकराङ खिन मेदेदो। परमेश्‍वरगी ज्‍येन ज्‍येन जातकी मि नाङदुकी थे खोरोङला विश्‍वास खिओ साबाते मि जति थे खोरोङ छ्य्‌वापा लै खाईन मासिनथुपकामा थेबा दोक खिन देत्‍क्‍यो।

रोमी 12:16

थेमे ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। छ्ये मिक्‍किता खाला दिबाङ सु ईन्‍देरो सिराच्‍योक ठाने खाबाते मिओनताङोङ साङ खि। ङा छेतते सुङ मेन सिराच्‍योक माकेत।

रोमी 13:8

खेराङगी ज्‍येला फाप्‍च्‍येते साबा साबे बेलाला गाङे छ्योल। सुङगीतेङ छ्याःङ बाँकी माज्‍यो। थे लाक्‍तुङ ख्‍योकोनगी खिनराङ देता फाप्‍च्‍येते कामज्‍यीक ओत। थेचेन ज्‍येनतेबाला ङिङज्‍ये खित्‍च्‍येते ईन। ज्‍येनतेबाला ङिङज्‍ये खित्‍कान्‍ते मिकीचेन परमेश्‍वरगी बिन्‍दाते नियम गाङे ङेन्‍दाते ईन।

रोमी 16:19

ख्‍योकोनचेन परमेश्‍वरगी खि साबाते ङेन्‍कान्‍ते मि ईन सिन गाङेपे मिओनगी छ्या स्‍येला दुक। ईन्‍दाबोङ ख्‍योकोन थोक्‍ते मिराङ ईन्‍देकी ङाला आउदी गा लाबा ओत। दोक ईन्‍सीनोङ मेलेबाते सिराते ख्‍योकोनगी छ्याःङ मिक्‍किस्‍यीत बरू चुक खिता लेमु ईन्‍दाका सिन झन लेमु खाला छ्या स्‍येला थोककामा खित्‍स्‍यीत सिरच्‍येते ङेते आउदी सेम ओत।

रोमी 8:12

बात दोक ईन्‍देकी आज्‍यो न्‍वावे, ङुरूङगी परमेश्‍वर आत्‍मेकी खित ज्‍युता चाला च्‍योकराङ खिता फाप्‍क्‍यो, गोमाबा च्‍योक दाक्‍पोनला जे खिता सेम लाङगीदुक थेराङ खिन देता मेङगो।

१ कोरिन्‍थी 14:11

सुइँदेकी ङात्ताङ बात खित्‍जीन थेकी खाबाते बात ङे माखोसुङ सासीन थेकी ङात्ताङ बात खिता मुथुबो, ङेङ थेत्ताङ बात खिता मुथुबो।

१ कोरिन्‍थी 14:16

था सिइना, ख्‍योकोनगी परमेश्‍वर आत्‍मेकी खेराङ आत्‍माला कोता ओता च्‍योकराङ खाईन खेराङ आत्‍मेकी परमेश्‍वरते जय जय खासुङ सासीन थे बात खोराङ मोखोकान्‍ते थेरू ओताते ज्‍येनगी चुक खाला खुई साबा च्‍योकराङ ओङस्‍यीत सिन आमेन सिरा थुप्‍कीते?

१ कोरिन्‍थी 2:13

थोगी ङ्योकोनगी लोप्‍च्‍येते बातचेन सुइँदा मिकी ङ्योकोनला लाप्‍कीन बिन्‍दाते बात मेन, परमेश्‍वर आत्‍मेकी लाप्‍कीन बिन्‍दाते बात ईन। दोक खाला ङ्योकोन परमेश्‍वर आत्‍मा ङेता ओताते मिओनला परमेश्‍वर आत्‍मेकी लोप साबाते सत्‍यते बात लोप्‍क्‍यो।

१ कोरिन्‍थी 3:18

ख्‍योकोन सुङगीङ दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम माकेत। च्‍यि सासीन दि सा लुङबे मिकी कोईला आउदी बुद्धि ओताते मि ईन सिओ। ख्‍योकोन नाङ सुइँदाला खेराङ होथेबेकी साबा च्‍योक्‍ते मि ईन सिराच्‍योक लाङगीदुक सासीन बरू ख्‍योकोनगी ङानी छ्याःङ मेस्‍येकान्‍ते मि ईन सिराच्‍योक खि। दोक खाला छ्ये मिक्‍किकान्‍ते मिराङ बुद्धि ओताते मि ईन।

२ कोरिन्‍थी 10:12

थेमे ङ्योकोननी ङ्योकोन दोक्‍ते ईन, ङ्योकोनगी दोक खाबाप थोक खाबाप सिन सिरकान्‍ते मिओन छेत मेन। थोक छ्ये मिओनताङ ङ्योकोन चुक खाला दाँजे खिता थुप्‍कीतेरो। थेबेकीनी ङा दोक खिओ, थोक खिओ सिन साला खोपरोङगी खिओ साबा छेत खाला ङे फलानेकी भन्‍दा लेमु खाबाप सिन दाक्‍पोनला ज्‍येनताङ दाँजे खाला लेम्‍बे काम खिदुक।

२ कोरिन्‍थी 11:19

ख्‍योकोन आउदी बुद्धि ओताते मि ईन। थोगी ङा दोक्‍ते ईन, ङे दोक खिता थुप्‍क्‍यो सिन छ्ये खित्‍कान्‍ते मि ख्‍योकोनला लेमु लाङगो मेन?

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।

२ तिमोथी 2:10

दोक ईन्‍देकी परमेश्‍वरगी थे खोरोङ मि सिन छाने खाबाते मिओनला लेमु ओङस्‍यीत सिनराङ ङा जस्‍तो दुक्‍पाङ भोगे खिओ। येशू ख्रीष्‍टकी थेबालाङ पूरो खाला पापदुकी डेल्‍स्‍यीत थेमे सधैँ परमेश्‍वरताङ स्‍वर्गने देता ङेत्‍स्‍यीत सिनराङ ङा दोक खिओ।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।