छ्या स्‍ये च्‍युताते बात 8:5 - जिरेल

⁵ थेमे थे दूतकी होथे थानदु मे मेल्‍ताककी दोबोन्‍डा काङगीन पृथ्‍वीमा युक युकीन क्‍युरसुङ। थोक खानामेई नाम गाराङताङ गुरूङ खासुङ, नामज्‍योक बुराङ साच्‍याज्‍यीक ङोरो थोसुङ, चिलाम खासुङ थेमे सेदेर्मुङ गाल्‍सुङ।

छ्या स्‍ये च्‍युताते बात 8:5 Iomraidhean Croise

मत्ती 24:7

थेजीन जात जातकी मि जीङगो, लुङबा लुङबे गेल्‍बोओन नाङदुङ लडाइँ ओङगो थेमे ठाउँ ठाउँला छ्ये छ्ये अनिकाल लाङगो, सेदेर्मु डुइओ।

लूका 12:49

थेमे छापो लै खाबाते ठाउँदु मे लै खाला छापो कुराच्‍योक खाला दि सा लुङबा खाङगी मि न्‍याय खिताला ङा दुरू वाबाते ईन। बरू दि काम खाईन सिन्‍दा ओत्‍सीन लेमु ओङच्‍या ओतान।

शक्ति काम 16:26

थेबा थोक खिन ओते बेलालाराङ सेदेर्मु जोदाई गाल्‍गीन थे जेल आउदी खोक्‍पो खाईन लीक्‍सुङ। थोक ओङजीन थेरू जेलगी गोतेबा गाङे फेत्‍सुङ थेमे कैदीओनला कोन्‍दाते नेलओनोङ गाङे ठोल्‍सुङ।

शक्ति काम 4:31

थोक खाईन प्रार्थना खाईन सिन्‍नामेकी थेबा देताते खाम्‍बाराङ लीक्‍सुङ। थेमे थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी छ्याःङ ज्‍यीबा मिक्‍किता खाईन मिओनला परमेश्‍वर बात लाप्‍सुङ।

छ्या स्‍ये च्‍युताते बात 11:13

थेबा थोक खाला ड्वापज्‍यीकताङ आउदी ज्‍यीबा लाङच्‍याई सेदेर्मु गाल्‍सुङ। थेमे थे जोदाते सारगीते खण्‍ड च्‍युताम्‍बे नाङ खण्‍डज्‍यीक गाङे राम्‍सुङ। हजार दुईन मिङ स्‍यिसुङ। थेरू थोक ओङजीन थाराते मि गाङेराङ आउदी खाईन ज्‍यीबा खासुङ। थेमे थेबेकी स्‍वर्गने देत्‍कान्‍ते परमेश्‍वरराङ छ्ये ईन सिन थेला छ्ये जोसुङ।

छ्या स्‍ये च्‍युताते बात 11:19

थेरूई स्‍वर्गने ओताते परमेश्‍वर मन्‍दिर गो फेत्‍सुङ। थेमे गोमा परमेश्‍वर इस्राएलीओनताङ ङ्योम्‍बु ओत सिन सम्‍झे खिताला जोबाते जमान बाकसोङ थे नाङ थोङसुङ। थेमे थेरू चिलाम खासुङ, नामज्‍योक बुराङ साच्‍याज्‍यीक ङोरो थोसुङ, नाम गाराङताङ गुरूङ खासुङ, ज्‍यीबा लाङच्‍याई सेदेर्मु गाल्‍सुङ थेमे जोदा जोदातेन्‍दे सरेङ ग्‍याप्‍सुङ।

छ्या स्‍ये च्‍युताते बात 4:5

किल्‍दु ओताते सिंहासनदुकीचेन चिलाम खिन ओतान, नामज्‍योक बुराङ साच्‍याज्‍यीक ङोरो थोकीन ओतान, नामोङ गुरूङ खिन ओतान थेमे थे सिंहासन दोन्‍दुराङ मे राँको च्‍योक खाईन बाराते नाम्‍दाक दुईन ओतान। थे नाम्‍दाकचेन परमेश्‍वर आत्‍मा दुईनबो ईन।

छ्या स्‍ये च्‍युताते बात 6:12

थे लुई रीउकी पालो ठुगी बाजि छाप लोक्‍पातेङ ङे थोङसुङ। थेमे थेरू आउदी ज्‍यीबा लाङच्‍याज्‍यीक सेदेर्मु गाल्‍सुङ। थेमे ङीमाचेन नाक्‍पोते फालगी खोलाक च्‍योकराङ नाक्‍पो दिङी गाल्‍सुङ। थोकराङ खाईन दागारचेन ठाक च्‍योकराङ मोर्मु गाल्‍सुङ।

छ्या स्‍ये च्‍युताते बात 8:3

याङराङ लाःक्‍तु सेरगी दोबोन्‍डा खुराज्‍यीक परमेश्‍वर दूत वाकीन थानगी खादु लाकीन देत्‍सुङ। थे थानचेन सेरगी जोबा ओतान। थे थान सिंहासन खादु ओतान। परमेश्‍वर सन्‍तानओनगी खाबाते प्रार्थनाताङ स्‍येला थे थानदु पोराला सिन थे दूतला आउदी काल्‍बेई धूप बिन्‍दा ओतान।