छ्या स्‍ये च्‍युताते बात 8:3 - जिरेल

³ याङराङ लाःक्‍तु सेरगी दोबोन्‍डा खुराज्‍यीक परमेश्‍वर दूत वाकीन थानगी खादु लाकीन देत्‍सुङ। थे थानचेन सेरगी जोबा ओतान। थे थान सिंहासन खादु ओतान। परमेश्‍वर सन्‍तानओनगी खाबाते प्रार्थनाताङ स्‍येला थे थानदु पोराला सिन थे दूतला आउदी काल्‍बेई धूप बिन्‍दा ओतान।

छ्या स्‍ये च्‍युताते बात 8:3 Iomraidhean Croise

लूका 1:10

थेमे थे नाङने स्‍यूकीन धूप पोरे बेलाला थेरू वाबाते मिओनचेन फिनामाराङ परमेश्‍वरला प्रार्थना खिन ओतान।

रोमी 8:34

थोकराङ खाला था सुङगीङ थेबाला सजाय मेतेरो। च्‍यिला सासीन येशू ख्रीष्‍ट थेबे लाईदु स्‍यिइन सिन्‍दा ओत। थे थोक खाईन स्‍याप्‍तेकामा मेन, स्‍यिसादुकी समेदोङ सोम्‍बो लोगीन थानी परमेश्‍वर सामे छ्य्‌वापा देता ओत। थेमे थेरू देत्‍ला थेकी ङुरूङ लाईदु थेत्ताङ बात खाला तेरग्‍यो।

हिब्रू 7:25

थोक ईन्‍देकीराङ खोपरोङला परमेश्‍वर दोन्‍दु खेरकान्‍ते थेराङ ईन सिन थे छ्य्‌वापा लै खित्‍कान्‍तेबाला थेकी पूरो खाला पापदुकी टाल्‍ला स्‍वर्गने देत ज्‍युत्‍क्‍यो। च्‍यिला सासीन थे सधैँभरि परमेश्‍वर दोन्‍दुराङ देत्‍ला थेबे लाईदु थेत्ताङ बात खिनराङ देत्‍क्‍यो।

हिब्रू 9:4

थे कोठे नाङचेन ठाउँज्‍यीक्‍तु धूप पोराला जोबाते थान ओतान। थे थान सेरगी जोबा ओतान। परमेश्‍वर इस्राएलीओनताङ ङ्योम्‍बु ओत सिन सम्‍झे खिताला जोबाते जमान बाकसोङ थेरूराङ ओतान। थे बाकसचेन लाक नाङ सेरगी मोरे खाईन जोबा ओतान। थेमे थे नाङ मन्‍न लुगीन ज्‍याक्‍पाते सेरगी नोत, हारूनगी गोमा खुराते च्‍यूली बुराते फेर्का थेमे परमेश्‍वर नियम टिबाते दोई पाटी ङि ज्‍याक्‍पा ओतान।

छ्या स्‍ये च्‍युताते बात 10:1

थेरूई तिरी याङराङ ङे स्‍वर्गनेकी छ्येज्‍यीक शक्ति ओताते परमेश्‍वर ज्‍येनज्‍यीक दूतला देमा ओङगीन ओताते थोङसुङ। थे दूत मुक्‍पे नाङ ओतान। थेमे थे गोःकी फेरोलाचेन जा सुक्‍पा ओतान। थे छ्येत ङीमा च्‍योक ओतान। थेमे काम्‍बातेबाचेन मे मुस्‍लो च्‍योक्‍तेन्‍दे ओतान।

छ्या स्‍ये च्‍युताते बात 14:18

थेरूई लोईन मे लाक अधिकार खित्‍कान्‍ते परमेश्‍वर दूत थे थानगी खादुकी थेन्‍गीन वाबाते ङे थोङसुङ। थेमे थेकी गोमा स्‍वारेक खुरगीन वाबाते दूतला कस्‍स्‍ये खाईन छेरा खाईन “था दि नोम्‍बोते स्‍वारेककी पृथ्‍वीदु ओताते अंगूर स्‍यीङगी अंगूर झुप्‍पातेबा ठेला जम्‍मा खि। थेबा गाङे छोकीन सिन्‍सुङ,” सिन कोत्‍सुङ।

छ्या स्‍ये च्‍युताते बात 5:8

थेकी थे किताब लानामेई थे ङेपाक ओताते थरी स्‍यीकारताङ थे मेरा खालज्‍यीकताङ स्‍यीबो छ्ये छ्येतेबा गाङेकी थेला गुर्बु खाईन से खासुङ। थेबा गाङे लाःक्‍तु वीणा सिराते बाजा रेरेताङ धूपकी खाङाते सेरगी कचौरा रेरे ओतान। थे धूपचेन परमेश्‍वर सन्‍तानओनगी परमेश्‍वरला खाबाते प्रार्थना ओतान।

छ्या स्‍ये च्‍युताते बात 6:9

याङराङ थे लुई रीउकी पालो ङे बाजि छाप लोक्‍सुङ। थेमे थानगी चावादु ङे च्‍यि थोङसुङा सासीन ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु गोमाबा सेताते मिओन आत्‍मा थोङसुङ।

छ्या स्‍ये च्‍युताते बात 7:2

लोईन ङे सोम्‍बोते परमेश्‍वर छाप खुरा ओताते ज्‍येनज्‍यीक परमेश्‍वर दूतज्‍यीकला ङीमा स्‍यारसे छ्य्‌वापेई ओङगीन ओताते थोङसुङ। थेमे थेकी दि सा लुङबाताङ समुन्‍द्र नाश ज्‍वाप्‍ला अधिकार ङेता ओताते थे लाकीन देताते दूत स्‍यीबोला छेरा खिनकामा

छ्या स्‍ये च्‍युताते बात 8:4

थे दूतकी धूप पोरजीन थे लाःक्‍तुकी धूपकी थुताताङराङ खाला परमेश्‍वर सन्‍तानओनगी खाबाते प्रार्थनाङ परमेश्‍वर ओत्‍साने डुइन ओतान।

छ्या स्‍ये च्‍युताते बात 8:5

थेमे थे दूतकी होथे थानदु मे मेल्‍ताककी दोबोन्‍डा काङगीन पृथ्‍वीमा युक युकीन क्‍युरसुङ। थोक खानामेई नाम गाराङताङ गुरूङ खासुङ, नामज्‍योक बुराङ साच्‍याज्‍यीक ङोरो थोसुङ, चिलाम खासुङ थेमे सेदेर्मुङ गाल्‍सुङ।

छ्या स्‍ये च्‍युताते बात 9:13

थोक ओङगीन सिन्‍नामेकी पालो ठुगी बाजि परमेश्‍वर दूतकी बिकुल फुसुङ। थेरूई परमेश्‍वर दोन्‍दु ओताते थे सेरगी थानदुकी बात खाबाते ङोरोज्‍यीक ङे थोसुङ। थे ङोरोचेन थे थानगी सुर स्‍यीकारपा जोबा ओताते रोज्‍यो च्‍योक्‍तेदुकी थेन्‍दा ओतान।