छ्या स्‍ये च्‍युताते बात 8:7 - जिरेल

⁷ थेमे गाङे भन्‍दा गोमे दूतकी थे खोरोङ बिकुल फुसुङ। थोक खानामेई ठाक स्‍येबाते सरेताङ मे ज्‍वाला पृथ्‍वीमा ङीम्‍बाला स्‍यूसुङ। दोक ओङेकी खित्‍सादु पृथ्‍वीदु खण्‍ड सुमला खण्‍डज्‍यीक सा थेमे स्‍यिङ दोङबोताङ ङोम्‍मुते सोतेबा गाङे छिगीन खतम गाल्‍सुङ।

छ्या स्‍ये च्‍युताते बात 8:7 Iomraidhean Croise

याकूब 1:11

ङीमा स्‍यारगीन रापकी छिक्‍च्‍या गाल्‍नामेई ङीमे रापकी होथे पाङगी सो थेमे चातेबा काम्‍ला मेन्‍दोकओन ङीम्‍ग्‍यो। रकस्‍यिक गोमा लेमु ओत्‍सीनोङ थोक ओङनामेई थेबा छ्याःङ लेमु मेदेदो। छ्युक्‍पुते मि बादोङ होदोकराङ ईन। थेकी जे काम खिन ओत्‍सीनोङ, थेत्ताङ जे ओत्‍सीनोङ ङीमाई थे दाक स्‍यिला थेते ओताते जति गाङे तोरला डुइओ।

१ पत्रुस 1:24

परमेश्‍वर बातला “मि जुनी सिरातेनी पाङगी नाङले सो च्‍योकराङ ईन। थेमे मि जतिराङ छ्ये ईन्‍सीनोङ, थेबाताङ जे ओत्‍सीनोङ होदोक्‍ते गाङे होथे सोकी मेन्‍दोक च्‍योकराङ ईन। सो काम्‍ग्‍यो, सोकी मेन्‍दोकोङ ओइले खाला ङीम्‍ला डुइओ।

छ्या स्‍ये च्‍युताते बात 12:4

थे डुगी ङामा योम्‍गीन खण्‍ड सुमला खण्‍डज्‍यीक नामगी कार्मा नामनेकी ठुत्‍कीन पृथ्‍वीमा ङिम्‍गीन ताङसुङ। थे फेम्‍मे मिकी फिजा क्‍यापज्‍यीकताङ खामज्‍यीकला साप सिन थेचेन थे फेम्‍मे मि दोन्‍दुराङ गुकीन देता ओतान।

छ्या स्‍ये च्‍युताते बात 16:2

थेमे गाल्‍गीन गोमे पालो दूतकी थे खोरोङगी खुराते कचौरा पृथ्‍वीमा पुसुङ। थोक खानामेई थे जन्‍तु मिनगी छाप देक च्‍युता ओत्‍कानताङ थे जन्‍तु मूर्तिला माने खित्‍कान्‍ते मि गाङेला जीउ खाङ आउदी कस्‍स्‍ये खाला सुक खित्‍च्‍येते कुमुकताङ मा थेन्‍सुङ।

छ्या स्‍ये च्‍युताते बात 16:21

थेमे घट्टे लाकोर छेतराङ जोदातेताङ ज्‍यीबा लाङच्‍येतेन्‍दे सरे नामनेकी मिओन लाकनामा ङीम्‍बाला स्‍यूसुङ। थोक ज्‍यीबा लाङच्‍येतेन्‍दे सरे ग्‍यापेकी खित्‍सादु मिओनगी परमेश्‍वरला मोता खिताला स्‍यूसुङ। साँच्‍चीराङ थे सरे आउदी ज्‍यीबा लाङच्‍येतेन्‍दे ओतान।

छ्या स्‍ये च्‍युताते बात 6:8

थेमे ताजीन कार्बो स्‍योरेज्‍यीक घोडा थेरू ओङा ङे थोङसुङ। थे घोडे लाक जेक्‍कान्‍ते मिनचेन स्‍यिच्‍येते काल ओतान। स्‍याप्‍ते मिओन देत्‍च्‍येते ठाउँचेन थे तिरी तिरी ओतान। दि सा लुङबा खाङ कोईला अनिकाल लाङला, कोईला तरवारगी तुप्‍ला, कोईला मेलेबा मेलेबा रोग खो च्‍युत्‍ला, कोईला री रीदाक लै खाला दि सा लुङबा खाङ ओताते बो स्‍यी मि नाङ बोज्‍यीकला सेत सिन कालताङ स्‍याप्‍ते मिओन देत्‍च्‍येते ठाउँला अधिकार बिन्‍दा ओतान।

छ्या स्‍ये च्‍युताते बात 7:1

थेमे दि तिरी ङे परमेश्‍वर दूत मेरा स्‍यी दि पृथ्‍वी सुर स्‍यीकारदु लाकीन देता ओता थोङसुङ। थेबाचेन दि सा लुङबा, समुन्‍द्र थेमे दोङबो नाङला खापाङ ल्‍हाबा चले मिक्‍किस्‍यीत सिन दि सा लुङबे सुर स्‍यीकारपेकी ओङच्‍येते ल्‍हाबा रोके खाईन देता ओतान।

छ्या स्‍ये च्‍युताते बात 9:15

थेमे साबा च्‍योकराङ खाईन थे दूत स्‍यीबोला ठासादुई ताङसुङ। थेबा स्‍यीबोलाचेन थे बेलाला, थे छोमु, थे दावाताङ थे लोला दि सा लुङबा खाङ ओताते खण्‍ड सुमगी नाङ खण्‍डज्‍यीक मिला सेताला सिन ठीक खाईन ज्‍याक्‍पा ओतान।

छ्या स्‍ये च्‍युताते बात 9:18

थेबे खादुकी थेन्‍दाते थे मे ज्‍वाला, थुताताङ बाराते गन्‍धककी खित्‍सादु खण्‍ड सुमगी नाङ खण्‍डज्‍यीक मि गाङे स्‍यिसुङ।

छ्या स्‍ये च्‍युताते बात 9:4

थेबाला बालीनालीताङ सो दोङबोला छ्याःङ माकेत। खोपरोङ टालाला परमेश्‍वर छाप ग्‍यापा मेताते मिओनलाकामा दुक्‍पा बिन सिन साबा ओतान।