रोमी 1:1 - जिरेल1 दि चिट्ठी येशू ख्रीष्ट काम खित्कान्ते ङा पावल टिगीन ओत। ङा येशू ख्रीष्टकी खटे खाबाते मि ईन। मिओनला थे खोरोङ गा लाङच्येते बात लोपाला ङाला परमेश्वरगी छाने खाबाते ईन। Faic an caibideil |
रोमी 1:1
73 Iomraidhean Croise
गा लाङच्येते बात लोपाला ङाला सुङताङ छ्याःङ ङोचा मालाङदुक। च्यिला सासीन दि बातला परमेश्वरताङ चुक छ्येज्यीक शक्ति ओते सिरच्येते बात ओत। दि बात ङेन्ला येशूला विश्वास खित्कान्ते मिबरी गाङेला परमेश्वरगी पापदुकी डेल्ग्यो। दि पापदुकी डेल्च्येते काम परमेश्वरगी गोमा यहूदीओनला खासीनोङ ज्येन ज्येन जातकी मिलाङ खिओ।
ज्येन ज्येन जातकी मि नाङ काम खिताला थेकीराङ ङाला येशू ख्रीष्ट काम खित्कान्ते मि सिन खटे खाबाते ईन। थोगी ङा ज्येन ज्येन जातकी मिला परमेश्वर गा लाङच्येते बात लोप्क्यो। परमेश्वर आत्मेकी थेबे सेम खुदुक जोला थेबा परमेश्वरला चढे खाबाते थेला मन परे खित्च्येते भोग च्योकराङ ओङस्यीत सिन ङा दोक खाला लोप्च्येते काम खिओ।
थेमे परमेश्वरगीराङ ख्योकोनला शक्ति तेरच्येते ईन्देकी ख्योकोनगी येशू ख्रीष्टला विश्वास खिन देता थुप्क्यो। परमेश्वरगी खित्सादु दोक खिन देता थुप्क्यो सिन येशू ख्रीष्ट सु ईन्दे, चुक्ते ईन्दे सिन ङे लोप्कीन ओताते गा लाङच्येते बातला साबा ओत। दि जुग शुरू ओङा भन्दा गोमामेईराङ परमेश्वरगी सुङलाङ छ्या स्ये च्युता मेताते दि गा लाङच्येते बात
ङे छ्याःङ बुद्धि मेताते लेम्बाते मिकी च्योक खाईन ङा दोक्ते मि ईन, ङे दोक खिता थुप्क्यो सिन छ्ये खिन बात खाबाप। ङाला दोक खित ज्युत्कान्ते ख्योकोनराङ ईन। ख्योकोनगीका थे दोक्ते मि ईन, थेकी दोक दोक खिओ सिन ङे बात खिता फाप्च्येते ईन। ईन्दाका ङाला छ्ये ज्वा फाप्च्येते ङा सुङ मेन। ईन्सीनोङ खेराङगी येशू ख्रीष्टकी खटे खाबाते मि नाङ खापान खापान छ्ये ईन सिराच्योक ठाने खाबाते मिओन भन्दा ङा छ्याःङ कुरोलाङ कम्ती मेत।
थेमे सत्यते बात थोनामेई ख्योकोनोङ ख्रीष्टताङ जीउज्यीकराङ ओङसुङ। पापकी सजायदुकी थारच्येते होथे गा लाङच्येते बात ङेन्गीन ख्रीष्टला विश्वास खानामेकी गोमा थे खोरोङगी ख्रीष्टकी छ्य्वापेकी तेरग्यो साबाते परमेश्वर आत्मा परमेश्वरगी ख्योकोनलाङ बिन्सुङ। दोक खाईन थेकी थे खोरोङ आत्मा बिन्दातेचेन ख्योकोनोङ थे खोरोङ मिराङ ईन सिराला छाप ग्यापाते च्योकराङ ओङसुङ।
थेकीराङ मिओनला खुदुक खुदुकते काम खित्च्येते सीपताङ शक्ति बिन्गीन कोईला थे खोरोङगी खटे खाबाते मि थेमे कोईला परमेश्वर बात खित्कान्ते मि जोसुङ। थोकराङ खाईन कोईला ठाउँ ठाउँला गाल्ला गा लाङच्येते बात लोप्कान्ते मि थेमे कोईला परमेश्वर सन्तानओनला ताकान्ते थेमे परमेश्वर बात लोप्कान्ते मि जोसुङ।
दि चिट्ठी टिक्कान्ते ङा पावल थेमे तिमोथी ईन। ङ्योकोन येशू ख्रीष्ट काम खित्कान्ते मि ईन। ङ्योकोन दि चिट्ठी फिलिप्पी सारदु ओताते परमेश्वर सन्तानओनला ताकान्तेबे नाङ छ्येते मिओन थेमे थेबाला थोक खिताला मद्धत तेरकान्ते मिओनला टिगीन ओत। थेबालाकामा मेन्देकी दि चिट्ठी येशू ख्रीष्टताङ जीउज्यीकराङ ओङाते परमेश्वर सन्तान ख्योकोन गाङेला टिगीन ओत।
च्यि सासीन ख्योकोन ओत्सापा ओङा भन्दा गोमा फिलिप्पी सारदु परमेश्वरते गा लाङच्येते बात लोप्जीन थेरू मिओनगी ङ्योकोनला दुकीन इज्जत बेइज्जत खाबाते बात ख्योकोनगी छ्या मास्येबाते मेन। थेरू थोक खाईन दुक्पा बिन्सीनोङ परमेश्वरगी ङ्योकोनला आँट बिन्देकी ङ्योकोनगी ख्योकोन ओत्सादु वाकीन थेरूङ थे बातराङ लापाप। थेरूङ मिओनगी आउदी दुक्पा बिन्सीनोङ ङ्योकोनगी छ्याःङ ज्यीबा मिक्किता खाईन ख्योकोनला थे बात लापा ओतान।
परमेश्वरगी मिओनला थोक खिता छोल्ग्यो सिराला ङा येशू ख्रीष्टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्वास खिता फाप्कीते थेमे ङेन्दा फाप्च्येते सत्यते बात च्यि ईन्दे सिन ज्येन ज्येन जातकी मिला लोप्कान्ते मि ईन।
दि चिट्ठी टिक्कान्ते ङा पावल ईन। ङा परमेश्वर काम खित्कान्ते मि ईन। थेमे ङा येशू ख्रीष्टकी खटे खाबाते मिङ ईन। परमेश्वरगी थे खोरोङ मि सिन छाने खाबाते मिओनगी झन लेमु खाला थेला विश्वास खिता थुप्स्यीत थेमे सत्यते बात लेमु खाला छ्या स्येला झन थेला लेमु खाला माने खिता थुप्स्यीत सिन थेबाला लाप्ला कोत्ला तेरच्येते जिम्मा ङाला बिन्दा ओत।
दि चिट्ठी टिक्कान्ते ङा शिमोन पत्रुस ईन। ङा येशू ख्रीष्ट काम खित्कान्ते थेकी खटे खाबाते मि ईन। ङा दि चिट्ठी जे खित्जीनोङ ठीक खाला खित्कान्ते ङुरूङला पापदुकी डेल्कान्ते येशू ख्रीष्टकी खित्सादु ङेराङ च्योकराङ पक्का खाला थेला विश्वास खिता ङेताते मिओनला टिगीन ओत। येशू ख्रीष्टराङ ङुरूङ परमेश्वर ईन।
दि किताबला ओताते बातओनचेन परमेश्वरगी येशू ख्रीष्टला तेन्गीन बिन्दाते बात ईन। था होत्ता ओङगीन ओताते दि बातओन थे खोरोङ काम खित्कान्ते मिओनला छ्या स्ये ज्युताला परमेश्वरगी येशू ख्रीष्टला तेन्गीन बिन्दा ओतान। थेमे दि बातओन लाःपाला येशू ख्रीष्टकी थे खोरोङ दूतज्यीकला थे खोरोङ काम खित्कान्ते यूहन्ना ओत्सादु ताङा ओतान।
थेमे याङराङ थे दूतकी ङाला “थाल्लासाक खुई थोङातेताङ थोबाते दि गाङे बात साबाते भन्दा नोमुङ खुदुक मोन्डोच्येते साबा च्योकराङ ओङच्येते बात ईन। था होत्ता ओङगीन ओताते दि बातओन थे खोरोङ काम खित्कान्ते मिओनला छ्या स्ये ज्युताला प्रभु परमेश्वरगी थे खोरोङ दूत ताङा ओतान। परमेश्वर बात खित्कान्ते मिओनला थोक खिताला थे खोरोङ आत्मा तेरकान्ते प्रभु परमेश्वरराङ ईन,” सिन सिदुक।
Sanasan