च्यिला सासीन यूहन्नेकीचेन परमेश्वरगी खि साबाच्योक खित्च्या सिराते च्यि ईन्दे सिन ख्योकोनला लापा ओतान। ईन्सीनोङ ख्योकोनगी थे बातला नामज्योकराङ मासेत्सुङ। तर कर लिन्कान्ते मिओन थेमे रन्डीओनगीचेन थे बात ङेन्सुङ। थेबेकी थोक खाबाते छ्या स्येनामेकीङ ख्योकोनगी खेराङ पापी दुका सिन छ्या स्येला परमेश्वर छ्य्वापा लै खित्च्येते माक्यासुङ, यूहन्ने बात मेङेन्दाराङ खाईन देत्सुङ।
छ्या स्ये च्युताते बात 9:20 - जिरेल20 दि दुक्पादुकीङ थाराते मिओनगी थोरूमोङ थे खेराङगी खिन ओताते काम खिता माताङसुङ। च्यि सासीन थेबेकी ल्हा ल्हन्डीक माने खिता माताङसुङ। थोकराङ खाईन थेबेकी सेर, चाँदी, पित्तल, दोताङ स्यिङगी मूर्तिला ल्हा सिन माने खिताङ माताङसुङ। थे मूर्तिओनगी थोङाङ मुथुबो, थोबाङ मुथुबो थेमे थेबा ख्याम्बाङ मुथुबो। Faic an caibideil |
छ्या स्ये च्युताते बात 9:20
43 Iomraidhean Croise
दि पालो ङा थेपा ओङजीन ख्योकोन थोरूमोङ होदोक दोकराङ खिन ओता थेप्सीन ङे माने खिन ओताते परमेश्वरगी ख्योकोनगी खित्सादु ङाला ङोचा लोङगीता सिन ज्यीबा लाबा ओत। दोस्यिककामा मेन, ख्योकोन नाङ गोमाबा रन्डीबाजी थेमे होदि च्योक्ते खिता मेङच्येते ज्येनोङ ङोचा लाङच्येते काम खित्कान्ते मिओनगी खोपरोङगी थोक खाबाते लेमु मेन्दाक्वा सिन थोक खिता ताङा मेत्सीन थोक्ते मिओन लाईदु ङे ङुइनकामा पीर खिता फाप्क्यो।
थेमे याङराङ ङे स्वर्गने ज्येनज्यीक छ्येज्यीक थेमे अचम्बज्यीक च्यि थोङसुङा सासीन गाङेकी आउदी मेलेबा मेलेबा रोगताङ अनिकाल लाङ ज्युत्च्येते थेमे ज्यीबा लाङच्या दुक्पा ओङ ज्युत्च्येते जिम्मा खुराते परमेश्वर दूत दुईनला थोङसुङ। परमेश्वरगी स्येदाङगी चूर गाल्ला तेरच्येते सजाय था होथे दुईनकामा बाँकी ओतान।
Sanasan